26-Mar-2025

ଅତାବିରା(ଆକାଶ ମିଶ୍ର): ଅତାବିରା ବ୍ଲକ ଅନ୍ତର୍ଗତ  ଲାଦର ପାଲି  ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ , ବନ୍ଧପଡ଼ା ରେ ପ୍ରଧାନ ଶିକ୍ଷକ ଡାକ୍ତର ବିଶି ଙ୍କ ସଭାପତିତ୍ବରେ ବିଦ୍ୟାଳୟ ର ବିଂଶତମ ବାର୍ଷିକୋତ୍ସବ  ଅନୁଷ୍ଠିତ ହୋଇ ଯାଇଛି । ଏହି ବାର୍ଷିକୋତ୍ସବ ରେ  ମୁଖ୍ୟ ଅତିଥି ଭାବରେ ଆନନ୍ଦ କୁମାର ସ୍ବାଇଁ,  ଅତାବିରା ବ୍ୟାଙ୍କ୍  ଅଫ ବରୋଦା ଶାଖା ପ୍ରବନ୍ଧକ,

ମୁଖ୍ୟ ବକ୍ତା ଭାବରେ ଅନୁସୂୟା ଦେବତା ,  କବୟିତ୍ରୀ, ସମାଜସେବୀ ତଥା ବିଜ୍ଞାନ ଶିକ୍ଷୟିତ୍ରୀ ପଞ୍ଚାୟତ ଉଚ୍ଚ ବିଦ୍ୟାଳୟ ,ଟୋପ, ସମ୍ମାନିତ ଅତିଥି ଭାବେ   ଅତାବିରା ନୋଡାଲ ସି ଆର୍ ସି ସି ନୃପ ଭୁଏ ,   ବୁଗୁବୁଗା ସ୍କୁଲ୍ ର ଭାରପ୍ରାପ୍ତ ପ୍ରଧାନ  ଶିକ୍ଷୟିତ୍ରୀ ମଞ୍ଜୁଲତା ବେହେରା, ଅବସର ଶିକ୍ଷକ ଶଙ୍କର  ସାହୁ ପ୍ରମୁଖ ମଞ୍ଚାସିନ ଥିଲେ । ବିଦ୍ୟାଳୟ ପ୍ରବେଶ  ଦ୍ୱାରରୁ  ବିନୟl ବିଶି ଛାତ୍ର  ଛାତ୍ରୀ  ଙ୍କୁ ନେଇ ନିମନ୍ତ୍ରିତ ଅତିଥି ମାନଙ୍କ    ପାଦ  ଧୌତ କରି ,ଫୁଲ ଚନ୍ଦନ ଦେଇ  ପାଛୋଟି ନେଇଥିଲେ । ଶିକ୍ଷୟିତ୍ରୀ  ଆଶା ବାରିକ ଅତିଥି ପରିଚୟ ପ୍ରଦାନ କରିଥିଲେ । ଶିକ୍ଷୟିତ୍ରୀ ସଂଯୁକ୍ତା ପ୍ରଧାନ ଓ ରିନିଶ୍ରି ବିଶି ଫୁଲତୋଡ଼ା ଦେଇ ସମ୍ବର୍ଦ୍ଧିତ କରିଥିଲେ । ମଞ୍ଚାସିନ ଅତିଥି ମାନଙ୍କ ଦ୍ଵାରା ବିଘ୍ନରାଜ ଗଣେଶ  ଙ୍କୁ ପୂଜାର୍ଚ୍ଚନା ପରେ ସଭାକାର୍ଯ୍ୟ ଆରମ୍ଭ ହୋଇଥିଲା । ସି ଆର୍ ସି ସି ଶ୍ରୀ ଭୁଏ ମଞ୍ଚ ପରିଚାଳନା କରିଥିବା ବେଳେ ଶିକ୍ଷକ ଶ୍ରୀ ସାହୁ ବାର୍ଷିକ ବିବରଣୀ ପଠନ କରିଥିଲେ । ଛାତ୍ର ଛାତ୍ରୀ ଙ୍କ ଚରିତ୍ର ଗଠନ ଦିଗରେ ନୈତିକ  ମୂଲ୍ୟବୋଧ ର ଆବଶ୍ୟକତା , ପିତାମାତା ଙ୍କ ଦାୟିତ୍ଵ ବୋଧ ଓ ସାମ୍ପ୍ରତିକ ଶିକ୍ଷା ବ୍ୟବସ୍ଥାରେ  ଛାତ୍ର ଛାତ୍ରୀ  ମାନଙ୍କ ପ୍ରତିଭାର ବିକାଶ  ଉପରେ ମୁଖ୍ୟ ବକ୍ତା ଶ୍ରୀମତୀ ଦେବତା ଆଲୋକପାତ କରିଥିଲେ ।  ମଞ୍ଚାସିନ ସମସ୍ତ  ଅତିଥି ଛତ୍ର ଛାତ୍ରୀ ଙ୍କ ଉଜ୍ଜ୍ବଳ ଭବିଷ୍ୟତ କାମନା କରି ତାଙ୍କର ଅନ୍ତର୍ନିହିତ ପ୍ରତିଭା ର ପ୍ରଦର୍ଶନ ପାଇଁ  ଉତ୍ସାହିତ କରିଥିଲେ । ଏହି ଅବସରରେ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ୬୧ ଜଣ କୃତି ଛାତ୍ର ଛାତ୍ରୀ ଙ୍କୁ ମାନପତ୍ର ସହ , ପାଠ୍ୟ ପୁସ୍ତକ, ପାଠ୍ୟ ସାମଗ୍ରୀ ଆଦି ପ୍ରଦାନ କରାଯାଇ ଅତିଥି ମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା ।  ଶ୍ରେଣୀରେ ସର୍ବାଧିକ  ନମ୍ବର ରଖିଥିବା ପ୍ରଥମ୍ ଶ୍ରେଣୀ ଛାତ୍ରୀ ପ୍ରିୟଙ୍କା ସାହୁ, ଦ୍ଵିତୀୟ ଶ୍ରେଣୀ ଛାତ୍ରୀ ବିଷ୍ଣୁପ୍ରିୟା ମହାନନ୍ଦ , ତୃତୀୟ ଶ୍ରେଣୀ ଛାତ୍ରୀ ଆରୋଷି ଭୁଏ, ଚତୁର୍ଥ ଶ୍ରେଣୀ ଛାତ୍ରୀ ସୋନାଲି ପ୍ରଧାନ ଓ ପଞ୍ଚମ ଶ୍ରେଣୀ ଛାତ୍ରୀ କାଜଲ ବାରିକ ଙ୍କୁ ଟ୍ରଫି ଓ

