12-May-2025

ବଲାଙ୍ଗିର(ଦେବାଶିଷ ବହିଦାର): ସେବା ଓ ଶାନ୍ତିର ପ୍ରତୀକ ଫ୍ଲୋରେନ୍‌ସ ନାଇଟ୍ ଏଙ୍ଗେଲ୍‌ଙ୍କ ଜନ୍ମଦିନକୁ ସାରା ବିଶ୍ୱରେ ସେବିକା ଦିବସ ଭାବେ ପାଳନ କରାଯାଉଛି । ସେହି କ୍ରମରେ ଆଜି ତାଙ୍କର ଜନ୍ମଦିନରେ ସଦାଇପାଲି ପଲ୍ଲିଶ୍ରୀ ବିହାର ପରିସରରେ ସାଇଟ ନର୍ସିଂ କଲେଜ ତରଫରୁ ବିଶ୍ୱ ସେବିକା ଦିବସ ପାଳିତ ହୋଇଯାଇଛି । ଏହି ଅବସରରେ ଫ୍ଲୋରେନ୍‌ସ ନାଇଟ୍ ଏଙ୍ଗେଲ୍‌ଙ୍କ ଫଟୋଚିତ୍ରରେ ମାଲ୍ୟାର୍ପଣ କରିବା ସହିତ କେକ୍ କାଟି ସାଇଟ କଲେଜର ପ୍ରତିଷ୍ଠାତା ଡ.ଶ୍ରୀକର ମିଶ୍ର ଉଦଘାଟନ କରିଥିଲେ। ଅଧ୍ୟକ୍ଷା ଲୋପାମୁଦ୍ରା ମିଶ୍ର ଫ୍ଲୋରେନ୍‌ସ ନାଇଟ୍ ଏଙ୍ଗେଲ୍‌ଙ୍କ ପରି ସମସ୍ତ ନର୍ସିଂ ଛାତ୍ରଛାତ୍ରୀ ସମାଜର ଉନ୍ନତି ପାଇଁ କାମ କରିବା ଉଚିତ ବୋଲି କହିଥିଲେ। ଅନ୍ୟ ମାନଙ୍କ ମଧ୍ୟରେ କମରୁନ ନିସା, ହିତ୍ତିକା ମହାନ୍ତି, ଜେନିଫା ନାୟକ, ଅନୁପମା ବାଗ, ସୁସ୍ମିତା ସୁନା, ପ୍ରଜ୍ଞା ପରିଡା, ରିତା ସାହୁ, ଜତିନ ରଣା, ଶରତ ପଧାନ, ଅମିୟ ଯୋଷୀ, ଶୁଭେନ୍ଦୁ ମାହାର, ମହମ୍ମଦ କାଜିମ୍‌, ସୌମ୍ୟରଂଜନ ନାଗ, ପ୍ରଶାନ୍ତ ତ୍ରିପାଠୀ, ଲୋକନାଥ ସିଂହ ପ୍ରମୁଖ ଉପସ୍ଥିତ ଥିଲେ। ଶେଷରେ ଡ.ପ୍ରମୋଦ ମିଶ୍ର ଧନ୍ୟବାଦ ଦେଇଥିଲେ ।