21-Oct-2025

ସୋନପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର  ବଡ଼ ଝିଙ୍କି ସ୍ଥିତ ମହିମା ବରିଷ୍ଟ ନାଗରିକ  ଆଶ୍ରମ ରେ ଏକ ନିଆରା ଓ ନିରାଡମ୍ବର ଦୀପାବଳି ଉତ୍ସବ ପାଳିତ ହୋଇ ଯାଇଛି l ସଭାପତି ଗୋପାଳ ନେଗି ଙ୍କ ପରାମର୍ଶ ତଥା ଉପଦେଷ୍ଟା ପ୍ରସନ୍ନ କର୍ଣ୍ଣ ଙ୍କ ତତ୍ଵାବଧାନ ରେ ଦିବ୍ୟ ଉର୍ଯ୍ୟା ଯୋଗ ସେବା ସମିତି, ମହିଳା ଯୋଗ ସମିତି ର ମିଳିତ ପ୍ରୟାସ ରେ  ମହିମା ବରିଷ୍ଠ ନାଗରିକ (ଜରାଶ୍ରମ ) ର ଅନ୍ତେବାସୀ  ଙ୍କ ସହ ମିଠା , ଫଳ ଓ ସୁସ୍ୱାଦୁ ଖାଦ୍ୟ ଖାଇବା ସହ ଗୀତ ନାଚ  କରି ଖୁବ ମଜା ନେଇଥିଲେ । ଦୀପାବଳି ଆଲୋକର ପର୍ବ ହୋଇ ଥିବାରୁ ଆଶ୍ରମ କ୍ୟାମ୍ପସ ରେ ପାରମ୍ପରିକ କେବଳ ଝିର୍ ଝିରି, କୁପି ଲଗା ଯାଇଥିଲା l ଓ ଗୀତିକାର ବିଶିଷ୍ଟ କଣ୍ଠଶିଳ୍ପୀ ପୁରନ୍ଦର ଠେଲା ଙ୍କ *ହାଏ କୃଷ୍ଣ ହାଏ କୃଷ୍ଣ ବୋଲି ଯାଉ ମୋର ଜୀବନ* *କେରି କେରି ସୁନା ଦୁବ*  ନୃତ୍ୟ ଓ ଗୀତ ର ତାଳେ ତାଳେ ନାଚି ନାଚି ବେଶ ମଜା ନେଇଥିଲେ ବୃଦ୍ଧ ବୃଦ୍ଧା ବାପା ମାଆ ।

ଏହି କାର୍ଯ୍ୟକ୍ରମ ରେ ଯୋଗ ଗୁରୁ ମନୋଜ ପଣ୍ଡା, ସଂପାଦକ ଶ୍ରୀବନ୍ତ ମିଶ୍ର ଙ୍କ ସହ ମାତା ଯୋଶବନ୍ତି ମିଶ୍ର, କାଁହୁ ସାହୁ, ରୁଦ୍ରାକ୍ଷ୍ୟ ସାହୁ,  ଉମାକାନ୍ତ ମେହେର, ଅନିତା ମେହେର,ପିଣ୍ଟୁ ରଥ,ଯୋଗୀ ଦେବ ରଞ୍ଜନ ତ୍ରିପାଠୀ, ଶିବ ଶଙ୍କର ସାହୁ ପ୍ରମୁଖ ଏହି କାର୍ଯ୍ୟକ୍ରମ ରେ ସାମିଲ୍ ଥିଲେ । ସମାଜ ସେବୀ ରବିନ୍ଦ୍ର ଜେନା ଙ୍କ ସଂଯୋଜନା ରେ ଅନୁଷ୍ଟିତ ଏହି ଉତ୍ସବ ରେ ସମସ୍ତ ସଦସ୍ୟ ସହଯୋଗ କରିଥିଲେ l ସହର ସାରା ବାଣ ଫଟକା  ଫୁଟାଇ ଧୁମ ଧାମ ରେ ଦୀପାବଳୀ ଉତ୍ସବ ପାଳନ କରିଥିବା ଓ ଶବ୍ଦ, ବାୟୁ, ଜଳ ଓ ସମଗ୍ର ପରିବେଶ କୁ ପ୍ରଦୂଷଣ କରୁଥିବା ବେଳେ ଫରେଷ୍ଟ ସ୍ମାର୍ଟ ପାର୍କ ର ଏ ଯୋଗ ସାଧକ ମାନେ କିନ୍ତୁ ମହିମା ବରିଷ୍ଠ ନାଗରିକ ସେବା ଶ୍ରମ ର ବୃଦ୍ଧ ବୃଦ୍ଧା ବାପା ମାଆ ଙ୍କ ସହିତ ଖୁବ ନିରାଡମ୍ବର ଭାବରେ ଦୀପାବଳୀ ଉତ୍ସବ ପାଳନ କରି ଖୁବ ଆତ୍ମ ସନ୍ତୋଷ ଲାଭ କରିଛନ୍ତି l ଏବଂ ସ୍ଵଚ୍ଛ, ଶାନ୍ତ, ସବୁଜ ଓ ପ୍ରଦୂଷଣ ମୁକ୍ତ ର ଏକ ସଚେତନତା ର ବାର୍ତ୍ତା ପହଞ୍ଚାଇଛନ୍ତି ସାରା ସମାଜ କୁ ବୋଲି ବୁଦ୍ଧିଜୀବି ମହଲ ରେ ଓ ପ୍ରାସାସନିକ ସ୍ତର ରେ ପ୍ରଶଂସା କରାଯାଇଛି l