13-Nov-2024

ବରପାଲି(ସୁଦାମ ଦୀପ): ବରପାଲି ବ୍ଲକ ବ୍ଲକସ୍ତରୀୟ ବାଳ ବୈଜ୍ଞାନିକ ପ୍ରଦର୍ଶନୀ ଓ ରାଷ୍ଟ୍ରୀୟ  ଆବିଷ୍କାର ଅଭିଯାନ ବୁରୋମୁଣ୍ଡା ସରକାରୀ ଉଚ୍ଚପ୍ରାଥମିକ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। ମଙ୍ଗଳବାର ପୁର୍ବାହ୍ନରେ ବିଜେପୁର ବିଧାୟକ ସନତ ଗଡତିୟା ଆନୂଷ୍ଠାନିକ ଭାବେ କାର୍ଯ୍ୟକ୍ରମକୁ ଉଦଘାଟନ କରିଥିଲେ। ସମ୍ମାନିତ ଅତିଥି ଭାବରେ ଜିଲ୍ଲା ଶିକ୍ଷା ଅଧିକାରୀ ରାଧାକାନ୍ତ ଛତ୍ରି, ଡିଏସଏସ ଧିରୋଜ ପଟ୍ଟନାୟକ, ବୁରୋମୁଣ୍ଡା 

ବିଦ୍ୟାଳୟର ପ୍ରଧାନ ଶିକ୍ଷକ ମୁରାରଜୀ ଭୋଇ ପ୍ରମୁଖ ଯୋଗ ଦେଇଥିଲେ। ଗୋଷ୍ଠୀ ଶିକ୍ଷାଧିକାରୀ ମକୁନ୍ଦ ମାହାରଙ୍କ ଅଧ୍ୟକ୍ଷତାରେ ଶିକ୍ଷକ ସୋହନ ପ୍ରଧାନ କାର୍ଯ୍ଯକ୍ରମ ପରିଚାଳନା କରିଥିଲେ। ଆୟୋଜିତ ପ୍ରଦର୍ଶନୀରେ ବିଭିନ୍ନ ସ୍କୁଲର ୧୪୦ଟି ପ୍ରକଳ୍ପ ସ୍ଥାନ ପାଇଥିବା ବେଳେ ରାଷ୍ଟ୍ରୀୟ ଆବିଷ୍କାର 

ଅଭିଯାନ ବିଭାଗରେ ୨୭ଟି ଉଚ୍ଚମାନର ପ୍ରକଳ୍ପ ଛାତ୍ରଛାତ୍ରୀ ମାନଙ୍କ ଦ୍ଵାରା ପ୍ରଦର୍ଶିତ ହୋଇଥିଲା। ଉଦଯାପନୀ ସଭାରେ ମୁଖ୍ୟ ଅତିଥି ଭାବରେ ବରଗଡ଼ ସାଂସଦ ପ୍ରଦୀପ ପୁରୋହିତ ଯୋଗଦାନ କରିଥିଲେ। ସମ୍ମାନିତ ଅତିଥି ରୂପେ ନିମେଇ ପ୍ରଧାନ, ନାରାୟଣ ଭୁଏ ଓ ପାଟକୁଲୁଣ୍ଡା ସରପଞ୍ଚ ପ୍ରେମରାଜ ତାଣ୍ଡି ଯୋଗଦାନ କରିଥିଲେ। ଏହି ଅବସରରେ କୃତୀ ଶିଶୁ ବୈଜ୍ଞାନିକମାନଙ୍କୁ ପୁରସ୍କୃତ  କରାଯାଇଥିଲା l