10-Feb-2026

ଆଦିବାସୀ-ଯୁବକ-ଦାଦନ ଶ୍ରମିକ ବିକାଶ ପାଇଁ କିଛି ନାହିଁ

ଦିଲ୍ଲୀ(ପ୍ରେରଣା ଖବର) କେନ୍ଦ୍ରୀୟ ବଜେଟ ୨0୨୬-୨0୨୭  ଆଲୋଚନା ରେ ଅଂଶଗ୍ରହଣ କରି ବିଜେଡି ରାଜ୍ୟସଭା ସାଂସଦ କେନ୍ଦ୍ର ସରକାରଙ୍କ ବଜେଟକୁ କଡ଼ା ସମାଲୋଚନା କରି କହିଲେ ଯେ କେନ୍ଦ୍ରୀୟ ବଜେଟ ରେ ଓଡିଶା ର ବିକାଶ ପାଇଁ କିଛି ନାହିଁ l ଚାଷୀ ଓ ଚାଷ ର ବିକାଶ ପାଇଁ, ଧାନ ର ଏମ ଏସ ପି  କ୍ଯୁଇଣ୍ଟାଲ ପିଛା ୩୧୦୦ରୁ ୬୨୦୦ ଟଙ୍କା ବଢେଇବା ବ୍ୟବସ୍ଥା ନାହିଁ l ଦାଦନ ଶ୍ରମିକ ସମସ୍ୟା ସମାଧାନ ପାଇଁ ବଜେଟ ନାହିଁ l ପଶ୍ଚିମ ଓଡିଶା ଏବଂ କେବିକେ ଅଞ୍ଚଳ, ଗ୍ରାମାଞ୍ଚଳ ର ବିକାଶ ପାଇଁ ବଜେଟ ସୁବିଧା ନାହିଁ l ପ୍ରାକୃତିକ ବିପର୍ଯ୍ୟୟ ବନ୍ୟା ବାତ୍ୟା ମରୁଡ଼ି ଓଡିଶା କୁ ଧ୍ୱସ୍ତ ଵିଧ୍ଵସ୍ଥ କରୁଛି l ସେଥିପାଇଁ ଓଡିଶା ର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ଦଳ ସଭାପତି ନବୀନ ପଟ୍ଟନାୟକ ଓଡିଶା କୁ ସ୍ୱତନ୍ତ୍ର ରାଜ୍ୟ ପାହ୍ୟା ମନ୍ୟତା ଦେବା ପାଇଁ ଲଢ଼େଇ କରିଆସୁଛନ୍ତି l ପୂର୍ବତନ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଓଡିଶା ର ବିକାଶ ପାଇଁ ସ୍ୱତନ୍ତ୍ର ଆର୍ଥିକ ପ୍ୟାକେଜ ମଞ୍ଜୁରୀ ପାଇଁ ଦାବୀ କରିଆସୁଛନ୍ତି l ତାସତ୍ୱେ ବଜେଟ ରେ ଓଡିଶା କୁ ଅତିରିକ୍ତ ପାଣ୍ଠି ଦିଆଯାଇନାହିଁ l   ସାଂସଦ ଶ୍ରୀ ବିଶି କହିଲେ ଯେ ବଜେଟ ରେ ଶିକ୍ଷା ପାଇଁ ୧. ୩୯ ଲକ୍ଷ କୋଟି ବଜେଟ ବ୍ୟବସ୍ଥା ଯାହାକି ମୋଟ ବଜେଟ ର ମାତ୍ର ୨ ପ୍ରତିଶତ l  ଭାରତ ରେ୨୦୧୪-୨୦୨୪ ମଧ୍ୟରେ  ୯୩ ହଜାର ସରକାରୀ ସ୍କୁଲ ବନ୍ଦ ହୋଇଯାଇଛି l ଓଡିଶା ରେ ୨୦୨୪ ରୁ ୨୦୨୫ମଧ୍ୟରେ ୭୦୬୮ ଟି ସରକାରୀ ସ୍କୁଲ ବନ୍ଦ କରା ଯାଇଛି l ଏସବୁ ସ୍କୁଲ ଗୁଡିକ ଆଦିବାସୀ ଅଞ୍ଚଳ, ଆଦିବାସୀ ଗାଁ, ଆଦିବାସୀ ବସ୍ତି ରେ ବନ୍ଦ ହୋଇଯାଇଛି l ଆଦିବାସୀ ଛାତ୍ରଛାତ୍ରୀ ପାଠ ପଢ଼ାରୁ ବଞ୍ଚିତ l ଆଦିବାସୀ ଯଦି ପଢି ପାରିବେ ନାହିଁ, ତେବେ ସବକା ସାଥ ସବକା ବିକାଶ ସବକା ବିଶ୍ୱାସ ହୋଇ ପାରିବ ନାହିଁ l ଉତ୍ତମ ସ୍ୱାସ୍ଥ୍ୟ ସେବା ପାଇଁ ବଜେଟ ରେ କେବଳ ୨ ପ୍ରତିଶତ ବ୍ୟବସ୍ଥା