18-Mar-2026

ରେଢ଼ାଖୋ(ଅନିଲ ପୃଷ୍ଟି): ରେଢ଼ାଖୋଲ ଥାନା ଡୁଙ୍କଛାଲି ଜଙ୍ଗଲ ରେ ବୁଧବାର ଭୋର ସକାଳେ ୫.୪୫ ମିନିଟ ସମୟରେ  ଏନକାଉଣ୍ଟର,ପୋଲିସ ଗୁଳିରେ ଦୁର୍ଦାନ୍ତ ଅପରାଧୀ ଟିମା @ ଧନେଶ୍ଵର ଝାଙ୍କର ଗୁରୁତର,ଡାହାଣ ଗୋଡରେ ବାଜିଛି ଗୁଳି,ମେଡିକାଲରେ ଭର୍ତ୍ତି,ଟିମା ନାଁରେ ବିଭିନ୍ନ ଜିଲ୍ଲାରେ ୪୦ରୁ ଅଧ‌ିକ ମାମଲା ଥିବା ସୂଚନା ମିଳିଛି,ଟିମାର ସହଯୋଗୀକୁ ମଧ୍ୟ ପୋଲିସ ଗିରଫ କରିଛି । 
ଅଭିଯୁକ୍ତ ତାଙ୍କ ୩ ଜଣ ସହଯୋଗୀ ସହିତ ରେଢ଼ାଖୋଲ ଥାନା ଅଞ୍ଚଳର ଡୁମଚାଳି ଜଙ୍ଗଲ ଅଞ୍ଚଳରେ ଥିବା ଜାଣି ନାକଟିଦେଉଳ ପୋଲିସ ସେମାନଙ୍କୁ ଅଟକାଇବାକୁ ପ୍ରୟାସ କରିଥିଲେ। କିନ୍ତୁ ପୋଲିସକୁ ଚକମା ଦେଖାଇ ଅଭିଯୁକ୍ତ ଖସି ପଳାଇବା ଚେଷ୍ଟା କରି  ପୋଲିସ ଉପରକୁ ଗୁଳି ଚାଲାଇଥିଲେ। ଏହାର ଜବାବରେ ଆତ୍ମରକ୍ଷା ପାଇଁ ପୋଲିସ ପକ୍ଷରୁ ନିୟନ୍ତ୍ରିତ ଗୁଳିଚାଳନା କରାଯାଇଥିଲା।ଯାହା ଅଭିଯୁକ୍ତଙ୍କ ଡାହାଣ ପାଦରେ ଗୁଳି ଲାଗିଥିଲା। ଅଭିଯୁକ୍ତ ୩ ରାଉଣ୍ଡ ଗୁଳି ଚାଲାଇଥିବା ବେଳେ ପୋଲିସ ମଧ୍ୟ ନିୟନ୍ତ୍ରିତ ଭାବେ ୨ ରାଉଣ୍ଡ ଗୁଳି ଚାଲାଇଥିଲେ। ତାଙ୍କ ୩ ଜଣ ସହଯୋଗୀକୁ ଘଟଣା ସ୍ଥଳରୁ ପୋଲିସ ଗିରଫ କରିବା ସହିତ ଟିମା କୁ ମଧ୍ୟ କବ୍ଜା କରିଛି।ଏହି ସମୟରେ ପୋଲିସ  ଏକ ପିସ୍ତଲ ସହିତ ଜୀବନ୍ତ ଗୁଳି, ଏକ ବୋଲେରୋ ଗାଡ଼ି, ଏକ ତାର କଟର ଓ ବିଦ୍ୟୁତ ତାର କାଟିବାରେ ବ୍ୟବହୃତ ଅନ୍ୟାନ୍ୟ ଉପକରଣ ଜବତ କରି ତଦନ୍ତ ଆରମ୍ଭ କରିଛି।