04-Feb-2025

ବଲାଙ୍ଗୀର(ପ୍ରେରଣାଖବର): ବଲାଙ୍ଗୀର ଜିଲ୍ଲା କଣ୍ଟାବାଞ୍ଜିରେ ଗତ ୨ ତାରିଖରେ ଏକ କ୍ରିକେଟବ୍ୟାଟିଂ ଗ୍ୟାଙ୍ଗକୁ ପୋଲିସ ଧରିଥିଲା। ବଲାଙ୍ଗୀର ଅତିରିକ୍ତ ଏସପି ହିମାଂଶୁ ବେହେରାଙ୍କ ନେତୃତ୍ୱରେ ବଲାଙ୍ଗୀର ଜିଲ୍ଲା ମୁଖ୍ୟାଳୟରୁ ଏକ ଟିମ ନେଇ ଚଢାଉକରି ଏକ ଭଡାଘରୁ ୫ଜଣ ବ୍ୟକ୍ତିଙ୍କୁ ଗିରଫ କରିବା ସହିତ ତାଙ୍କଠାରୁ ୩ଟି ଲାପଟପ ଓ ୨୦ଟି ମୋବାଇଲ ଜବତ କରିଥିଲେ। ଏହି ଘଟଣାରେ କଣ୍ଟାବାଞ୍ଜି ପୋଲିସ ସନ୍ଦେହ ଘେରକୁ ଆସିଛି। କଣ୍ଟାବାଞ୍ଜିି ପୋଲିସର ଜ୍ଞାତସାରରେ ଏହି ସଟ୍ଟାଗଦ୍ଦି ଚାଲିଥିଲା ଓ ଏହାକୁ ହିତେଶ ଜୈନ(ହିତୁ) ଚଳାଇ ଆସୁଥିଲା । ପୂର୍ବରୁ ହିତୁ ଅନେକ ମାମଲାରେ ବିବାଦୀୟ ରହିଆସିଛି । ଏବେ ହିତୁ ସାଙ୍ଗରେ ଆଉ ଜଣେ ବଣ୍ଟି ଗୁପ୍ତା ମଧ୍ୟ ଚର୍ଚ୍ଚାରେ ରହିଛି । ଯେଉଁଘରେ ପୋଲିସ ଚଢାଉ କରି କ୍ରିକେଟ ବ୍ୟାଟି ଗ୍ରୁପକୁ ଧରିଛି ସେହି ଘର ହେଉଛି ବଣ୍ଟି ଗୁପ୍ତାର। ଭଡାରେ ହିତେଶକୁ ଦେଇଥିବା କୁହାଯାଉଛି। ଏହା ପୂର୍ବରୁ ବଣ୍ଟି ଗୁପ୍ତା ନକଲି ନୋଟ କାରବାରରେ ମଧ୍ୟରେ ଚର୍ଚ୍ଚାରେ ରହିଥିଲା । ଫଳରେ ଏବେ ଯେଉଁ କ୍ରୀକେଟ ବ୍ୟାଟିଂ ଧରାପଡିଛି ସେଥିରେ ମଧ୍ୟ ତାର ସମ୍ପୃକ୍ତି ଥିବା ସନ୍ଦେହ ପ୍ରକାଶ ପାଉଛି । ଗତ ଦେଢବର୍ଷ ହେଲା ଏକ ନୂଆ ଘର ତିଆରି ତାକୁ ହିତେଶକୁ ଭଡାରେ ଦେଇଛି । ୨ତାରିଖ ଦିନ ଯେଉଁ ୫ଜଣ

ବ୍ୟକ୍ତି ଧରାପଡିଲେ ସେମାନଙ୍କ ମଧ୍ୟରୁ ୩ଜଣ ବିହାରର ଓ ୨ଜଣ ସ୍ଥାନୀୟ ଅଞ୍ଚଳର । ହିତେଶ ଏମାନଙ୍କୁ ଲଗାଇ ଏକ ଆନ୍ତଃରାଜ୍ୟ ର‌୍ୟାକେଟକୁ ପରିଚାଳିତ କରିଆସୁଛି । ମୁଖ୍ୟତଃ ଯୁବବର୍ଗଙ୍କୁ ଟାର୍ଗେଟରେ ରଖାଯାଇଛି । କ୍ରିକେଟ ବ୍ୟାଟିଂରେ ଯେତେ ଟଙ୍କା ଲଗାଇଲେ ଜିତିଲେ ତାର ୮୦ଗୁଣା ଲାଭର ଲୋଭନୀୟ ଅଫର ବହୁଯୁବକଙ୍କୁ ଆକର୍ଷିତ କରୁଛି । ଅନେକ ଯୁବକ ଏହି ବ୍ୟାଟିରେ ଟଙ୍କା ଲଗାଇ ସର୍ବସ୍ୱାନ୍ତ ମଧ୍ୟ ହୋଇ ସାରିଲେଣି । ସେପଟେ କଣ୍ଟାବାଞ୍ଜି ପୋଲିସର ଜ୍ଞାତସାରରେ ହିଁ ଏଭଲି ଏକ ବହୁକୋଟିର କାରବାର ଚାଲିଥିବାରୁ ସଟ୍ଟାଡନ ସବୁବେଳେ ଖସିଯିବାରେ ସଫଳ ହେଉଛି । ଅନେକଥର ହିତେଶ ବିବାଦରେ ରହିଆସୁଥିଲେ ହେଁ ପୋଲିସ ତାକୁ ସୁରକ୍ଷା ଦେଇ ଆସୁଛି । ଠିକ ସେହିପରି ବଣ୍ଟି ଗୁପ୍ତା ମଧ୍ୟ ପୋଲିସ ସହାୟତାରେ ପ୍ରାୟ ମାମଲାରେ ଖସିଯାଉଥିବା ଅଭିଯୋଗ ଉଠିଛି । କଣ୍ଟାବାଞ୍ଜି ସହରର ଜଣେ ବୁଦ୍ଧିଜୀବି ସୁରଥ ବେହେରା ପୋଲିସର କାର୍ଯ୍ୟକଳାପରେ ସନ୍ଦେହ ପ୍ରକାଶ କରାଯାଉଥିବା ଗଣମାଧ୍ୟମରେ ଅଭିଯୋଗ ଉଠାଇଛନ୍ତି । ଏହା ଆଜିର ଘଟଣା ନୁହେଁ ପୂର୍ବରୁ ମଧ୍ୟ ଅନେକଥର କଣ୍ଟାବାଞ୍ଜି ପୋଲିସ ଅପରାଧିଗୋଷ୍ଠୀ ସହିତ ହାତ ମିଳାଇ କେବଳ କିଛି ଛୋଟ ଅଭିଯୁକ୍ତଙ୍କୁ ଧରି ବଡବଡିଆଙ୍କୁ ଖସାଇଦେବାରେ ସହାୟକ ହୋଇଛନ୍ତି ।