15-Feb-2026

ପୁଇଁତଲା, (ପ୍ରେରଣା ଖବର) ଓଡ଼ିଶା ପାଠ୍ୟକ୍ରମ ରୂପରେଖ ୨୦୨୪ ଓ ନୂତନ ପାଠ୍ୟ ପୁସ୍ତକ ସଞ୍ଚାଳନ ନିମନ୍ତେ ପଞ୍ଚ ଦିବସୀୟ ବ୍ଲକ୍ ସ୍ତରୀୟ ଶିକ୍ଷକ ଶିକ୍ଷୟିତ୍ରୀ ମାନଙ୍କ ପାଇଁ ଦିଗ୍ ଦର୍ଶନ ଉପରେ ଆଧାରିତ ପ୍ରବଧନ ତାଲିମ୍ କାର୍ଯ୍ୟକ୍ରମ ଆଜି ଉଦଯାପିତ ହୋଇ ଯାଇଛି।ତାଲିମ୍ କାର୍ଯ୍ୟକ୍ରମ ଟି ଫେବୃଆରୀ ୫ ତାରିଖ ରେ କୁରୁଲ ରାମଜୀ ଉଚ୍ଚ ବିଦ୍ୟାଳୟରେ ବ୍ଲକ୍ ଶିକ୍ଷା ଅଧିକାରିଣୀ ରତ୍ନ ମୟୀ ପୁରୋହିତ ଙ୍କ କର କମଳ ରେ ଆନୁଷ୍ଠାନିକ ଭାବେ ଉଦ୍ଘାଟିତ ହୋଇଥିଲା ନୂତନ ଶିକ୍ଷ୍ୟା ନୀତି ଅନୁସାରେ ଦକ୍ଷତା ଭିତ୍ତିକ ନୂତନ ପାଠ୍ୟ ପୁସ୍ତକ ପ୍ରସ୍ତୁତି ହୋଇ ସାରିଛି, ଯାହାକି ଚଳିତ ଶିକ୍ଷା ବର୍ଷ ୨୦୨୬-୨୭ ରେ ପ୍ରଚଳିତ ହେବ। ତେଣୁ ଶିକ୍ଷକ ଶିକ୍ଷୟିତ୍ରୀ ମାନଂକୁ ଅଗ୍ରୀମ ତାଲିମ୍ ପ୍ରଦାନ କରାଯାଉ ଥିବା ବିଷୟ ରେ ଶ୍ରୀମତୀ ରତ୍ନମୟୀ ପୁରୋହିତ ଅବଗତ କରାଇ ଥିଲେ। ସାଧନ କର୍ମୀ ଦିବ୍ୟ ସିଂହ ସାହୁ,ପ୍ରଭାକର ମହାପାତ୍ର ଓ ସୁଶିଲ ମୋହଲା ଓଡ଼ିଶା ପାଠ୍ୟକ୍ରମ ରୂପରେଖ ଉପରେ ବିଭିନ୍ନ ବିଦ୍ୟାଳୟ ରୁ ଆସିଥିବା ୫୫ ଜଣ ଶିକ୍ଷକ ଶି୍ଷୟିତ୍ରୀ ମାନଙ୍କୁ ତାଲିମ୍ ପ୍ରଦାନ କରିଥିଲେ, ଉଦଯାପନୀ ଉତ୍ସବରେ ମୁଖ୍ୟ ଅତିଥି ରୂପେ ସ୍ଥାନୀୟ ବିଦ୍ୟାଳୟ ର ପ୍ରଧାନ ଶିକ୍ଷକ ଆନନ୍ଦ ସାହୁ ଓ ମୂଖ୍ୟ ବକ୍ତା ଭାବେ ବରିଷ୍ଟ ବିଜ୍ଞାନ ଶିକ୍ଷୟିତ୍ରୀ  ଶ୍ରୀମତୀ ବାସନ୍ତୀ ସହୁ ଉପସ୍ଥିତ ରହି ନୂତନ ପାଠ୍ୟ ପୁସ୍ତକ ରେ ଥିବା ବିଷୟ ବସ୍ତୁ ଗୁଡିକ କିପରି ଭାବରେ ଛାତ୍ର ଛାତ୍ରୀ ମାନେ ଠିକ୍ ଭାବରେ ବୁଝି ଅଧ୍ୟୟନ କରି ପାରିବେ ଓ ଜାତୀୟ ଶିକ୍ଷାନୀତି ୨୦୨୦ ର ଲକ୍ଷ୍ୟ ସାଧିତ ହୋଇ ପାରିବ ତାହା ଆମ ସମସ୍ତଙ୍କର ଦାୟିତ୍ୱ ବୋଲି ମଞ୍ଚଷିତ ଅତିଥି ମାନେ ମତ ବ୍ୟକ୍ତ କରି ଥିଲେ। ପରି ଶେଷ ରେ ସାଧନ କର୍ମୀ ମାନେ  ନିଜ ନିଜ ର ବକ୍ତବ୍ୟ ରଖିଥିଲେ। ସମସ୍ତ ଶିକ୍ଷକ ଶିକ୍ଷୟିତ୍ରୀ ମାନଂକୁ ଉଦଯାପନ ଉତ୍ସବ ରେ ପ୍ରମାଣ ପତ୍ର ପ୍ରଦାନ କରାଯାଇଥିଲା। ସାମାନ ତାରିଖ ରେ ପୁଇନ୍ତଲା ବ୍ଲକ୍ ଅନ୍ତର୍ଗତ ଅନ୍ୟ ଏକ ଶିବିର ଭାଳେର ଉଚ୍ଚ ବିଦ୍ୟାଳୟରେ ୫୫ଜଣ ଶିକ୍ଷକ ଶିକ୍ଷୟିତ୍ରୀ ମାନଂକୁ ତାଲିମ ପ୍ରଦାନ କରାଯାଇ ଥିଲା, ଯାହାକୁ ଶିକ୍ଷକ ଅଞ୍ଜନ ସାଏ, ତ୍ରିନାଥ ପାତ୍ର ଓ ଅନିଲ ରଣା ପରିଚାଳିତ କରି ଥିଲେ l