02-Dec-2025

ସୋନପୁର( ମନୋରଞ୍ଜନ ତ୍ରିପାଠୀ)
 ପବିତ୍ର ଗୀତା ଜୟନ୍ତୀ ଅବସରରେ ସୁବର୍ଣ୍ଣପୁର ସହର ଗୋକନେଶ୍ୱରପଡା ର  ବାନ୍ଧଶିଳ୍ପୀ ପ୍ରଫୁଲ୍ଲ ମେହେର ବାନ୍ଧକଳା ର ଏକ ୱାଲ ହେଙ୍ଗୀଙ୍ଗ( କାନ୍ଥ ଝୁଲଣ )ରେ ଗୀତାର ଶ୍ଲୋକ ଗୁଡିକୁ ବୁଣି ଖୁବ ଚର୍ଚ୍ଚା କୁ ଆସିଛନ୍ତି l ସୁଷ୍ମ ହସ୍ତତନ୍ତ କାରିଗରୀ ପାଇଁ ସୁବର୍ଣ୍ଣପୁର ଜିଲ୍ଲାର ବୁଣାକାରଙ୍କ ଦେଶ ବିଦେଶରେ ବେଶ ସୁନାମ ରହିଥିବା ବେଳେ  ଜାତୀୟସ୍ତର ରେ ପୁରସ୍କୃତ ହୋଇଥିବା ସୋନପୁର ସହର ରେ ବସ ବାସ କରୁଥିବା ଏକ ଉଦାହରଣ ବା ପ୍ରତିଭା ହେଲେ ବାନ୍ଧ ଶିଳ୍ପୀ ପ୍ରଫୁଲ୍ଳ ମେହେର । ୱାଲ ହେଙ୍ଗୀଙ୍ଗରେ ଶ୍ରୀମଦ ଭଗବତ ଗୀତାର ସମସ୍ତ ଶ୍ଲୋକ କୁ ସ୍ଥାନିତ କରି ତିଆରି ଛନ୍ତି ଏକ ବାନ୍ଧ କଳା ର ଝୁଲଣ l ଏହି ଅବସର ରେ ଆଜି ଶ୍ରୀ ଯୁକ୍ତ ମେହେର ଙ୍କ ଗୋକୁନେଶ୍ୱରପଡା ସ୍ଥିତ ବାସଭରବନ ରେ ଭଵ୍ୟ ଉତ୍ସବ ର ଆୟୋଜନ କରାଯାଇଥିଲା l ସେଠାରେ ବ୍ରାହ୍ମଣ ମାନଙ୍କ  ଦ୍ୱାରା ଗୀତା ପାଠ କରାଯାଇଥିବା ବେଳେ ଗୀତା ମନ୍ତ୍ର ଉଚ୍ଚାରଣରେ ଏ ଅଞ୍ଚଳ ରେ ଏକ ଆଧ୍ୟାତ୍ମିକ  ପରିବେଶ  ସୃଷ୍ଟି ହୋଇଥିଲା l ଜିଲ୍ଲାପାଳ ଡ଼ ନୃପ ରାଜ ସାହୁ ଏଥିରେ ମୂଖ୍ୟ ଅତିଥି ଭାବେ ଯୋଗ ଦେଇ ଉକ୍ତ କାନ୍ଥ ଝୁଲଣ କୁ ଲୋକାର୍ପଣ କରି ଏହି ଚମତ୍କାରିତା ବାନ୍ଧ କଳା ଦେଶ ବିଦେଶ ର ଲୋକ ଙ୍କୁ ଆକୃଷ୍ଟ କରିବ ଓ ଆମ ସୁବର୍ଣ୍ଣପୁର  ଜିଲ୍ଲା ର ଗୌରବ ବଢାଇବ ବୋଲି କହିଥିଲେ l ଓ ବାନ୍ଧ ଶିଳ୍ପୀ ଶ୍ରୀ ମେହେର ଙ୍କ ସମେତ ଟିମ୍ ୱାର୍କ କୁ ଭୂୟସୀ ପ୍ରଶଂସା କରିଥିଲେ l ବାନ୍ଧଶିଳ୍ପୀ ଶ୍ରୀଯୁକ୍ତ  ପ୍ରଫୁଲ୍ଲ ମେହେର ଙ୍କ ବାପା ସ୍ୱର୍ଗତ ଅନନ୍ତ ରାମ ଜଣେ ଭାଗବତ ପ୍ରେମୀ ହୋଇ ଥିବାରୁ ଆଜି ଏହି ପବିତ୍ର ଭାଗବତ ଜୟନ୍ତି ତିଥି ରେ ୧୪.