06-Nov-2024

ବଲାଙ୍ଗିର(ପ୍ରେରଣା ଖବର): ଓଡିଶା ରାଜ୍ୟ ଆଇନ ସେବା ପ୍ରାଧିକରଣଙ୍କ ନିର୍ଦ୍ଦେଶ ଅନୁସାରେ ଏବଂ ଅଧକ୍ଷ ଜିଲ୍ଲା ଆଇନ ସେବା ପ୍ରାଧିକରଣ ବଲାଙ୍ଗିର, ଡକ୍ତର ପବିତ୍ର ମୋହନ ସାମଲଙ୍କ ଅନୁମତିରେ ଆଜି  ଝଙ୍କରପାଲି ଗ୍ରାମପଂଚାୟତ ଠାରେ ଅଧାରୁ ପାଠ ଛାଡିଥିବା ଛାତ୍ରଛାତ୍ରୀ ମାନଙ୍କର ବିଦ୍ୟାଳୟରେ ପୁନର୍ବାର ତାଲିକାଭୁକ୍ତ ହେବା ସଂପର୍କିତ ଆଇନ ସଚେତନତା ଶିବିର ଅନୁଷ୍ଠିତ ହୋଇଛି । ଉକ୍ତ ଆଇନ ସଚେତନତା ଶିବିରରେ ଜିଲ୍ଲା ଆଇନ ସେବା ପ୍ରାଧିକରଣ ସଚିବ ପବିତ୍ରାନନ୍ଦ ପ୍ରଧାନ, ଜିଲ୍ଲା ଅତିରିକ୍ତ ବ୍ଳକ ବିକାଶ ଅଧିକାରୀ ରାମଦତ୍ତ ଭୋଇ, ବଲାଙ୍ଗିର ବ୍ଳକ ଉପାଧ୍ୟକ୍ଷ ପୁଷ୍ପାଞ୍ଜଳି ହୋତା, ଗ୍ରାମ ପଂଚାୟତ କାର୍ଯ୍ୟନିର୍ବାହୀ ଅଧିକାରୀ ମହେଶ୍ଵର ପ୍ରଧାନ, ସରଫଚ ଶ୍ରୀମତୀ ବୃନ୍ଦାବତୀ ବେହେରା, ପଂଚାୟତ କାର୍ଯ୍ୟନିର୍ବାହୀ ଅଧିକାରୀ ବିଶ୍ଵମ୍ବର ଭୋଇ, ଶିଶୁ କଲ୍ୟାଣ କମିଟି ମେମ୍ବର ଏସ୍ ଲତାଶ୍ରୀ, ଜିଲ୍ଲା ଶିଶୁ ଶୁରକ୍ଷା ପରାମର୍ଶଦାତ୍ରୀ (ଏନଜିଓ) ସନ୍ଧ୍ୟାରାଣୀ ପତି ପ୍ରମୁଖ ଯୋଗଦାନ କରିବା ସହିତ ଉପସ୍ଥିତ ଅଂଚଳବାସୀ

ମାନଙ୍କୁ ଅଧାରୁ ପାଠ ଛାଡୁଥିବା ଛାତ୍ରଛାତ୍ରୀ ମାନେ ପୁନର୍ବାର କିପରି ତାଲିକାଭୁକ୍ତ ହେବା ସହିତ ପାଠ ପ୍ରତି ସେମାନଙ୍କର କିପରି ଆଗ୍ରହ ସୃଷ୍ଟି ହୋଇପାରିବ ସେ ସମ୍ବନ୍ଧରେ ସଚେତନ କରିଥିଲେ । ଏହି କାର୍ଯକ୍ରମରେ ନାଲସାର  ଥିମ ଗୀତ ପରିବେଷଣ ସହିତ ନାଲସା ଦେୟ ମୁକ୍ତ ନଂ-୧୫୧୦୦ ର ପ୍ରଚାରପ୍ରସାର କରାଯାଇଥିଲା । ଏହି କାର୍ଯକ୍ରମରେ ପାରା ଲିଗାଲ ଭଲ୍ୟୁନିଟର ଲକ୍ଷ୍ମଣ ମହାକୁର ଓ ପଂଚାୟତର ଅନ୍ୟ ସଦସ୍ୟବୃନ୍ଦ ସହଯୋଗ କରିଥିଲେ ।