01-Aug-2024

ହରଭଙ୍ଗା(ଦେବବ୍ରତ ଦାଶଙ୍କ ରିପୋର୍ଟ):-ମାନସିକ ରୋଗୀଙ୍କୁ ସମ୍ପୂର୍ଣ୍ଣ ସୁସ୍ଥ ତଥା ସମାଜର ମୁଖ୍ୟ ସ୍ରୋତରେ ସାମିଲ କରିବାକୁ ବ୍ଲକ ପ୍ରଶାସନ ଓ ୱାସିଡ଼ିଏ ସ୍ବେଚ୍ଛାସେବୀ ସଂସ୍ଥା ପକ୍ଷରୁ ଏକ ଶିବିର ଅନୁଷ୍ଠିତ ହୋଇଯାଇଛି । ୱାସିଡ଼ିଏ ବାଉଁଶୁଣି ଓ ବିଏନଏ ମାଙ୍ଗାଲୋର ର ମିଳିତ ଉଦ୍ୟମରେ  ମାନସିକ ଅସୁସ୍ଥତା ବ୍ୟକ୍ତି ମାନଙ୍କ ପାଇଁ ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ମିଶନ ଶକ୍ତି ସଭା ଗୃହରେ ଏହି ଶିବିର ଅନୁଷ୍ଠିତ ହୋଇଯାଇଛି।  ହରଭଙ୍ଗା ବିଡ଼ିଓ ଶରତ ଚନ୍ଦ୍ର ସେଠିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶିବିରରେ ଡାକ୍ତର ରଜତ ମହାନନ୍ଦିଆ ସମେତ ବ୍ଲକ ପ୍ରାଣୀ ଚିକିତ୍ସକ, ବ୍ୟାଙ୍କ ମିତ୍ର, ସ୍ୱୟଂ ସହାୟକ

ଦଳର ନେତ୍ରୀ ପ୍ରମୁଖ ସାମିଲ ହୋଇଥିଲେ।   ବ୍ଲକ୍ ରେ ଥିବା ମାନସିକ ଅସୁସ୍ଥତା ବ୍ୟକ୍ତି ମାନଙ୍କ ସ୍ଥିତି ବିଷୟରେ ଆଲୋଚନା କରିବା ସହ କିଭଳି ଆଗାମୀ ଦିନରେ ୱାସିଡ଼ିଏ ଓ 

ବିଏନଆଇ ର ସହଯୋଗରେ ମାନସିକ ଅସୁସ୍ଥତା ବ୍ୟକ୍ତି ମାନେ ସମସ୍ତ ସୁବିଧା ସୁଯୋଗ ପାଇ ପାରିବେ ତତ୍ ସମ୍ବନ୍ଧୀୟ ଆଲୋଚନା କରିବା ସହ ଉପସ୍ଥିତ ବିଭାଗୀୟ ଅଧିକାରୀ ନିଜର ମତାମତ ରଖିଥିଲେ । ଶିବିରକୁ କର୍ମୀ ଙ୍କ ତତ୍ତ୍ଵାବଧାନରେ ରେ ଅନୁଷ୍ଠିତ ୱାସିଡ଼ିଏ ର  ହରଭଙ୍ଗା ବ୍ଲକ୍ ର ସଂଯୋଜକ ଗିରିଶ ମେହେର ପରିଚାଳନା କରିଥିବା ବେଳେ ତୋଫାନ ପରିଡ଼ା, ସୁପ୍ରିତି ଦେହୁରୀ, ପୂର୍ଣ୍ଣିମା ରାୟ ପ୍ରମୂଖ ସହଯୋଗ କରିଥିଲେ