04-May-2024

ବଲାଙ୍ଗିର: ବଲାଙ୍ଗୀରର ବହୁଚର୍ଚ୍ଚିତ ବଲ୍ଲୁଭାଇ(ବଳରାମ ସିଂଯାଦବ) ବଲାଙ୍ଗୀର ଲୋକସଭାନିର୍ବାଚନମଣ୍ଡଳିର ସ୍ୱାଧିନପ୍ରାର୍ଥି ଭାବରେ ତାଙ୍କର ନାମାଙ୍କନପତ୍ର ଦାଖଲ କରିଛନ୍ତି । ସେ ବହୁବର୍ଷ ହେଲା ବିଜେପିଦଳରେ ରହିଅସସିଛନ୍ତି । ଚଳିତଥର ସେ ଭାଜପାଦଳରୁ ଲୋକସଭା ପ୍ରାର୍ଥି ହେବାକୁ ଆବେଦନ କରିଥିଲେ । କିନ୍ତୁ ଭାଜପାଦଳ ସାଂସଦ ଥିବା ସଂଗୀତାକୁମାରୀ ସିଂଦେଓଙ୍କୁ ଦଳୀୟଟିକେଟ ଦେଇଛି । ଫଳରେ ବଳରାମ ତାଙ୍କ ସମର୍ଥକମାନଙ୍କ ନିସ୍ପତ୍ତିକ୍ରମେ ସ୍ୱାଧିନପ୍ରାର୍ଥି ଭାବରେ ତାଙ୍କର ନାମାଙ୍କନପତ୍ର ଦାଖଲ କରିଛନ୍ତି । ସେ ଗତ ୧ ତାରିଖରେ ତାଙ୍କର ନାମାଙ୍କନପତ୍ର ଦାଖଲ କରିଥିବା ବେଳେ ୨ତାରିଖରେ ଏକ ବିଶାଳ ଶୋଭାଯାତ୍ରା କରି ତାଙ୍କର ଶକ୍ତିପ୍ରଦର୍ଶନ କରିଛନ୍ତି । ପ୍ରାୟ ୭ହଜାରରୁ ଅଧିକ ସମର୍ଥକଙ୍କୁ ନେଇ ବଲାଙ୍ଗୀର ସହରରେ ଏକ ଶୋଭାଯାତ୍ରା କରି ଶକ୍ତିପ୍ରଦର୍ଶନ କରିଛନ୍ତି । ଏହି ଅବସରରେ ସେ କହିଛନ୍ତି ଯେ,ଦେଶରେ ମୋଦୀ ଲହର ଚାଲିଥିବା ବେଳେ ବଲାଙ୍ଗୀର ଲୋକସଭା କ୍ଷେତ୍ରରେ ସଂଗୀତାବିରୋଧି ହାୱା ବହୁଛି । ସାଂସଦ ଥିବା ସଂଗୀତାକୁମାରୀ ସିଂଦେଓ ଦଳରେ ମନମାନୀ ଚଳାଇଥିବା ଓ ଅଞ୍ଚଳରେ କୌଣସି ବିକାଶକାମ କରାଇନଥିବାରୁ ତାଙ୍କ ବିରୁଦ୍ଧରେ ଜନଅସନ୍ତୋଷ ରହିଛି । ସେହି କାରଣରୁ ଭାଜପାର ଅନେକ କାର୍ଯ୍ୟକର୍ତ୍ତା ସଂଗୀତାଙ୍କୁ ଦଳୀୟଟିକେଟ ନଦେବାକୁ ଦଳୀୟ ହାଇକମାଣ୍ଡଙ୍କୁ ପତ୍ରଲେଖିଥିଲେ । କିନ୍ତୁ ତଥାପି କୌଣସି ପ୍ରକାରେ ଟିକେଟ ହାତେଇବାରେ ସଂଗୀତା ସଫଳ ହୋଇଛନ୍ତି । କିନ୍ତୁ ଦଳୀୟ କାର୍ଯ୍ୟକର୍ତ୍ତାମାନଙ୍କ ନିସ୍ପତ୍ତି ଅନୁଯାୟୀ ତଥା କାର୍ଯ୍ୟକର୍ତ୍ତାଙ୍କ ସ୍ୱାଭିମାନକୁ ନେଇ ବଳରାମ ସ୍ୱାଧିନପ୍ରାର୍ଥି ଭାବରେ ଲଢୁଛନ୍ତି ବୋଲି କହିଛନ୍ତି । ବଲାଙ୍ଗୀରର ୧୪ଟି ଗୋଟି ବ୍ଲକଅଞ୍ଚଳ ଓ ସୋନପୁର ଜିଲ୍ଲାର ୬ଗୋଟି ବ୍ଲକଅଞ୍ଚଳରୁ ୩୮୨ଟି ବୋଲେରୋ,୨୯ମାକ୍ସପିକଅପ ଓ ୩୫୦ରୁ ଉର୍ଦ୍ଧ ମୋଟରସାଇକେଲରେ ଏକ ବିଶାଳ ରାଲିରେ ୭ହଜାରରୁ ଉର୍ଦ୍ଧ୍ୱଲୋକ ଆସି ସହରପରିକ୍ରମା କରିଥିଲେ । ଏଥିରେ ବଲାଙ୍ଗୀର ଜିଲ୍ଲା ଭାଜପାରବ ପୂର୍ବତନ ସଭାପତି ବିକ୍ରମାନନ୍ଦ

ପାଣିଗ୍ରାହୀ,ସୁରେଶ ମିଶ୍ର,ଦିଲିପ ପୁରୋହିତ,ଧର୍ମନିରଂଜନ ପଣ୍ଡା,ମହେନ୍ଦ୍ର ମଲ୍ଲିକ,ଦିଲିପ ବିଶ୍ୱାଳ,୨୪ଜଣ ପୂର୍ବତନ ସରପଞ୍ଚ,୧୭ଜଣ ସମିତିସଭ୍ୟ ଓ ୭ଜଣ ପୂର୍ବତନ ଜିଲ୍ଲାପରିଷଦ ସଭ୍ୟଙ୍କ ସହ ହଜାର ହଜାର ଲୋକ ଯୋଗଦେଇଥିଲେ । ପ୍ରକାଶ୍ୟ ଯେ,ଗତ ଦୁଇବର୍ଷ ହେଲା ବଳରାମ(ବଲ୍ଲୁ) ସଂଗଠନକାମ କରିଆସୁଛନ୍ତି । ଭାଜପାର ଅନେକ ପୁରୁଣା କାର୍ଯ୍ୟକର୍ତ୍ତା ,ଆରଏସଏସ କାର୍ଯ୍ୟକର୍ତ୍ତା ସିଧାସଳଖ ବଳରାମଙ୍କୁ ସମର୍ଥନ କରୁଛନ୍ତି ।