29-Apr-2025

ବଲାଙ୍ଗୀର, (ପ୍ରେରଣା ଖବର)ଆଜି ୨୯ ଅପ୍ରେଲ  ମଙ୍ଗଳବାର  ଆନ୍ତର୍ଜାତିକ ନୃତ୍ଯ ଦିବସ ପାଳନ କରିଥିଲା ବଲାଙ୍ଗୀର ର ଅଗ୍ରଣୀ ନୃତ୍ଯ ସଂଗୀତ ଅନୁଷ୍ଠାନ ଖୁସି ସାଂସ୍କୃତିକ ଓ ଗବେଷଣା ଏକାଡେମୀ।,ଟାଉନ ବାଳିକା ଉଚ୍ଚ ବିଦ୍ୟାଳୟ ପରିସରରେ ଆୟୋଜିତ ଏହି ନୃତ୍ଯ ସଂଗୀତର  ଅପୂର୍ବ  ସଂଯୋଜନାର ଆରମ୍ଭରେ ଅନୁଷ୍ଠିତ ସାଂସ୍କୃତିକ ସଭାରେ  ଏକାଡେମୀର ସଭାପତି ପୂର୍ଣ୍ଣଚନ୍ଦ୍ର ତ୍ରିପାଠୀଙ୍କ ସଭାପତିତ୍ବରେ ବଲାଙ୍ଗୀର ଜିଲ୍ଲା ପରିଷଦ ,ଅଧ୍ୟକ୍ଷା ଶ୍ରୀମତୀ ଦେବକୀ ସାହୁ ମୁଖ୍ଯ ଅତିଥି ଭାବରେ ଯୋଗ ଦେଇଥିବା ବେଳେ ଅଧ୍ୟକ୍ଷା ,ବଲାଙ୍ଗୀର ପୌର ପରିଷଦ ଶ୍ରୀମତୀ ଲିକା ସାହୁ, ସମ୍ମାନୀତ ଅତିଥି ଭବରେ ଯୋଗ ଦେଇଥିଲେ। ଅନୁଷ୍ଠାନର ସଂପାଦିକା  ସୁଶ୍ରୀ ଜ୍ୟୋତିରେଖା ତ୍ରିପାଠୀ ଓ ଉପଦେଷ୍ଟା  ସନ୍ଦୀପ କୁମାର  କୁଅଁର ମଂଚାସୀନ ହୋଇ ଥିଲେ। ଏହି ଅବସରରେ ବିଶିଷ୍ଟ ତବଲାବାଦକ ସୂରଜ କୁମାର ଦୋରା ଙ୍କୁ ସମ୍ବର୍ଦ୍ଧିତ କରାଯାଇଥିଲା।ସାଂସ୍କୃତିକ ସଭାକୁ କବି ରତ୍ନମୟ ତ୍ରିପାଠୀ ସଂଯୋଜନା କରିଥିଲେ।  ଅତିଥି ମାନେ ଆନୁଷ୍ଠାନିକ ନୃତ୍ଯ ଓ ସଂଗୀତ ଶିକ୍ଷା ଉପରେ ବର୍ତ୍ତମାନ  ଗରୁତ୍ବ ଆରୋପ କରିବା ସହ  ସମସ୍ତଙ୍କ ସର୍ବାଙ୍ଗିନ ବିକାଶ ପାଇଁ ନୃତ୍ଯ ଗୀତ ର ଆବଶ୍ୟକତା ରହିଥିବା ପ୍ରକାଶ କରି ବଲାଙ୍ଗୀର ରେ ଶାସ୍ତ୍ରୀୟ ନୃତ୍ୟର  ପରଂପରା ରହିଥିବା ପ୍ରକାଶ କରିଥିଲେ। ପରେ ପରେ ଆରମ୍ଭ ହୋଇଥିଲା ନୃତ୍ଯ  କାର୍ଯ୍ୟକ୍ରମ।  ସୁନୀଲ ମେହେରଙ୍କ  ସଂଯୋଜନାରେ ଏକାଡେମୀର ଛାତ୍ରୀ ମାନେ ସୃତି ପଟେଲ,ସୃତିରନ୍,ଓମି, ଆଦ୍ୟ ଅଭିଳାଷା ,ଆଦ୍ୟାଶା , ଶ୍ରୀୟଂଶି, ପ୍ରିୟଙ୍କା, ଆଦ୍ୟା, ଶ୍ରିଷ୍ଟି, ରାଜଶ୍ରୀ, ସିଦ୍ଧି, ଅନ୍ୱେଷା,ଶ୍ରାବଣୀ ଓ ଅନ୍ଯମାନେ ଓଡିଶୀ, ଲୋକନୃତ୍ଯ  ଓ ଆଧୁନିକ ନୃତ୍ଯ  ପରିବେଷଣ କରିଥିଲେ l

।