26-Oct-2025

ବିନିକା(ହିମାଂଶୁ ଶେଖର ପୁଟେଲ) କୁଆଡେ ପାରିବାରିକ କଲହଜୁ ନେଇ ପରିବାର ଲୋକେ ବାପାର ଶବକୁ ଗ୍ରହଣ ନକରିବାରୁ ଶେଷରେ ନ୍ୟାୟ ଭିକ୍ଷା ପାଇଁ ସ୍ତ୍ରୀ ଓ ପୁଅ ବାପାର ଶବକୁ ଧରି ଆଜି ସକାଳେ ବିନିକା ଥାନାକୁ ଆସି ନ୍ୟାୟ ଭିକ୍ଷା କରିଛନ୍ତି ।ଦୀର୍ଘ ୮ଘଣ୍ଟା ଧରି ଶବ ଥାନାରେ ରହିଥିଲେ ମଧ୍ୟ ଖବର ଲେଖା ହେବା ପର୍ଯ୍ୟନ୍ତ ଉଭୟ ମା ଓ ପୁଅକୁ ପୋଲିସ ପ୍ରଶାସନ ପକ୍ଷରୁ କୌଣସି ନ୍ୟାୟ ମିଳି ନଥିବା ଜଣାପଡ଼ିଛି ।ଘଟଣାଟି ଘଟିଛି ବିନିକା ବ୍ଲକ ଅନ୍ତର୍ଗତ ସିଲାଟି ପଞ୍ଚାୟତ ବରପଦର ଗ୍ରାମରେ ।ଗ୍ରାମର ପ୍ରମୋଦ ବାଗ(୩୮)ଙ୍କ ଦେହ ଅସୁସ୍ଥ ହେବାରୁ ସ୍ତ୍ରୀ ଜନନୀ ବାଗ ତାଙ୍କ ସ୍ଵାମୀର ଉନ୍ନତ ଚିକିତ୍ସା ପାଇଁ ପ୍ରଥମେ କୁଚିଣ୍ଡା ମେଡିକାଲରେ ଭର୍ତ୍ତି କରିଥିଲେ ।ପରେ ସେଠାରୁ ବୁର୍ଲାକୁ ଚିକିତ୍ସା ପାଇଁ ନେଇଥିଲେ ।ହେଲେ ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା । ଶବ ସତ୍କାର ସକାଶେ ସ୍ତ୍ରୀ ଜନନୀ ନିଜ ସ୍ୱାମୀର ଶବକୁ ମହାପ୍ରୟାଣ ଗାଡ଼ିରେ ଧରି ଗତକାଲି ରାତିରେ ବରପଦର ଗ୍ରାମକୁ ଆଣିଥିଲେ ।ହେଲେ ସେଠାରେ ତାଙ୍କ ପରିବାର ଲୋକେ ଶବକୁ ଗ୍ରହଣ କରି ନଥିଲେ ।ଅନନ୍ୟୋପାୟ ହୋଇ  ଗାଡ଼ି ସହ ଶବକୁ ଧରି ସ୍ତ୍ରୀ ଓ ୭ବର୍ଷୀୟା ପୁଅ ଆଜି ସକାଳେ ବିନିକା ଥାନାକୁ ନ୍ୟାୟ ଭିକ୍ଷା ପାଇଁ ପହଞ୍ଚିଥିଲେ ।ଥାନାରେ ଦୀର୍ଘ ୮ଘଣ୍ଟା କାଳ ଧରି ଶବକୁ ମା,ପୁଅ ଜଗି ରହିଥିଲେ ହେଁ ଅଦ୍ୟାବଧି ସେମାନଙ୍କୁ ନ୍ୟାୟ ମିଳି ପାରି ନାହିଁ ।ପୋଲିସ ବରପଦର ଗ୍ରାମକୁ ଯାଇ ତଦନ୍ତ କଲେ ପ୍ରକୃତ ସତ୍ୟାସତ୍ୟ ଘଟଣା ଜଣାପଡିବ ବୋଲି ଆଶା କରାଯାଉଛି।