16-Sep-2024

ବରଗଡ଼/ରେଙ୍ଗାଲିକ୍ୟାମ୍ପ(ପ୍ରେରଣା ଖବର): ନଟ ଜାନି।ବୟସ  ୪୦  ବର୍ଷ ।ଅତାବିରା ବ୍ଲକ  ଟାଙ୍ଗରପାଲି ପଞ୍ଚାୟତ ଅନ୍ତର୍ଗତ ଆମଝର ରେ ତାଙ୍କର ଘର ।  ଘର ର ଆର୍ଥିକ ଅସୁବିଧା ହେତୁ ନଟ ଅଦୌ  ପାଠ ପଢି ପାରି ନଥିଲେ ।  କିନ୍ତୁ ପୁଅ ଝିଅଙ୍କୁ ପାଠ ପଢ଼ାଇ ଶିକ୍ଷିତ କରିବେ ବୋଲି ତାଙ୍କର ବଡ  ସପ୍ନ ଥିଲା । ହେଲେ  ଦଇବ ତାଙ୍କ  ଭାଗ୍ୟରେ  ଏତେ ଦୁଃଖ ଲେଖି ରଖିଛି ତାଙ୍କୁ ଜଣା ନଥିଲା ।ତାଙ୍କର  ଡାହାଣ ଗୋଡ଼ ର ରକ୍ତ ନଳୀ କ୍ରମେ ସୁଖିଯାଇ ରକ୍ତ ସଞ୍ଚାଳନ  ଆଉ ଗୋଡ଼ରେ ହୋଇ ପାରିଲା ନାହିଁ । ଗୋଡ଼ରେ ଯନ୍ତ୍ରଣା ହୋଇ ଆଉ ସେ ଚଲାବୁଲା  କରିପାରିଲେ ନାହିଁ । ବୁର୍ଲା କୁ ତାଙ୍କର ଚିକିତ୍ସା  ପାଇଁ ନିଆଯାଇଥିଲା । ସେଠାରେ ଡାକ୍ତର ଅପରେସନ କଲେ ଭଳ ହେବ ବୋଲି କହିଥିଲେ ।କିନ୍ତୁ ଅପରେସନ ପାଇଁ ତାଙ୍କ ପାଖରେ  ଟଙ୍କାଟିଏ ବି ନଥିଲା ।ତେଣୁ ପତ୍ନୀ   ଅନ୍ୟ ଉପାୟ ନ ପାଇ  ରାସନ୍ କାର୍ଡ କୁ ୫୦୦୦ ଟଙ୍କା ରେ ବନ୍ଧା ପକାଇ  ସ୍ବାମୀଙ୍କର ଅପରେସନ କରାଇଥିଲେ । ବୁର୍ଲା ସରକାରୀ ଡାକ୍ତରଖାନାରେ ମାଗଣାରେ ଚିକିତ୍ସା କରାଯାଉଥିବା କଥା କୁହାଯାଉଛି, କିନ୍ତୁ ନଟ  ଙ୍କ ଅପରେସନ ପାଇଁ ପଇସା ନେବା ସହ ତାଙ୍କୁ ଅନେକ ହଇରାଣ ହରକତ ବି କରାଯାଇଥିବା   କହନ୍ତି ନଟ ଙ୍କର୍ ସ୍ତ୍ରୀ। କିନ୍ତୁ  ବିଡମ୍ବନା ଯେ ଏହି ଅପରେସନ ପରେ ମଧ୍ୟ ନଟ ଙ୍କ ଗୋଡ଼ ଭଳ ହୋଇ ନଥିଲା । ତାଙ୍କ ପାଦ ଗଣ୍ଠି ଫୁଲି ଯାଇ ସେଥିରୁ  ପାଣି ବାହାରୁଛି । ଚାଲି ପାରୁ ନାହାନ୍ତି। ଦୀର୍ଘ ଆଠ ବର୍ଷ ହେଲା ସେ  ଶଯ୍ୟାଶାୟୀ  ଅଛନ୍ତି। କୁଆଡେ କାମଧନ୍ଦା କରିବାକୁ ଯାଇ ପାରୁ ନାହାଁନ୍ତି ।  