09-Jan-2025

ବରପାଲି (ସୁଦାମ ଦୀପ) 
ବରପାଲି   ମହାବିଦ୍ୟାଳୟ ପରିସରରେ  ଅଧ୍ୟକ୍ଷା ଜୟନ୍ତୀ ଦାଶଙ୍କ ଅଧକ୍ଷତାରେ ମହିଳା ଆତ୍ମ ସୁରକ୍ଷା ତାଲିମ୍ ଶିବିର ଉଦ୍‌ଘାଟିତ ହୋଇଯାଇଛି।   ବୁଧବାର ପୁର୍ବାହ୍ନରେ ଶୁଭାରମ୍ଭ ହୋଇଥିବା ଶିବିର ଆଗାମୀ ଦଶ ଦିନ ପର୍ଯ୍ଯନ୍ତ ପରିଚାଳିତ ହେବ। ଯୁକ୍ତ ଦ୍ବିତୀୟ ବର୍ଷ ଛାତ୍ରୀମାନଙ୍କୁ ନେଇ ଆୟୋଜିତ ଶିବିରରେ ଆତ୍ମ ସୁରକ୍ଷାର ଆବଶ୍ୟକତା ଓ ଉଦ୍ଦେଶ୍ୟ ବିଷୟରେ ତାଲିମ ଦେବାର ବ୍ୟବସ୍ଥା ହୋଇଛି। ମାଷ୍ଟର ଟ୍ରେନର ରେଣୁକା ଗହୀର ପ୍ରଶିକ୍ଷଣ ଦେଇଥିଲେ l ପ୍ରୋଗ୍ରାମ କୋଅଡିନେଟର ଅଧ୍ୟାପିକା ଡ.ସମ୍ବିତା ପ୍ରଧାନଙ୍କ ତତ୍ବାବଧାନରେ କାର୍ଯ୍ଯକ୍ରମ ପରିଚାଳିତ ହୋଇଥିଲା। ଏହି ଅବସରରେ ଅତିଥିମାନେ ଆତ୍ମସୁରକ୍ଷା ଭିତ୍ତିକ ରଣକୌଶଳ ସହ ଭିନ୍ନଭିନ୍ନ ଶୈଳୀ ଉପରେ ବୁଝାଇଥିଲେ।  ପରେ ତାଲିମ କାର୍ଯ୍ୟକ୍ରମ ଆରମ୍ଭ ହୋଇଥିଲା। ଏହି ଅବସରରେ ବିଦ୍ୟାଳୟର ଅଧ୍ୟାପକ, ଅଧ୍ୟାପିକା ଓ କର୍ମଚାରୀମାନେ ପରିଚାଳନାରେ ସହଯୋଗ କରିଥିଲେ।