-+91-9937148622 |
prerana_bgr@rediffmail.com |
Sunday 5th May 2024 |
R.N.I. Regd No. ODIODI/2010/46693
Breaking News
25-Apr-2024
ବଲାଙ୍ଗୀର,ବଲାଙ୍ଗୀର ଜିଲ୍ଲା ଟିଟିଲାଗଡ ନିର୍ବାଚନମଣ୍ଡଳିରେ ରାଜନୈତିକ ଉଷ୍ମତା ବଢୁଛି । ଶାସକ ବିଜେଡିଦଳରୁ ମନ୍ତ୍ରୀ ଟୁକୁନୀ ସାହୁ ଓ ବିଜେପିପ୍ରାର୍ଥି ନବୀନ ଜୈନଙ୍କ ମଧ୍ୟରେ ତିକ୍ତତା ଧିରେ ଧିରେ ବଢିବାରେ ଲାଗିଛି । ନିର୍ବାଚନକମିଶନଙ୍କ ନିର୍ଦ୍ଦେଶକୁ ଉଲଂଘନ କରି ବିଜେଡିଦଳ ବେଆଇନ ଭାବରେ ଟିଟିଲାଗଡ ସହରର ବିଭିନ୍ନ ସ୍ଥାନରେ ହୋଡିଂ ଲଗାଇଥିଲେ । ଏହାକୁ ବିରୋଧ କରି ଭାଜପା ପକ୍ଷରୁ ଜିଲ୍ଲାପାଳଙ୍କ ପାଖରେ ଅଭିଯୋଗ କରାଯାଇଥିଲା । ଫଳରେ ଆଜି ଶାସକ ବିଜେଡିଦଳକୁ ଫାଇନ ଦେବାକୁ ପଡିଛି । ଠିକ ସେହିପରି ଶାସକଦଳର ଗୁଣ୍ଡାମାନେ ଲୋକଙ୍କୁ ଭୟଭିତ କରୁଥିବା ଅଭିଯୋଗ ହୋଇଛି । ବୁଧବାର ଦିନ ଭାଜପାର ଏକ ବୈଠକସାରି ଫେରୁଥିବା ବେଳେ ଟିଟିଲାଗଡ ବ୍ୟାଙ୍କଛକଠାରେ ଗୁଡଭେଲା ବ୍ଲକର ଭାଜପାନେତା ଅଶୋକ ଦୋରା ଓ ଟୁକୁରାମ ପାଣିଗ୍ରାହୀଙ୍କୁ ଶାସକଦଳର ଗୁଣ୍ଡାମାନେ ଅଶ୍ଲିଳଭାଷାରେ ଗାଳିଗଲଜ ସହ ହତ୍ୟାଧମକ ଦେଇଥିବା ଅଭିଯୋଗ ହୋଇଛି । ଫଳରେ ଶାସକ ଦଳ ନିର୍ବାଚନ ଆଚରଣବିଧିର ଉଲଂଘନ କରି ଲୋକଙ୍କୁ ଭୟଭିତ କରି ମାନସିକ ନିର୍ଯ୍ୟାତନା ଦେଉଥିବା ଅଭିଯୋଗ କରି ଟିଟିଲାଗଡର ଭାଜପାପ୍ରାର୍ଥି ନବୀଣ ଜୈନ ରାଜ୍ୟ ନିର୍ବାଚନ କମିଶନଙ୍କ ପାଖରେ ଅଭିଯୋଗ ଦାଖଲ କରିଥିବା ସୂଚନା ମିଳିଛି । ଟିଟିଲାଗଡ ନିର୍ବାଚନମଣ୍ଡଳିରେ ଲୋକମାନେ ପରିବର୍ତ୍ତନ ଚାହୁଁଛନ୍ତି ଓ ଭାଜପାର ଲୋକପ୍ରୀୟତା ବଢୁଥିବା କାରଣରୁ ଶାସକଦଳ ହାରିବା ଭୟରେ ଗୁଣ୍ଡା ଲଗାଇ ଭୟଭିତ କରିବାକୁ ଚେଷ୍ଟା କରୁଛି ବୋଲି ନବୀନ ଜୈନ କହିଛନ୍ତି । ପ୍ରକାଶ୍ୟ ଯେ,ଗତକାଲିର ଏହି ଘଟଣାର ଏକ ଭିଡିଓ ମଧ୍ୟ ସାମାଜିକ ଗଣମାଧ୍ୟମରେ ଭାଇରାଲ ହେଉଛି । ସେଥିରେ ମନ୍ତ୍ରୀଙ୍କ ପାଖଲୋକ ବୋଲାଉଥିବା ଜଣେ ଯୁବକ ଅଶୋକ ଦୋରାଙ୍କୁ ଦୁର୍ବ୍ୟବହାର କରୁଥିବା ଦେଖାଯାଇଛି ।