26-Oct-2025

ବିନିକା(ହିମାଂଶୁ ଶେଖର ପୁଟେଲ)ସମ୍ପ୍ରତି ବିନିକା ଅଞ୍ଚଳରେ ଠକାମୀ ବଡ଼ି ଚାଲିଛି ।ଜେନେତେନେ ପ୍ରକାରରେ ଦୃର୍ବୁତ୍ତ ମାନେ ଟଙ୍କା କମେଇବାର ଲୋଭ ନେଇ ଲୋକଙ୍କୁ ଠକି ଚାଲିଛନ୍ତି। ଦୁପ୍ଲିକେଟ ଟଙ୍କାକୁ ଅର୍ଜିନାଲ ଭଳିଆ ତିଆରି କରି ଲକ୍ଷ ଲକ୍ଷ ଟଙ୍କା ରୋଜଗାର କରି ଲୋକଙ୍କୁ ଭକୁଆ ବନାଉଥିବା ପରିଲକ୍ଷିତ ହେଉଛି। ଯାହାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ଖୋଦ୍ ବିନିକା ଅଞ୍ଚଳରେ ।ପୋଲିସ କୌଣସି ସୂତ୍ରରୁ ଖବର ପାଇ ଅଞ୍ଚଳର ବିଭିନ୍ନ ସ୍ଥାନରେ ଚଢାଉ କରି ନକଲି ୪ଲକ୍ଷ ୧୫ଶହ ଟଙ୍କା ଜବତ କରିଛି ।ଏଥିରେ ସଂପୃକ୍ତ ଥିବା ଫୁଲମୁଠି ଗ୍ରାମର ଅଭିଷେକ ହୋତା(୨୩),ବିନିକା ବେତେରାପଡ଼ାର ଅଶୋକ ନାଏକ(୨୮) ଏବଂ ନକଲି ଟଙ୍କା ଦେଇଥିବା ଲଛିପୁର ଥାନା ରେଙ୍ଗାଲି ଗ୍ରାମର ଜୟ ନାରାୟଣ ବସ୍ତିଆ(୨୭)ଙ୍କୁ ଗିରଫ କରାଯାଇଛି ।ଏନେଇ ଆଜି ଜିଲ୍ଲା ଆରକ୍ଷୀ ଅଧିକ୍ଷକ ନାରାୟଣ ନାୟକ ବିନିକା ଥାନାରେ ଏକ ସାମ୍ବାଦିକ ସମ୍ମିଳନୀ କରି ଘଟଣାର ସମ୍ପୂର୍ଣ୍ଣ ବିବରଣୀ ପ୍ରଦାନ କରିଛନ୍ତି।ତାଙ୍କ ସୂଚନା ଅନୁସାରେ ୮୦୩ଖଣ୍ଡ ୫୦୦ସହ ଟଙ୍କିଆ ନକଲି ନୋଟ ଜବତ କରାଯାଇଛି ।ତେବେ ଏଥିରେ ସଂପୃକ୍ତ ଅଭିଷେକ ଓ ଅନିଲ କୁଆଡେ ଉକ୍ତ ନକଲି ଟଙ୍କାକୁ ଅନ୍ୟ କାହାକୁ ଦେବାପା ପାଇଁ ଫୁଲମୁଠି ଗ୍ରାମ ନିକଟରେ ଅପେକ୍ଷା କରି ରହିଥିଲେ । ଠିକ ସେହି ସମୟରେ ପୋଲିସ ପହଞ୍ଚି ସେମାନଙ୍କୁ କାବୁ କରି ନକଲି ଜାଲ ଟଙ୍କା ଜବତ କରିଥିଲା ଓ ତାଙ୍କ ଠାରୁ ୩ଟି ମୋବାଇଲ ମଧ୍ୟ ଜବତ କରାଯାଇଛି।ଅଭିଯୁକ୍ତ ମାନଙ୍କୁ କୋଟ ଚଲାଣ କରାଯାଇଥିବା ଏସପି ସୂଚନା ଦେଇଥିଲେ । ସମ୍ବିଲନୀରେ ବିନିକା ଥାନା ଅଧିକାରୀ ସତ୍ୟ ନାରାୟଣ ପ୍ରଧାନ ଉପସ୍ଥିତ ଥିଲେ।