Prerana News : ସୁନ୍ଦରଗଡ଼ରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ରୁ ଉତ୍ତେଜନା

ସୁନ୍ଦରଗଡ଼: ଅଶାନ୍ତ ହୋଇ ପଡିଛି ସୁନ୍ଦରଗଡ଼ ସହର। ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇ ସଂଘର୍ଷ ଘଟିବାରୁ ଉତ୍ତେଜନା ଦେଖା ଦେଇଛି। ଏହି ଘଟଣା କୁ ନେଇ ସୁନ୍ଦରଗଡ଼ ଟାଉନ୍ ରେ ଭରତୀୟ ନ୍ୟାୟ ସଂହିତା ଧାରା ୧୬୩ ଲାଗୁ କରାଯାଇଛି। ଶାନ୍ତି ଶୃଙ୍ଖଳା ରକ୍ଷା ଲାଗି ୧୦ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି। ଆଗାମୀ ୨୪ ଘଣ୍ଟା ପାଇଁ ଇଣ୍ଟରନେଟ୍ ସେବା ସୁନ୍ଦରଗଡ଼ରେ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି। ପଶ୍ଚିମାଞ୍ଚଳ ଡିଆଇଜି ବ୍ରିଜେଶ ରାଏ , ଜିଲ୍ଲାପାଳ ଡକ୍ଟର ଶୁଭଙ୍କର ମହାପାତ୍ର , ଏସପି ଅମ୍ରିତ ପାଲ୍ କୌର , ବରିଷ୍ଠ ପୋଲିସ୍ ଏବଂ ପ୍ରଶାସନିକ ଅଧିକାରୀଙ୍କ ସହ ସ୍ଥିତି ଉପରେ ନଜର ରଖିବା ସହ ଆଇନ୍ ଶୃଙ୍ଖଳା ସ୍ଥିତି ତଦାରଖ କରୁଛନ୍ତି।

ମିଳିଥିବା ସୂଚନା ଅନୁଯାୟୀ ସୁନ୍ଦରଗଡ ଟାଉନ ଥାନା ରିଜେଣ୍ଟ ମାର୍କେଟ ଅଞ୍ଚଳ ରେ କୌଣସି ଏକ ଗୁଜବକୁ ନେଇ ଦୁଇ ଗୋଷ୍ଠୀ ମୁହାଁମୁହିଁ ହୋଇ ଥିଲେ । ପଥର ମାଡ ହୋଇ ଥିବା ସୂଚନା ମିଳିଛି। ଅନେକ କାର ଏବଂ ବାଇକ୍ ଭଙ୍ଗାରୁଜା ହୋଇଛି। ଏହି ଘଟଣାରେ ୪ ପୁଲିସ କର୍ମୀଙ୍କ ସମେତ ୧୨ ଜଣ ଆହତ ହୋଇଥିବା ଜଣା ପଡିଛି। ପୁଲିସ ପହଞ୍ଚି ଉଭୟ ଗୋଷ୍ଠୀ ର ଲୋକଙ୍କୁ ଘୋଡାଇବା ପରେ ସ୍ଥିତି ନିୟନ୍ତ୍ରଣରେ ରହିଛି। ଘଟଣାସ୍ଥଳରେ ପଶ୍ଚିମାଞ୍ଚଳ ଡିଆଇଜି, ଏସପି, ଅତିରିକ୍ତ ଜିଲ୍ଲାପାଳ ଏବଂ ଉପ ଜିଲ୍ଲାପାଳ ପହଞ୍ଚି ଲୋକଙ୍କୁ ବୁଝାସୁଝା କରୁଛନ୍ତି । ରିଜେଣ୍ଟ ମାର୍କେଟ ଅଞ୍ଚଳ ସହ ସମଗ୍ର ସୁନ୍ଦରଗଡ଼ ଟାଉନ୍ ରେ ଭାରତୀୟ ନ୍ୟାୟ ସଂହିତା ର ୧୬୩ ଧରା ଜାରି କରା ଯାଇଛି । ଶାନ୍ତି ବଜାୟ ରଖିବା ଲାଗି ପୋଲିସ୍ ପକ୍ଷରୁ ନିବେଦନ କରା ଯାଇଛି।