02-Feb-2021

ଯାଜପୁର (ପ୍ରେରଣା ଖବର ବ୍ୟୁରୋ): ରମାଦେବୀ ଛାତ୍ରୀ ଝରାଫୁଲଙ୍କ ରହସ୍ୟଜନକ ମୃତ୍ୟୁ ଘଟଣାରେ ଅଭିଯୁକ୍ତ ରାକେଶ ସ୍ବାଇଁଙ୍କୁ ତିନି ଦିନିଆ ରିମାଣ୍ଡରେ ଆଣି ପଚରା ଉଚୁରା କରୁଛି କୁଆଖିଆ ପୋଲିସ । ଝରାଫୁଲଙ୍କ ବାପା ରମାକାନ୍ତ ନାୟକଙ୍କ ସମ୍ମୁଖରେ କୁଆଖିଆ ଥାନାରେ ରାକେଶକୁ ଜେରା କରୁଛି ପୋଲିସ । ତେବେ ରାକେଶକୁ ସିନ୍ ରିକ୍ରିଏସନ୍ ପାଇଁ ଘଟଣାସ୍ଥଳକୁ ନେଉଛି ପୋଲିସ ।

ତଦନ୍ତ ସରିବା ପରେ ପ୍ରକୃତ ତଥ୍ୟ ପଦାକୁ ଆସିବ ବୋଲି ଯାଜପୁର ରୋଡ୍ ଏସଡିପିଓ ଚିନ୍ମୟ କୁମାର ନାୟକ କହିଛନ୍ତି । ଝରାଫୁଲଙ୍କ ବାପା ରମାକାନ୍ତ ନାୟକଙ୍କ ସମ୍ମୁଖରେ କୁଆଖିଆ ଥାନାରେ ପହଞ୍ଚିଛନ୍ତି । ପୋଲିସ୍ ଡାକରାରେ ସେ ଥାନାକୁ ଆସିଥିବା କହିଛନ୍ତି।

ସେପଟେ ଭିସାରା ରିପୋର୍ଟ ପାଇଁ ଝରାଫୁଲଙ୍କ ମୃତଦେହର ଅଂଶବିଶେଷ ବା ଅର୍ଗାନକୁ ପରୀକ୍ଷା ପାଇଁ ଭୁବନେଶ୍ଵର ଲାବୋରେଟୋରୀକୁ ପଠାଯାଇଛି । ସମସ୍ତ ଦିଗକୁ ଅନୁଧ୍ୟାନ କରି ରାକେଶକୁ ଥାନାରେ ରଖି ପଚରା ଉଚରା ଚଳାଇଛି ପୋଲିସ ।

ଏହାପରେ ଭୁବନେଶ୍ଵର ନିଆଯାଇ ଧର୍ମବିହାର ଗେଷ୍ଟହାଉସ୍ ଓ ଲିଙ୍ଗରାଜ ଥାନା ଅଞ୍ଚଳର ରେଷ୍ଟୁରାଣ୍ଟରେ ଖାଇବା ସମୟର ସିସିଟିଭି ଫୁଟେଜ୍ କୁ ଆଧାର କରି ଅଧିକ ତଦନ୍ତ କରାଯିବ ବୋଲି ସୂଚନା ମିଳିଛି ।

ଅନ୍ୟପଟେ ମୃତ ଝାରାଫୁଲଙ୍କ ବାପା ଅଭିଯୋଗ ଆଣିଛନ୍ତି ସାତ ଦିନ ବିତିଯାଇଥିଲେ ମଧ୍ୟ ରାକେଶଙ୍କ ସହଯୋଗୀକୁ ପୋଲିସ ଏଯାଏଁ ଧରିବାରେ ସକ୍ଷମ ହୋଇପାରିନାହିଁ । କେବଳ ସହଯୋଗୀ ନୁହଁନ୍ତି ମୃତଦେହକୁ ନେଇ ଆସିଥିବା ସ୍କୁଟି ଏବଂ ଝିଅର ମୋବାଇଲକୁ ମଧ୍ୟ କାବୁ କରିବାରେ ସକ୍ଷମ ହୋଇପାରିନି ।