07-Nov-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ଜିଲ୍ଲା ସ୍ତରୀୟ ଶିଶୁ ମହୋତ୍ସବ "ସୁରଭି"  ସୋନପୁର ସରକାରୀ ବାଳିକା ଉଚ୍ଚ ବିଦ୍ୟାଳୟ ପରିସରରେ ମହା ସମାରୋହ ରେ ପାଳିତ ହୋଇଯାଇଛି। ଜିଲ୍ଲା ଶିକ୍ଷା ଅଧିକାରୀ ଶ୍ରୀମତୀ ମୀନାରାଣୀ ମଙ୍ଗଳ ଙ୍କ ସଭାପତିତ୍ୱ ରେ ଅନୁଷ୍ଠିତ ଆଜିର ଏହି ଉଦ୍ଘାଟନୀ ଉତ୍ସବ ରେ  ସୁବର୍ଣ୍ଣପୁର ଜିଲ୍ଲାପାଳ ଡ.ନୃପରାଜ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଶୁଭ ଉଦଘାଟନ କରିଥିଲେ l ଓ ପାଠ୍ୟ ଖସଡ଼ା ସହିତ ବୌଦ୍ଧିକ କାର୍ଯ୍ୟକ୍ରମ କୁ ସଂଯୁକ୍ତ କରିବା ଓ ଶିଶୁ ମାନଙ୍କ ଅନ୍ତର୍ନିହିତ  ଗୁଣାବଳୀ ଓ ମାନବିକ ମୂଲ୍ୟବୋଧ ର ବିକାଶ ରେ ଶିଶୁ ମହୋତ୍ସବ ସୁରଭି ର ଭୂମିକା ଉପରେ ଆଲୋକପାତ କରିଥିଲେ। ଯେଉଁ ରାଜ୍ୟ ଯେଉଁ ଦେଶ ଶିକ୍ଷା ସଂସ୍କୃତି କ୍ଷେତ୍ରରେ ଯେତେ ଆଗୁଆ ସେଇ ଦେଶ ସେତେ ସମୃଦ୍ଧ ଶୀଳ ହୋଇ ଥାଏ ବୋଲି ଜିଲ୍ଲାପାଳ ଡ଼. ସାହୁ କହିଥିଲେ l ସଭା ପ୍ରାରମ୍ଭରେ ବନ୍ଦେ ମାତରଂ ର ସତ ବାର୍ଷିକୀ ପାଳନ ଅବସରରେ ସମସ୍ତ ଅତିଥି ଓ ଶିକ୍ଷକ ଜାତୀୟ ସଙ୍ଗୀତ ବନ୍ଦେ ମାତରଂ ଗାନ କରିଥିଲେ। ଅତିରିକ୍ତ ଜିଲ୍ଲାଶିକ୍ଷା ଅଧିକାରୀ ଘନଶ୍ୟାମ ମେହେର ଅତିଥି ପରିଚୟ ସହ ସ୍ୱାଗତ ଭାଷଣ ପ୍ରଦାନ କରିଥିଲେ l ଜିଲ୍ଲାପରିଷଦ ମୁଖ୍ୟ ଉନ୍ନୟନ ତଥା କାର୍ଯ୍ୟ ନିର୍ବାହୀ ଅଧିକାରୀ ଅଶ୍ୱିନୀ କୁମାର ମେହେର, ସୋନପୁର ବ୍ଲକ ଶିକ୍ଷା ଅଧିକାରୀ ଲକ୍ଷ୍ମଣ ମିଶ୍ର, ଡୁଙ୍ଗୁରିପାଲି ବ୍ଲକ ଶିକ୍ଷାଧିକାରୀ ଗଣେଶ କିଷାନ ସମ୍ମାନିତ ଅତିଥି ଭାବେ ଯୋଗଦେଇ ମା ଠାରୁ ଜନ୍ମ ନେଇଥିବା ସମସ୍ତ ଶିଶୁ ଙ୍କ ପାଖରେ କିଛି ନା କିଛି କଳା ରହିଛି l କୌଣସି ବି ଶିଶୁ ଅଯୋଗ୍ୟ ନୁହେଁ ବୋଲି ଛାତ୍ରଛାତ୍ରୀ ଙ୍କୁ ଉତ୍ସାହିତ କରିଥିଲେ।   ଅଭିଜ୍ଞ ଶିକ୍ଷକ, ଶିକ୍ଷୟିତ୍ରୀ, ଅଧ୍ୟାପକ,ଅଧ୍ୟାପିକା ଓ କଳାକାର ବିଭିନ୍ନ ପ୍ରତିଯୋଗିତା ପରିଚାଳନା କରିବା ସହ ମୂଲ୍ୟାୟନ କରିଥିଲେ।  ଜିଲ୍ଲା ଶିକ୍ଷାଧିକାରୀ ମୀନାରାଣୀ ମଙ୍ଗଳ ଙ୍କ ସଭାପତିତ୍ୱ ରେ ଅନୁଷ୍ଠିତ ଉଦଯାପନୀ ଉତ୍ସବରେ ଜିଲ୍ଲା ବିଜେପି ସଭାପତି ବେଣୁଧର ଦାଶ ମୁଖ୍ୟ ଅତିଥି, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଘନଶ୍ୟାମ ମେହେର,ଉଲୁଣ୍ଡା ବ୍ଲକ ଶିକ୍ଷାଧିକାରୀ ଅଜୟ କୁମାର ଲୁହା, ପ୍ରକୃତି ବନ୍ଧୁ ତଥା ତରଭା