15-Feb-2026

ବୌଦ୍ଧ(ପ୍ରେରଣା ଖବର): ୨୬ତମ ରାଜ୍ୟସ୍ତରୀୟ ତୀରନ୍ଦାଜ ଚମ୍ପିୟାନସିପ-୨୬  ଭବାନୀ ପୁର ସ୍ପୋର୍ଟସ କମପ୍ଲେକ୍ସ ସୁନ୍ଦରଗଡ  ଠାରେ ଅନୁଷ୍ଠିତ ହୋଇ ଯାଇଛି । ତା -୧୨ ରୁ ଓ ୧୫ ଫେବୃୟାରୀ ୪ ଦିନ ଧରି ଅନୁଷ୍ଠିତ ଏହି ତୀରନ୍ଦାଜ କ୍ରୀଡା ପ୍ରତିଯୋଗିତାରେ ବୌଦ୍ଧ ଜିଲ୍ଲା ତିରନ୍ଦାଜ  ସଂଘ ତରଫରୁ ମାତ୍ର ୨ ଜଣ  ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ରାଜ୍ୟର ବିଭିନ୍ନ ଜିଲ୍ଲାରୁ ଚୟନ ହୋଇ ଆସିଥିବା ୩୫୦ ଜଣ ପ୍ରତିଯୋଗୀ ମାନଙ୍କ ମଧ୍ୟରେ ହୋଇଥିବା ତୀରନ୍ଦାଜ କ୍ରୀଡା ପ୍ରତିଯୋଗିତାରେ ବୌଦ୍ଧ ତୀରନ୍ଦାଜୀ ୧୭  ବର୍ଷରୁ କମ ବାଳକ ସବ ଜୁନିଅର ବିଭାଗର କମ୍ପାଉଣ୍ଡ ରାଉଣ୍ଡରେ ସୁରଜ  ମେହେର, ଦ୍ବିତୀଯ ସ୍ଥାନ ଅଧିକାର କରି  ରୋପ୍ୟ  ପଦକ ହାସଲ କରିଥିବା ବେଳେ  ସିନିଅର ବାଳିକା  ବିଭାଗରେ ସୁଶ୍ରୀ କ୍ରୀଷ୍ଣାମୟୀ ମାହାକୁଡ  ରିକର୍ଭ  ରାଉଣ୍ଡରେ ଚତୁର୍ଥ ସ୍ଥାନ ଅଧିକାର କରିଛନ୍ତି  । ମୁଖ୍ୟ ଅତିଥି ରୂପେ ଶ୍ରୀ ଯୁକ୍ତ ଭବାନୀ ଶଙ୍କର ଭୋଇ ମାନ୍ୟବର ଉପ ବାଚସ୍ପତି ଓଡ଼ିଶା ବିଧାନ ସଭା  ଯୋଗଦେଇ ସଫଳ  ପ୍ରତିଯୋଗୀ ମାନଙ୍କୁ ସମ୍ବର୍ଦ୍ଧିତ କରିବା ସହ ଆର୍ଥିକ ପ୍ରୋତ୍ସାହନ ମଧ୍ୟ ପ୍ରଦାନ କରିଥିଲେ । ଏହି ସମସ୍ତ ତୀରନ୍ଦାଜୀ ବୌଦ୍ଧ ଜିଲ୍ଲା ତୀରନ୍ଦାଜ ସଙ୍ଘ ଅଧୀନରେ ପ୍ରଶିକ୍ଷଣ ନେଉଥିବା ଜଣାଯାଇଛି । ଟିମ ମ୍ୟାନେଜର ଭାବେ ଶ୍ରୀ ଅକ୍ଷୟ କୁମାର ମହାକୁଡ  ଯୋଗଦେଇ ପ୍ରତିଯୋଗୀ ମାନଙ୍କୁ ସହଯୋଗ କରିଥିଲେ । 
              ଏହି ସଫଳତା ନିମନ୍ତେ ବୌଦ୍ଧ ଜିଲ୍ଲା ତୀରନ୍ଦାଜ ସଙ୍ଘରସଭାପତି ଶ୍ରୀ ବସନ୍ତ କୁମାର ସାହୁ ଓ ସମ୍ପାଦକ ଶ୍ରୀ ଅର୍ଜୁନ କଅଁର; ସମସ୍ତ ଖେଳାଳୀଙ୍କୁ ଶୁଭେଚ୍ଛା ପ୍ରଦାନ କରିବା ସହ ଶ୍ରୀ ସୁରଜ ମେହେରଙ୍କ ପିତା ଶ୍ରୀ ନିରଞ୍ଜନ ମେହେର,ମାତା ଶ୍ରୀମତୀ ସରିତା ମେହେର ଓ କ୍ରୀଷ୍ଣାମୟୀ ମାହାକୁଡଙ୍କ ପିତା ଅକ୍ଷୟକୁମାର  ମହାକୁଡ ଓ ମାତା ଶ୍ରୀମତୀ କଳ୍ପନା ମାହାକୁଡଙ୍କୁ  ଧନ୍ୟବାଦ ଜଣାଇ ବୌଦ୍ଧ ଜିଲ୍ଲା ପାଇଁ ଏହା ଏକ ଗୌରବର ବିଷୟ ବୋଲି କହିଛନ୍ତି ।  ସମସ୍ତ ସଫଳ ପ୍ରତିଯୋଗୀ ଆଗାମୀ ଦିନରେ ହେବାକୁ ଥିବା ଅନ୍ୟ ପ୍ରତିଯୋଗିତାରେ ମଧ୍ୟ ଅଧିକ  ସଫଳତା ପାଇବାର ଆଶା ପୋଷଣ କରିବାସହ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି ରାଜ୍ୟ ତୀରନ୍ଦାଜୀ ସଂଘର ସଂପାଦକ      ଶ୍ରୀ ସମ୍ପୂର୍ଣ୍ଣା ନନ୍ଦ ଦାସ ।