ପରିବାର ଚଳାଇବା  ପାଇଁ ସେ ଏବେ ଅସମର୍ଥ । ନଟ ଙ୍କ  ପୁଅ ହେମନ୍ତ  ସମ୍ବଲପୁର ଜିଲ୍ଲାୁ  ର ବୈଜା ମୁଣ୍ଡା  ସେବାଶ୍ରମ ସ୍କୁଲ୍ ରେ ହଷ୍ଟେଲ ରେ ରହି ଅଷ୍ଟମ ଶ୍ରେଣୀ ପଡୁଛି ଓ ଝିଅ  ମୁକ୍ତା ଗାଁ ସ୍କୁଲ୍ ରେ ଚତୁର୍ଥ ଶ୍ରେଣୀ ରେ ପଢେ ।ପୁଅ ଝିଅଙ୍କ ଖର୍ଚ୍ଚ ସହ ପରିବାର  ଚଳାଇବା ପାଇଁ  ନଟ ଙ୍କ  ଆର୍ଥିକ  ସ୍ଥିତି ପ୍ରତିକୂଳ ହୋଇପାରିଲା ନାହିଁ ।କାରଣ  ଘର ଖଣ୍ଡିକ ଛଡା ସମ୍ପତ୍ତି ବୋଲି କିଛି ନାହିଁ । ବର୍ତ୍ତମାନ ଘର ଖଣ୍ଡିକ ମଧ୍ୟ ପାଳଟଣl ଅବସ୍ଥାରେ । ଏହି ଘର ଖଣ୍ଡିକ ନଟ ଙ୍କ ସ୍ତ୍ରୀ ନାମରେ  ଇନ୍ଦିରା ଆବାସ ରେ  ଆସିଥିଲା ୧୨ ବର୍ଷ ପୂର୍ବରୁ । ତତ୍କାଳୀନ ବ୍ଲକ ଅଧ୍ୟକ୍ଷା ଙ୍କ ସ୍ବାମୀ ନିଜେ  ୧ ଲକ୍ଷ ୨୦ ହଜାର ଟଙ୍କାର ବ୍ୟୟ ଅଟକଳ ମୂଲ୍ୟରେ   ନିର୍ମାଣ କରିଥିଲେ ।କିନ୍ତୁ  ତାହା ମଧ୍ୟ ଅସମ୍ପୂର୍ଣ୍ଣ  ହୋଇ ପଡ଼ିଛି ।ଘର ପ୍ଲାଷ୍ଟର ହୋଇନି କି ଝରକା କବାଟ ବି  ଲାଗିନି। ନାମକୁ ମାତ୍ର ଇନ୍ଦିରା ଆବାସ ।ଏବେ ଏହାର ଛାତରୁ ମଧ୍ୟ ପାଣି ଝରୁଛି । ବିନା କବାଟ ଝରକା  ରେ ପାଳ ଟାଣି ରହୁଛନ୍ତି ପରିବାର । କିନ୍ତୁ ଅଟକଳ ମୂଲ୍ୟର ସବୁ ଟଙ୍କା ଉଠାସରିଛି ବୋଲି ଦୃଢୋକ୍ତୀ ପ୍ରକାଶ କରିଛନ୍ତି ନଟ ଙ୍କ ସ୍ତ୍ରୀ ।