ବାଳକ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ମୁରଲୀଧର ବିଶ୍ୱାଳ ସମ୍ମାନିତ ଅତିଥି  ଭାବେ ଯୋଗଦେଇ "ସୁରଭି" ହିଁ ଛାତ୍ରଛାତ୍ରୀ ଙ୍କ ଅନ୍ତର୍ନିହିତ ପ୍ରତିଭା ର ସୌରଭ ବିତରଣ କରେ ବୋଲି କହିବା ସହ ପୁରସ୍କାର ବିତରଣ କରି ଛାତ୍ରଛାତ୍ରୀ ଙ୍କୁ ଉତ୍ସାହିତ କରିଥିଲେ । 

।

ସଭା ପ୍ରାରମ୍ଭରେ   ଛାତ୍ରଛାତ୍ରୀମାନେ ଅତିଥି ଙ୍କୁ ଫୁଲତୋଡ଼ା ଦେଇ ଉତ୍ତରୀୟ ପ୍ରଦାନ ପୂର୍ବକ ସ୍ୱାଗତ ନୃତ୍ୟ ଓ ସଂଗୀତ ପରିବେଷଣ କରିଥିଲେ। ତର୍କ, ବକ୍ତୃତା, ପ୍ରବନ୍ଧ ଲିଖନ,ସୃଜନ ଶୀଳ ଲିଖନ,ଦେଶାତ୍ମବୋଧକ ସଂଗୀତ, କୁଇଜ, ଚିତ୍ରାଙ୍କନ, ପିଏମ୍ ପୋଷଣ ଚିତ୍ରକଳା ଓ ଶିଳ୍ପକଳା, ସାଂସ୍କୃତିକ କାର୍ଯ୍ୟକ୍ରମ, ଓଡ଼ିଆ ଶୃତଲିଖନ ଓ ହସ୍ତାକ୍ଷର, ସାଂସ୍କୃତିକ କାର୍ଯ୍ୟକ୍ରମ,ଛାୟା ସଂସଦ, ସାଇବର ସୁରକ୍ଷା ପରି ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇ ପ୍ରଥମ ତିନୋଟି ସ୍ଥାନ ଅଧିକାର କରିଥିବା ଛାତ୍ରଛାତ୍ରୀ ଙ୍କୁ  ଅତିଥି ଙ୍କ ଦ୍ୱାରା ପ୍ରମାଣପତ୍ର ଓ ଟ୍ରଫି ପ୍ରଦାନ କରି ପୁରସ୍କୃତ କରାଯାଇଥିଲା। ଜିଲ୍ଲା ଶିକ୍ଷା କାର୍ଯ୍ୟାଳୟ ଓ ଜିଲ୍ଲା ପ୍ରକଳ୍ପ କାର୍ଯ୍ୟାଳୟ ର ସମସ୍ତ ସଂଯୋଜକ ଓ କର୍ମଚାରୀ,ସିଆରସିସି,ବିଭିନ୍ନ ବିଦ୍ୟାଳୟ ର ପ୍ରଧାନ ଶିକ୍ଷକ ଶିକ୍ଷୟିତ୍ରୀ,ସହକାରୀ ଶିକ୍ଷକ ଶିକ୍ଷୟିତ୍ରୀ, ଅବିଭାବକ, ପୁରାତନ ଛାତ୍ରଛାତ୍ରୀ, ସ୍କାଉଟ ଗାଇଡ଼, ରେଡ଼କ୍ରସ, ଏନସିସି ର ଛାତ୍ରଛାତ୍ରୀ,ବିଦ୍ୟାଳୟ ପରିଚାଳନା ସମିତି ସଭ୍ୟ ସଭ୍ୟା ଓ ବିଭିନ୍ନ ଗଣ ମାଧ୍ୟମ ପ୍ରତିନିଧି ସହଯୋଗ କରିଥିଲେ। ଶିକ୍ଷକ ପୂର୍ଣଚନ୍ଦ୍ର ପାଢ଼ୀ ଓ ଲକ୍ଷ୍ମୀ ନାରାୟଣ ସାହୁ  ମଞ୍ଚ ପରିଚାଳନା କରିଥିବା ବେଳେ କୃଷ୍ଣ ଚନ୍ଦ୍ର ପଣ୍ଡା, ଉମାକାନ୍ତ ମିଶ୍ର, ବୁଦ୍ଧ ଦେବ ସା ଙ୍କ ସମେତ ସମଗ୍ର ଶିକ୍ଷା ଓ ସୋନପୁର ବ୍ଲକ ଶିକ୍ଷା କାର୍ଯ୍ୟାଳୟ ର ସମସ୍ତ କର୍ମଚାରୀ କାର୍ଯ୍ଯକ୍ରମ ପରିଚାଳନା ରେ ସହାଯୋଗ କରିଥିଲେ l ବ୍ରତା ନନ୍ଦ ଭୋଇ, ଗିରିଶ ତ୍ରୀପାଠୀ, ରିସପାଲ ମେହେର, ଚନ୍ଦ୍ର ଶେଖର ମହାପାତ୍ର, ସ୍ମିତା ମିଶ୍ର, ଗୀତାଞ୍ଜଳି ଦରୱାନ ଓ ସଂଧ୍ୟା ରାଣୀ ଖେତି ପୁରସ୍କାର ବିତରଣ ଉତ୍ସବ ରେ ସହଯୋଗ କରିଥିଲେ l ସ୍ଥାନୀୟ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ପ୍ରଜ୍ଞା ପରିମିତା ଦାଶ ଧନ୍ୟବାଦ ଅର୍ପଣ କରିଥିଲେ