04-Feb-2025

ସମ୍ବଲପୁର:(ପ୍ରେରଣା ନିଉଜ)-ଦଶମ ଶ୍ରେଣୀ ପରୀକ୍ଷା ପାଖେଇ ଆସିବା ସାଙ୍ଗେ ସାଙ୍ଗେ ପରୀକ୍ଷା ଦେବାକୁ ଥିବା ଛାତ୍ର ଛାତ୍ରୀ ଙ୍କ ମନ ଆଶଙ୍କିତ ହୋଇ ଉଠୁଛି। ତତସଂଗେ ସଂଗେ ପିତା ମାତା ତଥା ଅଭିଭାବକ ମାନଙ୍କର ମନ ମଧ୍ୟ ଉଦବେଳିତ ହୋଇ ଉଠୁଛି। ସେମାନଂକୁ କିଛିଟା  ପ୍ରବୋଧନ ଦେବା ପାଇଁ ବରିଷ୍ଠ ଗୋଷ୍ଠୀ ଶିକ୍ଷା ଅଧିକାରୀ ଧନକାଉଡ଼ା ଶ୍ରୀ ମତୀ ସେବଶ୍ରୀ ଭୋଇ ସ୍ୱତନ୍ତ୍ର ଭାବରେ ଆରମ୍ଭ କରିଛନ୍ତି ଛାତ୍ର ଛାତ୍ରୀ ମାନଙ୍କ ଗୃହ ପରିଦର୍ଶନ। ଘର କୁ ଘର ବୁଲି ପରୀକ୍ଷା ଦେବାକୁ ଯାଉଥିବା ଛାତ୍ର ଛାତ୍ରୀ ମାନଙ୍କୁ ପରୀକ୍ଷା ଟିପ ଦେଉଛନ୍ତି। ପରୀକ୍ଷା ସମୟ ରେ କିପରି ନିଜ ମନ କୁ ଏକାଗ୍ର କରି ପରୀକ୍ଷା ରେ ଭଲ ପ୍ରଦର୍ଶନ କରିବେ ତା ଉପରେ ଦିଗଦର୍ଶନ ଦେଉଛନ୍ତି। ପରୀକ୍ଷା ସମୟରେ ପିତା ମାତା ଛାତ୍ର ଛାତ୍ରୀ ମାନଙ୍କର କିପରି ଯତ୍ନ ନେବେ ବୁଝାଉଛନ୍ତି। ଗତକାଲି ଲେଡି ଲୁଇସ ବାଳିକା ଉଚ୍ଚ ବିଦ୍ୟାଳୟ ର ଦୁଇଜଣ ମେଧାବୀ ଛାତ୍ରୀ ଅଙ୍କିତା ପ୍ରଧାନ ଓ ଅର୍ପିତା ପ୍ରଧାନ ଙ୍କ ଘରେ ପହଂଚି ଛାତ୍ରୀ ମାନଙ୍କ ଆତ୍ମ ବିଶ୍ୱାସ ବଢ଼ାଇବାକୁ ଚେଷ୍ଟା କରିଥିଲେ। ତାଙ୍କ ସାଥିରେ ଥିଲେ ବିଦ୍ୟାଳୟ ର ପ୍ରଧାନ ଶିକ୍ଷକ ସୁଜିତ କୁମାର ଲୁହା। ଗୋଷ୍ଠୀ ଶିକ୍ଷା କାର୍ଯ୍ୟାଳୟ ର ଏହି ପ୍ରୟାସ  ପିତା ମାତା ତଥା ଅଭିଭାବକ ମହଲ ରେ ବହୁତ ଆଦୃତ ହେଉଅଛି। ପରୀକ୍ଷା ଶେଷ ପର୍ଯନ୍ତ ଏହି କାର୍ଯ୍ୟକ୍ରମ ଚାଲୁ ରହିବ ବୋଲି ଶ୍ରୀମତୀ ଭୋଇ ସୂଚନା ଦେଇଛନ୍ତି।