ମାନପତ୍ର ସହ ସମ୍ବର୍ଦ୍ଧିତ କରାଯାଇଥିଲା ।  ଏହି କାର୍ଯ୍ୟକ୍ରମ କୁ ବିଦ୍ୟାଳୟ କମିଟିର ଅଧ୍ୟକ୍ଷ ପାଣ୍ଡବ ସାହୁ, ତଥା କମିଟିର ସଦସ୍ୟ ସଦସ୍ୟା ତଥା ଗ୍ରାମବାସୀ ସହଯୋଗ କରିଥିଲେ ।
ଶେଷରେ ଶିକ୍ଷୟିତ୍ରୀ ଅଳକା ଦାଶ  ଧନ୍ୟବାଦ୍ ଅର୍ପଣ କରିଥିଲେ । ମଧ୍ୟାହ୍ନ ଭୋଜନ ପରେ କୁନି କୁନି ପିଲାମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା । ଧିରେ ଧିରେ ଲୁପ୍ତ ପାଇ ଯାଉଥିବା ପୁରୁଣା ସଙ୍ଗୀତ  ନୃତ୍ୟ ତଥା ଆଦିବାସୀ ନୃତ୍ୟ  ରେ ଦର୍ଶକ ଝୁମି ଉଠିଥିଲେ ।