03-Dec-2025

କଣ୍ଟାମାଳ,୦୨/୧୨- ସ୍ଥାନୀୟ  କଚେରୀ  ଖେଳ ପଡିଆଠାରେ ଜିଲ୍ଲା ଜର୍ଣ୍ଣାଲିଷ୍ଟ ଫୋରମ୍‌ ଦ୍ୱାରା ଆୟୋଜିତ ବିଂଶତମ  ବୌଦ୍ଧ ପୁସ୍ତକମେଳା ମଙ୍ଗଳବାର  ସନ୍ଧ୍ୟାରେ  ଉଦ୍‌ଘାଟିତ ହୋଇ ଯାଇଛି ।  ଏଥିରେ ମୁଖ୍ୟଅତିଥିଭାବେ  ବୌଦ୍ଧ ଜିଲ୍ଲାପାଳ ବିଭୁତି ଭୂଷଣ ନାୟକ ଓ  ସମ୍ମାନୀତ ଅତିଥି ଭାବେ ଆରକ୍ଷୀ ଅଧୀକ୍ଷକ ରାହୁଲ ଗୋଏଲ ଯୋଗଦେଇ ଫିତାକାଟି ପୁସ୍ତକମେଳାକୁ ଉଦଘାଟନ କରିଥିଲେ ।   ମା’ଭୈରବୀ  ଓ ପ୍ରଭୁ ଶ୍ରୀଜଗନ୍ନାଥଙ୍କ  ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ ଓ

ପ୍ରଦୀପ ପ୍ରଜ୍ଜ୍ୱଳନ କରି  ପୁସ୍ତକମେଳା ମଞ୍ଚ ଓ କାର୍ଯ୍ୟକ୍ରମର ଶୁଭାରମ୍ଭ  କରିଥିଲେ ଓ ଏଭଳି ଏକ ପୁସ୍ତକମେଳା ଆୟୋଜନ କରାଯାଇଥିବାରୁ ଜିଲ୍ଲାପାଳ ଓ ଏସ୍‌ ପି ଖୁସିବ୍ୟକ୍ତ କରିଥିଲେ ।   ଏହାପରେ ଅତିଥିମାନେ ସମସ୍ତ ପୁସ୍ତକ ଷ୍ଟଲ୍‌ ବୁଲି ଦେଖି ଥିଲେ ।  ଜିଲ୍ଲା ଜର୍ଣ୍ଣାଲିଷ୍ଟ ଫୋରମ ସଭାପତି ଦିବ୍ୟଶଙ୍କର ରାଉତ, ସାଧାରଣ ସଂପାଦକ ଯୁଗଳ କିଶୋର  ସାମଲ, ଆବାହକ ଦିବ୍ୟରଞ୍ଜନ ପଟ୍ଟନାୟକ, ସଦସ୍ୟ ସତ୍ୟନାରାୟଣ ପାଣି, ସୁକାନ୍ତ କୁମାର ପଟ୍ଟନାୟକ, ପ୍ରୀତିରଞ୍ଜନ ଦାସଙ୍କ ସମେତ ଅନ୍ୟାନ୍ୟ ସଦସ୍ୟମାନେ ଉପସ୍ଥିତ  ଥିଲେ ।    ପୁସ୍ତକମେଳା  ଉଦ୍‌ଘାଟନ  ପୂର୍ବରୁ  ପୁରୁଣାକଟକ ମା

ଭୈରବୀଙ୍କ ପୀଠରୁ   ଅଖଣ୍ଡ ଦୀପ ଅଣାଯାଇ   ପୁସ୍ତକମେଳା ମଞ୍ଚରେ ସ୍ଥାପନ କରାଯାଇଥିଲା  । ଏହି ମେଳାରେ ରାଜ୍ୟର ପ୍ରତିଷ୍ଠିତ ପୁସ୍ତକ ପ୍ରକାଶକ ଓ ବିକ୍ରେତା ଯୋଗ ଦେଇଥିବା ବେଳେ ୭୦ ରୁ ଉର୍ଦ୍ଧ୍ୱ ଷ୍ଟଲ କରାଯାଇଛି । ଉଦଘାଟନୀ ସନ୍ଧ୍ୟାରେ ବୌଦ୍ଧର ଗେହ୍ଲାମା କଳା ନିକେତନ, ଗନ୍ଧରାଡି କଳାପରିଷଦ, ନଟରାଜ କଳା ପରିଷଦ ଫୁଲବାଣୀ  ବିଭିନ୍ନ  ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ଏହି ପୁସ୍ତକମେଳା ଆସନ୍ତା ୭ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ବେଳେ ଆଜି ପ୍ରଥମ ଦିନରେ ବହୁସଂଖ୍ୟାରେ ଦର୍ଶକ ବିଭିନ୍ନ ବହି ଷ୍ଟଲ ଗୁଡିକରେ ଭିଡ ଜମାଇ ପୁସ୍ତକ କିଣିଥିଲେ ।