18-Mar-2026

ଜଗତସିଂହପୁର ଜିଲ୍ଲା ନାଉଗାଁ ବ୍ଲକ୍ ର କୋରୁଅ ପଞ୍ଚାୟତ ଅନ୍ତର୍ଗତ ଡାହାଣୀଖିଆ  ଗ୍ରାମରେ  ସନ୍ଧ୍ୟା ସମୟରେ ହଠାତ୍  ୪ ଟି ଟ୍ରାକ୍ଟର ମାଧ୍ୟମରେ  ଗ୍ରାମ୍ୟ ରାସ୍ତା ଦେଇ  ବାଲି ନେବା ସମୟରେ  ଗ୍ରାମର ବହୁତ୍  ଯୁବକ , ଶତାଧିକ ପୁରୁଷ ଓ ମହିଳା ମାନେ  ବାଲିଗାଡ଼ିକୁ ଅଟକାଇଥିଲେ ଓ  ଶାନ୍ତିପୂର୍ଣ୍ଣ ଭାବେ ରାସ୍ତାରେ ବସିଥିଲେ । ଗାଡ଼ି ବନ୍ଦ୍ ଖବର ପାଇ ବାଲିଘାଟର କିଛି ଯୁବକ ଆସି ଗ୍ରାମରେ ଅସଭ୍ୟ ଭାଷାରେ ଗାଲିଗୁଲଜ କରିଥିଲେ  ଏବଂ  ବନ୍ଧୁକ ଦେଖାଇ ଭୟଭୀତ କରୁଥିଲେ ବୋଲି ଗ୍ରାବାସୀମାନେ ଅଭିଯୋଗ କରିଛନ୍ତି। ଯାହାଫଳରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା। ଖବର ପାଇ ନାଉଗାଁ ଥାନା ଅଧିକାରୀ ଦେବାଶିଷ ପଣ୍ଡା ଓ ଗାରୋଇ ଫାଣ୍ଡି ଅଧିକାରୀ ଘଟଣା ସ୍ଥଳରେ ପହଞ୍ଚିଥିଲେ । ଯାହା ଫଳରେ କି ପରିସ୍ଥିତି ଶାନ୍ତ କରିବାକୁ ପୋଲିସ୍ କୁ ନାକେଦମ୍ ହେବାକୁ ପଡ଼ିଛି । ପ୍ରକାଶ ଥାଉ କି ପୁରୀ ଜିଲ୍ଲା ମାଇନଙ୍ଗ ବିଭାଗ ଅଧୀନ  କାକଟପୁର ତହସିଲର  ବାଲିକୁଳ ଗ୍ରାମର  ବାଲି ସୈରାତ୍ ଟେଣ୍ଡର ମାଧ୍ୟମରେ ନିଲାମ କରାଯାଇଛି । ବାଲି ଚାଲାଣ ପାଇଁ ଡାହାଣୀଖିଆ ର ଗ୍ରାମ୍ୟ ରାସ୍ତା ଦେଇ ଓ  ନଦୀ କୂଳରେ ବାଲି ଚାଲାଣ ହେଲେ ଗ୍ରାମଟି ଓ ଆଖ ପାଖ ପଡୋଶୀ ଗ୍ରାମ ଓ ରାସ୍ତା ସମ୍ପୂର୍ଣ ବିପର୍ଯସ୍ଥ ହୋଇଯିବା ସଙ୍ଗେ ସଙ୍ଗେ ଦେବୀ ନଦୀ ଗର୍ଭରେ ଲୀନ ହୋଇଯିବ । ଏହାକୁ ଦୃଷ୍ଟିରେ ରଖି  ଗ୍ରାମବାସୀ ଜଗତସିଂହପୁର ଜିଲ୍ଲାପାଳ , ପୋଲିସ୍ ଆରକ୍ଷୀ ଅଧିକ୍ଷକ ଏବଂ  ମାନ୍ୟବର ବିଧାୟକଙ୍କୁ ଲିଖିତ ଅଭିଯୋଗ କରିଛନ୍ତି । ଏହାକୁ ସମସ୍ତେ ଗମ୍ଭୀରତାର ସହ ନେଇଛନ୍ତି। କାରଣ ଉକ୍ତ ଗ୍ରାମଟି ଦେବୀ ନଦୀ କୂଳରେ ଅବସ୍ଥିତ ଏବଂ ଏହି ଗ୍ରାମ୍ୟ ରାସ୍ତାରେ ୪ଟି ପଞ୍ଚାୟତର ଲୋକମାନେ ଓ ସ୍କୁଲ ପିଲାମାନେ ଯିବାଆସିବା କରନ୍ତି । ଜଗତସିଂହପୁର ଉପଜିଲ୍ଲାପାଳ ପ୍ରଶାନ୍ତ ତରାଇ ,  ଡେରିକି ରାଜସ୍ଵ  ନିରୀକ୍ଷକ ଓ ତହସିଲ କର୍ମଚାରୀ ମଧ୍ଯ ସ୍ଥାନ ତଦାରଖ କରିଥିଲେ  । ଏହି ସଂକୀର୍ଣ୍ଣ ଗ୍ରାମ୍ୟରାସ୍ତା ଦେଇ ବାଲି  ଚାଲାଣ ହେବା ଅସୁବିଧା ବୋଲି ଅନୁଭବ କରିଛନ୍ତି । ଜଗତସିଂହପୁର ବିଧାୟକ ଅମରେନ୍ଦ୍ର ଦାସ ମଧ୍ଯ ସ୍ଥିତି ପରଖିବା ସହିତ ଘୋର ଦୃଢ଼ ନିନ୍ଦା କରିଛନ୍ତି । ଯେହେତୁ ଟ୍ରାଞ୍ଜିଟ୍ ପାସ୍  ଉକ୍ତ ଗ୍ରାମ ଦେଇ ଗାରୋଈ  ପାସ୍ ରହିଥିଲା । ଆମେ ଏ ବାବତରେ ଜଗତସିଂହପୁର ମାଇନିସ୍ ବିଭାଗ ଅଫିସର୍ ଜିତେନ୍ଦ୍ର ଦାସ ସହିତ ଯୋଗାଯୋଗ କରିଥିଲୁ , ସେ କହିଲେ ମୁଁ ଛୁଟିରେ ଅଛି ଓ ସେ ବାବତରେ ଅବଗତ ନାହିଁ ।  (ଚିନ୍ମୟ ବିଶ୍ବାଳଙ୍କ ରିପୋର୍ଟ)