12-Oct-2025

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ମୁର୍ଷୁଣ୍ଢୀ ଠାରେ ୪୩ ତମ ଗଜଲକ୍ଷ୍ମୀ ପୂଜା ଅବସରରେ ମୁରାସୁର ଦରବାରର ଆଜି  ଷଷ୍ଠ ଦିବସରେ ପୈାରାଣିକ ନାଟକ ପରିବେଷଣ ହୋଇଛି। ନାଟ୍ୟଭିକ୍ରମେ ମୁରାସୁର ଦରବାରକୁ ନାରଦ ଙ୍କ ପ୍ରବେଶ,  ଏବଂ ବିଷ୍ଣୁଙ୍କର ମର୍ତ୍ତ୍ୟ ମଣ୍ଡଳ ରେ ମାନବ ରୂପେ ଜନ୍ମିବେ ବୋଲି ମୁରାସର ଆଗରେ ପ୍ରକାଶ ପ୍ରମୁଖ  ଦୃଶ୍ୟ ମୁକ୍ତାକାଶ ରଙ୍ଗମଞ୍ଚରେ ପର୍ଯ୍ୟାୟକ୍ରମେ ମଞ୍ଚସ୍ଥ ହୋଇଥିଲା। ପ୍ରଥମେ ରାଜା ମୁରାସୁର ପାତ୍ରମନ୍ତ୍ରୀଙ୍କ ସହ ଶୋଭାଯାତ୍ରା ରେ ନଗର ପରିକ୍ରମା କରିବା ପରେ ଦରବାରରେ ପହଞ୍ଚିଥିଲେ। ରାଜ ନର୍ତ୍ତକୀ ଓ ସ୍ଥାନୀୟ କଳାକାର ମାନଙ୍କ ଦ୍ବାରା ନୃତ୍ୟ ପରିବେଷଣ ହୋଇଥିଲା। ମହାରାଜଙ୍କ ଆଦେଶ କ୍ରମେ ଗଜଲକ୍ଷ୍ମୀ ପୂଜା କମିଟି ରସଭାପତି ଲବ କୁମାର ସାହୁ ଙ୍କ ସଭାପତିତ୍ବରେ ଅନୁଷ୍ଠିତ ରାଜ ସଭାରେ ରାଜ ଅତିଥି ଭାବେ ଓଡିଶା ର ଚର୍ଚ୍ଚିତ ଚେହେରା ପୂର୍ବତନ ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା  ସୁରେଶ ରାଉତରାୟ ଯୋଗଦେଇ ଥିଲେ। ମହାରାଜା ଙ୍କ ପ୍ରଶ୍ନ ଉତ୍ତର ରେ ସାମିଲ ହେବା ସହ ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲେ। ସେହିପରି ଦ୍ବିତୀୟ ପର୍ଯ୍ୟାୟ ରାଜ ଅତିଥି ଭାବେ ପୂର୍ବ ବିଧାୟକ ପଦ୍ମନାଭ ବେହେରା ମୁଖ୍ୟ ଅତିଥି,  ଝସକେତନ ବଘାର, କୃତିବାସ ମିଶ୍ର, ଶିବ ତରିଆ, ପୂର୍ବତନ ବ୍ଳକ ଉପାଧ୍ୟକ୍ଷ  ରଞ୍ଜିତ କୁମାର ରଥ, ବିଜୁ ଜନତା ଦଳର ଜିଲ୍ଲା ମିଡିଆ ସେଲ  ଅମୀୟ ରଞ୍ଜନ ଦାଶ ପ୍ରମୁଖ ସମ୍ମାନିତ  ଅତିଥି  ଭାବେ ଯୋଗଦେଇ ଥିଲେ। ଦରବାର ରେ ତାଙ୍କୁ ଗଜଲକ୍ଷ୍ମୀ ପୂଜାକମିଟି ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ପରେ ବିଭିନ୍ନ ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲେ। କମିଟି ପକ୍ଷରୁ ପୁଷ୍ପମାଲ୍ୟ, ଉପଢୌକନ ଓ ସୃତି ଫଲକ ଦେଇ ସମ୍ବର୍ଦ୍ଧିତ କରାଯାଇଥିଲା।  ଏହି ଅବସରରେ ସୁର ମେଲୋଡି ଦ୍ଵାରା ଅର୍କେଷ୍ଠା ଅନୁଷ୍ଠିତ ହୋଇଥିଲା ଏବଂ ସକାଳ ଠାରୁ ସନ୍ଧ୍ୟା ପର୍ଯ୍ୟନ୍ତ ମା ' ଗଜଲକ୍ଷ୍ମୀଙ୍କ ଦର୍ଶନ ପାଇଁ ଲୋକଙ୍କ ଭିଡ ପରିଲକ୍ଷିତ ହୋଇଥିଲା। କମିଟିର ସମସ୍ତ ସଦସ୍ୟ ଉପସ୍ଥିତିରେ ପୁଷ୍ପାଞ୍ଜଳି ଓ ଆଳତି ହୋଇଥିଲା। ଏଥିରେ ପୂଜା କମିଟିର ସଭାପତି ଲବ କୁମାର ସାହୁ, ଉପ ସଭାପତି ଧନଞ୍ଜୟ ସାହୁ,  ସମ୍ପାଦକ ତ୍ରିୟଞ୍ଜୀବମିଶ୍ର, ସହ ସମ୍ପାଦକ ବିଦ୍ୟାଧର ଖୁର୍ଡିଆ, କୋଷାଧ୍ୟକ୍ଷ ସତ୍ୟ ମୋହନ ବେଦପାଣି, ଉପଦେଷ୍ଟା ରାଜ ଗୋପାଳ ପାଣିଗ୍ରାହୀ, କୁଶ କୁମାର ସାହୁ, ପ୍ରେମାନନ୍ଦ ଜଟି,ଓ ସତ୍ୟଞ୍ଜିବ ମିଶ୍ରଙ୍କ  ସମେତ ସମସ୍ତ ସଦସ୍ୟ ଉପସ୍ଥିତ ଥିଲେ