ପରିତlପ୍ ର ବିଷୟ ଯେ ଏମିତି ଗରିବ  ପରିବାର  ଙ୍କ ଗୃହ ନିର୍ମାଣ ରେ ମଧ୍ୟ ବାଟ ମାରଣା   କରାଯାଉଛି।ଏମିତି ପରିସ୍ଥିତି ରେ  ନଟ ଙ୍କ ସ୍ତ୍ରୀ ପଦାକୁ ଗୋଡ଼  କାଢିବା ପାଇଁ ବାଧ୍ୟ ହୋଇଛନ୍ତି । କୁଲି ମଜୁରୀ କରି ଦିନକୁ  ଦେଢ଼ ସହ ରୁ ଦୁଇ ଶହ ଟଙ୍କା ରୋଜଗାର କରି ପରିବାର ଚଳାଉଛନ୍ତି । ନଟ ଙ୍କ ବାପା  ୫ ବର୍ଷ ହେଲା ଆରପାରିରେ ।୬୫ ବର୍ଷିଆ  ମାଁ  ପୁଅର

ଶଯ୍ୟାଶାୟୀ ହେବl ଦେଖି ମାନସିକ ସ୍ତରରେ  ଭାଙ୍ଗି ପଡିଛନ୍ତି । ପରିବାର ର ଅର୍ଥ ଚିନ୍ତା ସାଙ୍ଗକୁ  ବୃଦ୍ଧା ଶାଶୁ ଓ   ଶଯ୍ୟାଶାୟୀ ସ୍ବାମୀ  ଙ୍କ ସେବା ଯତ୍ନ   ଓ ପୁଅଝିଅଙ୍କୁ ମଣିଷ କରିବା ଚିନ୍ତା ।ଯାହା ଶ୍ରମ କରି ଦୁଇ ପଇସା  ରୋଜଗାର କରନ୍ତି ସେଥିରେ  ବି ପରିବାର ଚଳିବା କଷ୍ଟକର ହୋଇପଡେ। ଏମିତି ପରିସ୍ଥିତିରେ  ପରିବାର ରହୁଥିବା ଦେଖି  ଗ୍ରାମର ଅଙ୍ଗନୱାଡି  ପକ୍ଷରୁ ୨ ବର୍ଷ ପୂର୍ବେ  ତାଙ୍କୁ ଏକ ପ୍ଲାଷ୍ଟିକ  ଡାଲିଆ ଦେଇଥିଲେ । ନଟଙ୍କର ଗୋଡ଼ ହାତ ଧୋଇବା ରେ କାମରେ ଲଗାଇବା ପାଇଁ । ଏମିତି ଦୁଃଖ ଦୁର୍ଦ୍ଦଶାରେ  ପରିବାର ରହୁଥିଲେ ମଧ୍ୟ କିଛି ସରକାରୀ ସହାୟତା ଏମାନଙ୍କୁ ମିଳିନାହିଁ । ଗରିବ ମାନଙ୍କ ପାଇଁ ସରକାରଙ୍କ ମାଳ ମାଳ ଯୋଜନା , ହେଲେ  ଯୋଗ୍ୟ ହିତାଧିକାରୀ ଙ୍କ ପାଇଁ ସବୁ  ସପ୍ନ  ହୋଇ ରହି ଯାଉଛି ।  ଦାରିଦ୍ର୍ୟତାର ଏହି  ବିକଳ ଦୃଶ୍ୟ ଆଜି ମଧ୍ୟ ଗାଁ ମାନଙ୍କରେ  ଦେଖିବାକୁ  ମିଳୁଛି। ଏମାନଙ୍କୁ ଦେଖିଲେ ଦେଶ ତଥା ରାଜ୍ୟର ବିକାଶ କଥା  କେତେଦୂର ସତ୍ୟ ତାହା କେହି ବି ଅନୁମାନ କରିପାରିବ ।ତେବେ ଦେଖାଯାଉ ଆଉ କେତେଦିନ ପରେ ସରକାରଙ୍କ ସହାୟତା ର ହାତ ପହଞ୍ଚୁଛି ନଟ ଙ୍କ ପାଖରେ ? କେବେ  ସରୁଛି  ନଟ ଙ୍କ ଜୀବନ ସଂଗ୍ରାମ  ର ନାଟକ?