02-Aug-2024

କଣ୍ଟାମାଳ(ଜୟ କୁମାରମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଏକ ଅନୁନ୍ନତ ଅଞ୍ଚଳ  l ଏଠି ନା କଳକାରଖାନା ଅଛି, ନା ଖଣିଖାଦାନ ଅଛି,ନା ଶିଳ୍ପର ସୁବିଧା ଅଛି  l  ଅଂଚଳର ଲୋକେ କାମ ନପାଇ ଦାଦନ ଖଟିବାକୁ ବାହାର ରାଜ୍ୟକୁ ଯାଉଛନ୍ତି  l  ଚିରସ୍ରୋତା ଖଡ଼ଙ୍ଗ ନଦୀ,ନାଳ ଗୁଡିକରେ ଜଳର ପର୍ଯ୍ୟାପ୍ତ ସୁବିଧା ରହିଛି  l  ହେଲେ ଏହାର ତଟବର୍ତ୍ତୀ ଅଂଚଳର ଚାଷ ଜମିକୁ ଜଳ ମିଳିପାରୁନାହିଁ  l  ସେଥିପାଇଁ ଚାଷୀ ବାରମ୍ବାର ମରୁଡିର ସମ୍ମୁଖୀନ ହେଉଛି l  ଏଥିପ୍ରତି ଗତ ସରକାର ଜଳସେଚନ ପାଇଁ ସେଭଳି କିଛି ବ୍ୟବସ୍ଥା କରିନାହାନ୍ତି  l ଚାଷ ଜମିକୁ ଜଳସେଚନର ସୁବିଧା ପାଇଁ ଖଡ଼ଙ୍ଗ ନଦୀର ସାଡେଙ୍ଗ ଠାରେ ନୂତନ ବ୍ୟାରେଜ ନିର୍ମାଣ କରାଯାଉ  l  ଏହାଦ୍ୱାରା ଅଂଚଳର ଚାଷୀମାନଙ୍କ ଚାଷ ଜମିକୁ ଜଳସେଚନର ସୁବିଧା ହୋଇପାରିବ  l  ଏଥିସହ ପ୍ରଧାନମନ୍ତ୍ରୀଙ୍କ ମହତ୍ୱକାଂକ୍ଷୀ ହରଘର ଯୋଜନାରେ ସମସ୍ତଙ୍କ ଘରକୁ ପାନୀୟ ଜଳ ଯୋଗାଣର ବ୍ୟବସ୍ଥା କରିବାକୁ ବିଧାନସଭା ରେ ଦାବି ଉପସ୍ଥାପନ କରିଛନ୍ତି କଣ୍ଟାମାଳ ବିଧାୟକ କହ୍ନାଇ ଚରଣ ଡାଙ୍ଗ  l