11-Sep-2025

କଣ୍ଟାମାଳ(ଜୟକୁମାର ମହାରଣା): ରାଜ୍ୟସ୍ତରୀୟ ଭାରତୀୟ ସଂସ୍କୃତ ଜ୍ଞାନ ପରୀକ୍ଷାରେ ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକର ଘଣ୍ଟାପଡ଼ା ଟିକେଏସଏମଆରଜି ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଥମ ବର୍ଷର ଛାତ୍ରୀ ସୋନାଲୀ ହାତୀଦ୍ୱିତୀୟ ସ୍ଥାନ ହାସଲ କରି ଘଣ୍ଟାପଡ଼ା କଲେଜ ତଥା ଗ୍ରାମ ଜିଲ୍ଲାକୁ ଗୌରବାନିତ୍ବ କରିଛନ୍ତି । ଗୁରୁବାର ଏନେଇ ଏନେଇ ଘଣ୍ଟାପଡ଼ା କଲେଜ ପରିସରରେ ଏକ ସଭାର ଆୟୋଜନ ହୋଇଥିଲା।ଏଥିରେ ପଣ୍ଡିତ ଶ୍ରୀରାମ ଶର୍ମା ଆଚାର୍ଯ୍ୟଉତ୍କୃଷ୍ଟ ସେବା ପୁରସ୍କାରପ୍ରାପ୍ତ ଶିକ୍ଷକ ବସନ୍ତ କୁମାର ସାହୁ ଉପସ୍ଥିତ ରହି ସଂସ୍କୃତ ଅଧ୍ୟାପିକା ସସ୍ମିତା ଖ୍ଵାସଙ୍କ ଦ୍ୱାରା ଛାତ୍ରୀ ସୁନେଲୀ ହାତୀଙ୍କୁ ପ୍ରମାଣ ପତ୍ର ସହ ଟ୍ରଫି ଓ ଅନେକ ପୁସ୍ତିକା ପ୍ରଦାନ କରିଥିଲେ। ସୂଚନାନୁସାରେ ଚଳିତ ମାସ ୭ ତାରିଖରେ ଭୁବନେଶ୍ଵରଠାରେ ପୁରସ୍କାର ବିତରଣ ସଭା ଅନୁଷ୍ଠିତ ହୋଇଥିଲା। ଯେଉଁ

ସଭାରେ ଓଡ଼ିଶା ସରକାରଙ୍କ ଉଚ୍ଚଶିକ୍ଷାବିଭାଗର ନିର୍ଦ୍ଦେଶକ କାଳି ପ୍ରଶନ୍ନ ମହାପାତ୍ର ମୁଖ୍ୟ ଅତିଥିଭାବେ ଯୋଗ ଦେଇ ଥିଲେ। ଆଜିର କାର୍ଯ୍ୟକ୍ରମରେ ଅଧ୍ୟାପକ ଝସକେଦନ ଡାଙ୍ଗଙ୍କ ଅଧ୍ୟକ୍ଷତାରେ ଅଧ୍ୟାପକ ପରେଶ କୁମାର ସାହୁ, ନୀଳକଣ୍ଠ ସା, ସତ୍ୟନାରାୟଣ ପଣ୍ଡା, ରାଜକିଶୋର ଭୋଇ, କ୍ଷୀରୋଦ୍ର ସାହୁ, ଅଶୋକ ଦେହୁରୀ ,ଦେବରାଜ ବିଶି, ବିନୟ ପ୍ରଧାନ ଓ ଛାତ୍ରଛାତ୍ରୀ ଉପସ୍ଥିତ ରହିଥିଲେ।ଏବେ ଛାତ୍ରୀ ସୁନେଲୀଙ୍କୁ ଚାରିଆଡୁ ପ୍ରଶଂସାର ସୁଅ ଛୁଟିବାରେ ଲାଗିଛି।