ହୋଇଛି l ଏହି ବଜେଟ ରେ  ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଭଳିଆ ମାଗଣା ସ୍ୱାସ୍ଥ୍ୟ ସେବା ମିଳିବ ନାହିଁ  ବୋଲି ସାଂସଦ ଶ୍ରୀ ବିଶି ଉଦବେଗ ପ୍ରକାଶ କରିଥିଲେ l ଦେଶର ୧୫ କୋଟି ଆଦିବାସୀ ପାଇଁ ୧୫ହଜାର କୋଟି ଯାହାକି ମୋଟ ବଜେଟ ର ୦.୨୯% ବଜେଟ ହୋଇଥିବା ବେଳେ ଅନୁସୂଚିତ ଜାତି, ସଂଖ୍ୟାଲଘୁ, ଦିବ୍ୟାଙ୍ଗଜନ ପାଇଁ ୧୫,୩୫୭ କୋଟି ଅର୍ଥାତ  ମୋଟ ବଜେଟ ର ୦.୩ % l ଶ୍ରୀ ବିଶି କ୍ଷୋଭ ପ୍ରକାଶ କରି କହିଲେ ଯେ ଏଭଳିଆ ବଜେଟ ରେ ବାବାସାହେବ ଡକ୍ଟର ଆମ୍ବେଦକର ଙ୍କ ସପ୍ନ ସାକାର ହେବ ନାହିଁ କିମ୍ବା କ୍ରାନ୍ତିବିର ବିର୍ସାମୁଣ୍ଡା ଙ୍କ ଲକ୍ଷ ପୂରଣ ହେବ ନାହିଁ l  ଓଡିଶା ର ପର୍ଯ୍ୟଟନ ବିକାଶ ତଥା ଶ୍ରୀକ୍ଷେତ୍ର ପୁରୀ ଜଗନ୍ନାଥ, କୋଣାର୍କ, ଲିଙ୍ଗରାଜ, ଚିଲିକା, ସମଲେଶ୍ୱରୀ ମନ୍ଦିର, ହରିଶଙ୍କର ନରସିଂନାଥ ଗନ୍ଧମାର୍ଦନ, ଚଉଷଠି ଯୋଗିନୀ ରଣିପୁର ଝରିଆଲ ଇତ୍ୟାଦି ପର୍ଯ୍ୟଟନ ସ୍ଥଳୀ ପାଇଁ ବଜେଟ ନାହିଁ ବୋଲି ଅସନ୍ତୋଷ ପ୍ରକାଶ କରିଥିଲେ l ଓଡିଶା ର ହାଇ ସ୍ପିଡ଼ ରେଲୱେ କରିଡର, ଭୁବନେଶ୍ୱର ମେଟ୍ରୋ ପ୍ରୋଜେକ୍ଟ, ବଲାଙ୍ଗିର -ନୁଆଁ ପଡ଼ା ନୁଆଁ ରେଲୱେ ଲାଇନ ନିର୍ମାଣ ବଜେଟ ରେ ନାହିଁ ବୋଲି ସେ ଦୁଃଖ ପ୍ରକାଶ କରିଥିଲେ l କେବଳ ଓଡିଶା ର ପ୍ରାକୃତିକ ସମ୍ପଦ ମାଙ୍ଗାନିଜ, ବକ୍ସାଇଟ, କ୍ରୋମାଇଟ, କୋଇଲା, ଆଇରନ ଓର ପାଇଁ ବଜେଟ, ଆଦିବାସୀ ମାନଙ୍କୁ ତାଙ୍କ ଜମି ଜଙ୍ଗଲ ରୁ ବିସ୍ଥାପିତ କରି ଆଦିବାସୀ ମାନଙ୍କୁ ତାଙ୍କ ଗାଁ ରୁ ହଟେଇ ଖଣି ଖନନ କୁ ବିକାଶ କୁହା ଯାଏ ନାହିଁ l ଆଦିବାସୀ ଙ୍କୁ  ଜଙ୍ଗଲ  ଦରକାର l ମଙ୍ଗଳ ଦରକାର ନାହିଁ l ଜଙ୍ଗଲ ରେ ଆମେ ଠିକ ଅଛୁ ବୋଲି ଶ୍ରୀ ବିଶି କହିଥିଲେ l ପଶ୍ଚିମ ଓଡିଶା ରେ ସବୁଠାରୁ ଭଲ କପା ଚାଷ ହେଉଛି l ସେଠାରେ ପିଏମ ମିତ୍ର ଯୋଜନାରେ ବୃହତ ସମ୍ୱନ୍ୱିତ ଲୁଗା କାରଖାନା ପ୍ରତିଷ୍ଠା କଲେ ବହୁତ ଯୁବକ ନିଯୁକ୍ତି ପାଇବେ ବୋଲି ଦାବୀ କରିଥିଲେ l ଓଡିଶା ପାଇଁ  କେନ୍ଦ୍ରୀୟ ବଜେଟ ସମୁଦ୍ର କୁ ଶଙ୍ଖେ ପାଣି ସଦୃଶ ବୋଲି ସାଂସଦ ଶ୍ରୀବିଶି  କଟୁ ସମାଲୋଚନା କରିଥିଲେ