୩ ମିଟର ଲମ୍ବର ଓ ୩୦  ଇଞ୍ଚ ଓସାର ଏକ ୱାଲ ହେଙ୍ଗୀଙ୍ଗରେ ଭାଗବତର ୧୮ ଅଧ୍ୟାୟ ର ସମସ୍ତ ୭୦୦  ଶ୍ଳୋକ କୁ ନେଇ ସଂସୃତ ଭାଷାରେ ଏହି ୱାଲ ହେଙ୍ଗୀଙ୍ଗଟିି  ତିଆରୀ ହୋଇଛି । ଏଥିପାଇଁ ତାଙ୍କୁ ବହୁ ପରିଶ୍ରମ କରିବାକୁ ପଡିଛି । ଏହି ୱାଲ ହେଙ୍ଗୀଙ୍ଗ ଟି କୁ ଆଜିର ଏହି ପବିତ୍ର ଦିନରେ ସାଧାରଣ ଲୋକଙ୍କ ପାଇଁ ବୁଣା କାମ କରି ବେଶ୍ ଖୁସିଥିବା ଓ ନିଜ କୁ ଗୌରବାନ୍ଵିତ ମନେ କରିଛନ୍ତି ବାନ୍ଧ ଶିଳ୍ପୀ ପ୍ରଫୁଲ୍ଳ ଓ ତାଙ୍କ ସ୍ତ୍ରୀ । ଏହାକୁ ବୁଣିବାକୁ ନିଜେ ପ୍ରଫୁଳ୍ଲଙ୍କ ସହ ୨୭ ଜଣ କାରୀଗର ୪ବର୍ଷ ୬ ମାସ ସମୟ ଲାଗିଥିବା ବିଷୟ ମିଡ଼ିଆ ଙ୍କୁ ପ୍ରକାଶ ଛନ୍ତି  । ଶ୍ରୀ ମେହେର ଜିଲ୍ଲାର ବୀରମହାରାଜପୁର ଅଚଂଳର ଏକ ବୁଣାକାର ପରିବାରରେ ଜନ୍ମିତ ହୋଇ ପିଲାବେଳୁ ନିଜର କୈାଳିକ ବୃତ୍ତି ବାନ୍ଧକଳା ପ୍ରତି ବେଶ ଆଗ୍ରହ ରହିଥିବା ଓ ଅଧ୍ୟୟନ ପରେ ସେ ରାଜ୍ୟ ବୟନ ଓ ହସ୍ତତନ୍ତ ବିଭାଗରେ ଚାକିରି କରିଥିଲେ । ଚାକିରି ସମୟରେ ନିଜର ପ୍ରତିଭା ପ୍ରଦର୍ଶନ କରି ସେ ୧୯୯୨ ରେ ନ୍ୟାଶନାଲ ମେରିଟ୍ ପୁରସ୍କାର ପାଇଥିବା ଖବର ମିଳିଛି। ଅବସର ପରେ ଏବେ ଏହି ୱାଲ ହେଙ୍ଗୀଙ୍ଗ ଟିରେ ଗୀତାର ଶ୍ଲୋକ ଗୁଡିକୁ ବୁଣି ପୁଣି ଚର୍ଚାକୁ ଆସିଛନ୍ତି ଶ୍ରୀ ମେହେର l ଏହି ଅବସର ରେ ଆଜି ଜିଲ୍ଲା ର ଅନେକ ପ୍ରତିଷ୍ଠିତ ବାନ୍ଧଶିଳ୍ପୀ, ସହର ର ବୁଦ୍ଧିଜୀବୀ ଓ ଗଣ ମାଧ୍ୟମ ପ୍ରତିନିଧି ଉପସ୍ଥିତ ରହି ଶ୍ରୀ ମେହେର ଙ୍କ ପୁରା ପରିବାର ଓ ସାଥି ବାନ୍ଧ ଶିଳ୍ପୀ ଙ୍କୁ ଉତ୍ସାହିତ କରି ଏ ଟିମ୍ ର ସଫଳତା ପାଇଁ ଶୁଭ କାମନା ଜଣାଇ ଥିଲେ l ଶ୍ରୀ ମେହେର ଙ୍କ ଏହି ପରି ବିରଳ କୃତିତ୍ବ କୁ ସମ୍ମାନ ଦେବା ପାଇଁ ରାଜ୍ୟ ଓ କେନ୍ଦ୍ର ସରକାର ପଦକ୍ଷେପ ନେବାକୁ ଜିଲ୍ଲା ର ବୁଦ୍ଧିଜିବୀ ସରକାର ଙ୍କୁ ଅନୁରୋଧ କରିଛନ୍ତି l କାରଣ ଭଗବଦ୍ ଗୀତା ଯେପରି ସମାଜ ସୁଧାର ପାଇଁ ଏକାନ୍ତ ଆବଶ୍ୟକ ଓ କାଳଜୟୀ , ସେଇ ଗୀତା ର ୭୦୦ ଶ୍ଳୋକ କୁ ବାନ୍ଧ କଳା ରେ ସ୍ଥାଣିତ କରିବା ମଧ୍ଯ କାଳଜୟୀ ଅଟେ l