-+91-9937148622 |
prerana_bgr@rediffmail.com |
Monday 10th February 2025 |
R.N.I. Regd No. ODIODI/2010/46693
Breaking News
23-Jun-2024
ସିନ୍ଧେକେଲା(ଦୀନେଶ ଜୈନ ): ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱ ବିଦ୍ୟାଳୟ ସିନ୍ଧେକେଲା ଉପକେନ୍ଦ୍ର ପକ୍ଷରୁ ସ୍ଥାନୀୟ ଦ୍ୱାରସେହ୍ନି ମନ୍ଦିର ନିକଟ ଗ୍ରାମୀଣ ପାର୍କ ନିକଟରେ ଅନ୍ତରରାଷ୍ଟ୍ରୀୟ ଯୋଗ ଦିବସ ପାଳନ କରାଯାଇଛି । ସିନ୍ଧେକେଲା ଉପକେନ୍ଦ୍ର ନିର୍ଦ୍ଦେଶିକ ରାଜ ଯୋଗିନୀ ମନୀଷା ବହନ ଙ୍କ ନେତୃତ୍ବରେ ଆୟୋଜିତ କାର୍ଯ୍ୟକ୍ରମରେ ଉପକେନ୍ଦ୍ର ର ସମସ୍ତ ଭାଇ ଭଉଣୀ ସମେତ ଗ୍ରାମର ଦୟା ସାହୁ , ସୂର୍ଯ୍ୟକାନ୍ତି ସାହୁ ସମେତ ଅନେକ ଗଣମାନ୍ୟ ମହିଳା ଓ ପୁରୁଷ ସାମିଲ ହୋଇଥିଲେ । ମୁଖ୍ୟ ଅତିଥି ଭାବରେ ଟିଟିଲାଗଡ଼ ଅଞ୍ଚଳର ଯୋଗ ଶିକ୍ଷକ ଲକ୍ଷ୍ମୀକାନ୍ତ ପଗଡିୟା ଯୋଗଦେଇ ଯୋଗାସନ , ପ୍ରାଣାୟାମ ଓ ଧ୍ୟାନର ଅଭ୍ୟାସ
କରାଇଥିଲେ । ଏହି ଅବସରରେ ବ୍ରହ୍ମାକୁମାରୀ ମନୀଷା ଭଉଣୀ ନିଜର ବକ୍ତବ୍ୟରେ କହିଥିଲେ ଯେ ଶାରୀରିକ ବ୍ୟାୟାମ ଏବଂ ପ୍ରାଣାୟାମ ଆମର ଶରୀରକୁ ଅନେକ ରୋଗରୁ ମୁକ୍ତ କରିଥାଏ । କିନ୍ତୁ ଆମେ ଦୈନନ୍ଦିନ ଜୀବନରେ ରାଜଯୋଗ କୁ ସାମିଲ କରିବା ତାହେଲେ ତାହା ଆମର ମନ ସାଙ୍ଗେସାଙ୍ଗେ ଶାରୀରିକ ଆର୍ଥିକ ବୌଦ୍ଧିକ ଓ ସାମାଜିକ ବିକାଶ କରିବାରେ ସଫଳ ହେବ । ଏହି ଯୋଗ ଯାହାକି
ଗୀତାରେ ବର୍ଣ୍ଣିତ ରାଜଯୋଗ ଅଟେ ଯାହା ପରମାତ୍ମା ଦ୍ୱାରା ଶିଖା ଯାଇଛି । ଏହି ଯୋଗରେ ଆତ୍ମାର ପରମାତ୍ମା ସହିତ କନେକ୍ସନ ଥିବାରୁ ମନ ଓ ତନ ସ୍ଵସ୍ଥ ରହିଥାଏ । ଏହାର ପ୍ରଭାବ ଆମର ଆଖପାଖର ଲୋକଙ୍କ ଉପରେ ବାତାବରଣ ଉପରେ ପରିବାର ଉପରେ ଓ ସମାଜ ଉପରେ ପଡିଥାଏ । ଏହି ଯୋଗ ବ୍ରହ୍ମାକୁମାରୀ ସଂସ୍ଥା ଦ୍ୱାରା ନିଶୁଳ୍କ ଶିଖା ଯାଏ ବୋଲି ସେ କହିଥିଲେ । ଶେଷରେ ବ୍ରହ୍ମାକୁମାରୀ ଯମୁନା ଭଉଣୀ ଧନ୍ୟବାଦ ଜ୍ଞାପନ କରିଥିଲେ ।