16-Jan-2026

ବଳାଙ୍ଗିର ଜିଲ୍ଲା ଅନ୍ତର୍ଗତ ମାଧିଆପାଲି ପଞ୍ଚାୟତରେ ମାହେଶ୍ୱରୀ ସଙ୍ଗଠନ, ବଳାଙ୍ଗିର ପକ୍ଷରୁ ଏକ ନୂତନ ପଞ୍ଚାୟତ ଶାଖା ଆଜି ଶୁଭାରମ୍ଭ ହୋଇଛି। ଏହି ଅବସରରେ ସଂଗଠନର ପଞ୍ଚାୟତ ସ୍ତରୀୟ ଗଠନକୁ ଆହୁରି ସକ୍ରିୟ କରିବା ସହ ସାମାଜିକ ସେବା କାର୍ଯ୍ୟକୁ ଗାଁ ଗାଁ ଯାଏଁ ପହଞ୍ଚାଇବା ପାଇଁ ଏହି ଶାଖା ଗଠନ କରାଯାଇଛି।

ଶାଖା ଶୁଭାରମ୍ଭ ସମୟରେ ମାଧିଆପାଲି ପଞ୍ଚାୟତ ସଂଯୋଜକ ଭାବେ ସୂର୍ୟକାନ୍ତ ନାଏକ ଏବଂ ସହ-ସଂଯୋଜକ ଭାବେ ସମୀର କୁମାର ପଟେଲ ଙ୍କୁ ଦାୟିତ୍ୱ ଦିଆଯାଇଥିଲା। ମାହେଶ୍ଵରୀ ମାଧିଆପାଲି ପଞ୍ଚାୟତ ଉପଦେଷ୍ଟା ସୁରଜ୍ କୁମାର ପଟେଲ ଏବଂ ଉପସ୍ଥିତ ସଦସ୍ୟ ଓ କାର୍ଯ୍ୟକର୍ତ୍ତା ମାନେ ଏହି ଶାଖା କୁ ସଫଳ କରିବା ପାଇଁ ସମ୍ପୂର୍ଣ୍ଣ ସହଯୋଗ କରିବାକୁ ଆଶ୍ୱାସନ ଦେଇଥିଲେ।

ଶାଖା ଗଠନ ସହିତ ପଞ୍ଚାୟତରେ ଆଗାମୀ ଦିନରେ ରକ୍ତଦାନ ସଚେତନତା, ଜନସେବା କାର୍ଯ୍ୟକ୍ରମ, ସ୍ୱାସ୍ଥ୍ୟ ଶିବିର, ସଫେଇ ଅଭିଯାନ, ବୃକ୍ଷରୋପଣ, ଏବଂ ଯୁବ ସଶକ୍ତିକରଣ ଭଳି କାର୍ଯ୍ୟକୁ ନିୟମିତ ଭାବେ କରାଯିବ ବୋଲି ସଂକଳ୍ପ ଗ୍ରହଣ କରାଯାଇଥିଲା।

ସଭାର ଶେଷରେ ସଦସ୍ୟ ଏକତା ଓ ଶୃଙ୍ଖଳାର ସହିତ କାମ କରିବା ସହ “ସେବା ପରମୋଧର୍ମ” ବାକ୍ୟକୁ ଆଧାର କରି ମାଧିଆପାଲି ପଞ୍ଚାୟତରେ ମାହେଶ୍ୱରୀ ସଂଗଠନର ଶାଖାକୁ ଦୃଢ଼ ଭାବେ ଆଗକୁ ନେବା ପାଇଁ ମାହେଶ୍ଵରୀ ସଙ୍ଗଠନ ପରିଚାଳନା ନିର୍ଦ୍ଦେଶକ ଅଙ୍କୁଶ କୁମାର ପାଣ୍ଡିଆ ପ୍ରତିଶ୍ରୁତି ଦେଇ ଥିଲେ।

ଏହି ସଭା ରେ ମାହେଶ୍ଵରୀ ର ସଭାପତି ଶୋଭନ କୁମାର ଅଗ୍ରୱାଲ, ସୋମେଶ ମିଶ୍ର, କରନ୍ ବେହେରା ସହଯୋଗ କରି ଥିଲେ।