27-Dec-2025

ତରଭା(ପ୍ରେରଣା ଖବର)- ତରଭା ବ୍ଲକ ମେଣ୍ଡା ହାଇସ୍କୁଲ ଖେଳ ପଡିଆ ଠାରେ ମେଣ୍ଡା ସ୍ପୋଟିଙ୍ଗ କ୍ଲବ ଆନୁକୂଲ୍ୟରେ ୪୩ତମ ଗ୍ରାମାଞ୍ଚଳ କ୍ରିକେଟ ଟୁର୍ଣ୍ଣାମେଣ୍ଟ ଆଜି ଶନିବାର ଆରମ୍ଭ ହୋଇଯାଇଛି। ଅବସରପ୍ରାପ୍ତ ପ୍ରଧାନ ଶିକ୍ଷକ ଶମ୍ଭୁ ଭୂଷଣ ପରଧିଆ ମୁଖ୍ୟ ଅତିଥି ଭାବରେ ଯୋଗ ଦେଇ ଉଦଘାଟନ କରିଥିଲେ। ପ୍ରଥମ ମ୍ଯାଚ କୁମୁଣ୍ଡେ ଓ ରାନିକଟl କ୍ରିକେଟ ଦଳ ମଧ୍ୟରେ ହୋଇଥିବା ବେଳେ ରାନିକଟl   କ୍ରିକେଟ ଦଳ ବିଜୟ ଲାଭ କରିଥିଲେ। ଡୁବୁଲ୍ ଦଣ୍ଡସେନା ଓ ଗଜେନ୍ଦ୍ର ମେହେର ଖେଳ ପରିଚାଳନା କରିଥିବା ବେଳେ ଧୀରେନ୍ଦ୍ର ଝାଙ୍କର ଖେଳ ର ଧାରାବିବରଣୀ ପ୍ରଦାନ କରିଥିବା ବେଳେ ଅଂଶ ପୁଜାହାରୀ ଓ ପିଣ୍ଟୁ ଦାସ ସ୍କୋରର ଥିଲେ। ଅନ୍ତର୍ଯ୍ୟାମୀ ଦଣ୍ଡସେନା, ପିଙ୍କୁ ହାତୀ, ଡୁବୁଲ, ସୁନିଲ ସେଠୀ, ବିଶି,ସୁରଜ,ପିଣ୍ଟୁ, ପ୍ରଶାନ୍ତ,କୁନ୍ଦନ,ସୁରେଶ,ସନ୍ତୋଷ ସହିଦ ସମସ୍ତ କ୍ଲବ ସଦସ୍ୟ ହୃଷିକେଶ ପାତ୍ର, ଗୋବିନ୍ଦ ଦଣ୍ଡସେନା, ବିଶ୍ୱ ରଞ୍ଜନ ଦଳବେହେରା,ମହାଦେବ ଜେନା, ଚନ୍ଦ୍ର ଭାନୁ ସାହୁ, ଅକ୍ଷୟ କୁମାର ସାହୁ ସହ ସମସ୍ତେ ସହଯୋଗ କରିଥିଲେ । ଫାଇନାଲ ମ୍ଯାଚ ଆସନ୍ତା ବୁଧବାର ଅନୁଷ୍ଠିତ ହେବ।