14-Jan-2026

ପୁଇଁତଳାକୁ ହରାଇ ଦୁହେଲ ସେମିଫାଇନାଲରେ

ବଲାଙ୍ଗିର(ପ୍ରେରଣା ଖବର)-ବଲାଙ୍ଗୀର ଜିଲ୍ଲା ପୁଇଁତଳାବ୍ଲକ ଆଟଗାଁ ଖେଳପଡିଆରେ ନ୍ୟୁଷ୍ଟାରକ୍ରିକେଟ କ୍ଲବ ପକ୍ଷରୁ  ଧରମସିଂମାଝି ମାନ୍‌ଧାତା ସ୍ମୃତି କ୍ରିକେଟ ଟୁର୍ଣ୍ଣାମେଣ୍ଟ ଆଜି ଉଦଘାଟିତ ହୋଇଯାଇଛି । ଆଟଗାଁ ସରପଞ୍ଚସାଳିନୀ ସେଠ ମୁଖ୍ୟଅତିଥି ଭାବରେ ଯୋଗଦେଇ ପ୍ରଥମ ମ୍ୟାଚକୁ ଉଦଘାଟନ କରିଥିଲେ । ପ୍ରଥମଲିଗ୍ ମ୍ୟାଚ ମହାଦେବପାଲି ଓ ଦୁହେଲ ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଦୁହେଲ ୧୧୬ ରନ କରିଥିଲା । ମାଦେବପାଲି ଦଳ ୧୧୭ରନର ଫଲୋକରି ଅଲଆଉଟ ହୋଇ ମାତ୍ର ୮୬ରନ କରି ପରାଜିତ ହୋଇଥିଲେ । ଦ୍ୱିତୀୟ ଲିଗ୍‌ମ୍ୟାଚରେ ରୁଗୁଡିପାଲିଦଳ ଓ ପୁଇଁତଳା ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଟସ ଜିଣି ରୁଗୁଡିପାଲିଦଳ ନିର୍ଦ୍ଧାରିତ ୮ଓଭରରେ ୬୯ ରନ ସଂଗ୍ରହ କରି ୭୦ ରନର ଟାର୍ଗେଟ ଦେଇଥିଲେ । ଏହି ମ୍ୟାଚରେ ପୁଇଁତଳାଦଳ  ନିର୍ଦ୍ଧାରିତ ଓଭରରେ ୭୦ରନ କରି ୫ୱିକେଟରେ ବିଜୟୀ ହୋଇଥିଲା ।  ଫଳରେ ଦୁହେଲ ଓ ପୁଇଁତଳାଦଳ ମଧ୍ୟରେ କ୍ୱାଟରଫାଇନାଲ ଖେଳ ଅନୁଷ୍ଠିତ ହୋଇଥିଲା । ଦୁହେଲଦଳ ପ୍ରଥମେ ବ୍ୟାଟିଂକରି ନିର୍ଦ୍ଧାରତ ୭ ଓଭରରେ ୧୧୧ରନ ସଂଗ୍ରହ କରିଥିଲା । ଏହାକୁ ଫଲୋକରି ପୁଇଁତଳାଦଳ ମାତ୍ର ୮୭ ରନ କରି ୩୫ରନରେ ପରାଜିତ ହୋଇଥିଲେ । ଦୁହେଲଦଳ ସେମିଫାଇନାଲକୁ ପହଞ୍ଚିଛି । ଦୁହେଲଟିମର ଅନୁରାଗ ମ୍ୟାନଅଫଦି ମ୍ୟାଚ ହୋଇ ପୁରସ୍କୃତ ହୋଇଥିଲେ । ଏହି ମ୍ୟାଚରେ ବରେଣ୍ୟଅତିଥି ଭାବରେ ବରିଷ୍ଠ ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା,ବଲାଙ୍ଗୀର ସୂଚନାଅଧିକାର ଅଭିଯାନର ଆବାହକ ନୀଳମଣି ଯୋଷୀ,ବରିଷ୍ଠ ନାଗରିକ ବିପିନବିହାରୀ ଭୋଇଓ ଆଟଗାଁ ଧରମସିଂମାଝୀ ମାନ୍ଧାତା ସ୍ମୃତିକମିଟିର ଅଧ୍ୟକ୍ଷ କାଳିନ୍ଦ୍ରୀ ମାଝୀ ଯୋଗଦେଇ ଖେଳାଳିଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ କରିଥିଲେ । ନିଖିଲ ପୁଟେଲ ଓ ଶିବ ଦଳେଇ ଅମ୍ପାୟାର ଥିବା ବେଳେ ସଂଗ୍ରାମ ରଣା କମେଣ୍ଟ୍ରି କରିଥିଲେ । ଟୁର୍ଣ୍ଣାମେଣ୍ଟ ପରିଚାଳନାରେ ନ୍ୟୁଷ୍ଟାର କ୍ରିକେଟ କ୍ଲବର ଶିବ ଦଳେଇ,ବିକ୍ରମ ପଶାୟତ,ଶ୍ରୀତମ ମିସ୍ତ୍ରୀ,ଅନୀତା ଷାଣ୍ଢ,ଆଦର୍ଶ କୁଅଁର,କଲତା ଷାଣ୍ଢ,ପ୍ରତାପ ପୁଟେଲ,ଶିବ ପୁଟେଲ,ବିମଲ ପୁଟେଲ,ସୁମନ୍ତ ମାଝୀ,ସୁରଜ ଧରୁଆ,ଜିତୁ ନାଏକ,ଇରଫାନ ପଶାୟତ,ଆକାଶ ବାଘ,ଅମନ କୁଅଁର,ଚନ୍ଦ୍ର ବାଗ,ବଣ୍ଟି ବାଘ,ଭରତ ବାଘ,ସିପୁନ ବେହେରା, ଆୟୁଷ ଠାକୁର ଓ ପ୍ରଶାନ୍ତ କୁଅଁର ପ୍ରମୁଖ ସହଯୋଗ କରିଥିଲେ । ୫ଦିନ ଧରି ଏହି ଟୁର୍ଣ୍ଣାମେଣ୍ଟ ଚାଲିବ ଓ ଆସନ୍ତା ୧୮ ତାରିଖରେ ଏହାର ଫାଇନାଲ ମ୍ୟାଚ ଖେଳାଯିବ ବୋଲି ଆୟୋଜକ କମିଟି ସୂଚନା ଦେଇଛନ୍ତି ।