04-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ସୋହେଲା ସହର ସ୍ଥିତ ବାଳିକା ସରକାରୀ ଉଚ୍ଚ ବିଦ୍ୟାଳୟ ଠାରେ ଫାଇଟର୍ସ ଗୃପ ବରଗଡ଼ ପକ୍ଷରୁ ବିଶ୍ୱ କର୍କଟ ଦିବସ ପାଳନ ସମାଜସେବୀ ଅନିଲ ପଧାନ ଏବଂ ମହମ୍ମଦ ଗଜନବୀ ଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ହୋଇଯାଇଛି।ପ୍ରାରମ୍ଭେ ସୋହେଲା ବ୍ଲକର ବିଶ୍ୱବାଣୀ ସମ୍ବାଦପତ୍ରର ବରିଷ୍ଠ ସାମ୍ବାଦିକ ମହମ୍ମଦ ମନସୁର ଭୋପଲା ମୁଖ୍ୟ ଅତିଥି ଭାବେ ଯୋଗଦାନ କରି ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ଉଦଘାଟନ ପରେ ବିଭିନ୍ନ ଶିକ୍ଷାନୁଷ୍ଠାନ ଠାରୁ ଆରମ୍ଭ କରି ଜନସାଧାରଣଙ୍କୁ ନେଇ ଏକ ଜନସଚେତନତା ରେଲି ପ୍ରଦର୍ଶନ କରାଯାଇଥିଲା। ଏହି ରେଲି ସାରା ସହର ପରିକ୍ରମା କଲାପରେ ସ୍ଥାନୀୟ ଚେତନା ମଣ୍ଡପ ଠାରେ ଉଦଯାପିତ ହୋଇଥିଲା। ଏହି କାର୍ଯ୍ୟକ୍ରମରେ ଅତିଥି ଭାବେ ପୂର୍ବତନ ମନ୍ତ୍ରୀ ପ୍ରକାଶ ଚନ୍ଦ୍ର ଦେବତା,ପୂର୍ବତନ ମହାବିଦ୍ୟାଳୟର ଅଧ୍ୟକ୍ଷ ଟେକଚାନ୍ଦ ଦୁଆନ, ସ୍ଥାନୀୟ ଥାନା ଅଧିକାରୀ ପ୍ରମୁଖଙ୍କ ସମେତ ଅନେକ ମାନ୍ୟଗଣ୍ୟ ବ୍ୟକ୍ତିମାନେ ଯୋଗଦାନ କରି ବିଶ୍ୱକର୍କଟ ଦିବସ ପାଇଁ ବାହାରି ଥିବା ଜନସଚେତନତା କାର୍ଯ୍ୟକ୍ରମରେ ଯୋଗଦାନ କରି ଆୟୋଜକ ତଥା ଏହି କାର୍ଯ୍ୟକ୍ରମରେ ଭାଗନେଇ ଥିବା ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ।