-+91-9937148622 |
prerana_bgr@rediffmail.com |
Sunday 19th May 2024 |
R.N.I. Regd No. ODIODI/2010/46693
Breaking News
04-May-2024
ବଲାଙ୍ଗୀର:- ସ୍ଥାନୀୟ ରେନବୋ ମେରେଜ୍ ପେଲେସ ଠାରେ ବଲାଙ୍ଗୀର ବିଧାନସଭା ନିର୍ବାଚନମଣ୍ଡଳୀର ବିଜେଡି ପ୍ରାର୍ଥୀ କଳିକେଶ ନାରାୟଣ ସିଂଦେଓ ନିକଟରେ ଥିବା ନିର୍ବାଚନକୁ ନେଇ ଏକ ସଂକଳ୍ପ ସମ୍ମିଳନୀର ଆୟୋଜନ କରିଥିଲେ।ପ୍ରାୟ ଏକ ହଜାରରୁ ଉର୍ଦ୍ଧ୍ଵ ପ୍ରତି ବର୍ଗର ଲୋକ ଉପସ୍ଥିତ ରହି କଳିକେଶ ନେଇଥିବା ସଂକଳ୍ପକୁ ଶୁଣିଥିଲେ। ଏହି ସମ୍ମିଳନୀ ରେ ବଲାଙ୍ଗୀର ସହରର ଅଗ୍ରଣୀ ଅନୁଷ୍ଠାନ, ମାନ୍ୟଗଣ୍ୟ ବ୍ୟକ୍ତି ବିଶେଷ ନିମନ୍ତ୍ରିତ ହୋଇଥିଲେ।ବଲାଙ୍ଗୀର ସହରକୁ ଏକ ମଡେଲ ସହର ରେ ପରିଣତ କରିବାର ରୂପରେଖ ସମ୍ବନ୍ଧରେ ବର୍ଣ୍ଣନା କରିଥିଲେ। ଆଗାମୀ ନିର୍ବାଚନକୁ ଆଖି ଆଗରେ ରଖି କଳିକେଶ ବଲାଙ୍ଗୀର ସହରର ସର୍ବାଙ୍ଗୀନ ଉନ୍ନତି କରିବା ବିଷୟରେ ଏକ ସଂକଳ୍ପପତ୍ର - ୨୦୨୪ ଉନ୍ମୋଚନ କରିଥିଲେ।
ଉନ୍ମୋଚିତ ସଂକଳ୍ପପତ୍ରରେ ବଲାଙ୍ଗୀର ସହରକୁ ଏକ ମଡେଲ ସହର ଭାବେ ପରିଗଣିତ କରିବା ପାଇଁ ଅନେକ ଯୋଜନା ଗୁଡ଼ିକ ସର୍ବସମ୍ମୁଖରେ ଉପସ୍ଥାପନ କରିଥିଲେ।ସେହି ଯୋଜନା ମାନଙ୍କ ମଧ୍ୟରେ ବଲାଙ୍ଗୀର ସହରକୁ ଜିରୋ ଟଳରେନ୍ସ କ୍ରାଇମ୍ ଜୋନରେ ପରିଣତ କରିବା, କ୍ରାଇମ୍ କଣ୍ଟ୍ରୋଲ ପାଇଁ ପ୍ରତି ୱାର୍ଡ ରେ ସିସିଟିଭି କ୍ୟାମେରା ଲଗାଇବା, ଉନ୍ନତ ମାନର ଷ୍ଟ୍ରିଟ ଲାଇଟ୍ ସହ ୨୪×୭ ଜରୁରୀକାଳୀନ ହେଲ୍ପ ଲାଇନ ନମ୍ବର ଯୋଗେ ସମସ୍ତ ଜରୁରୀ ଆବଶ୍ୟକତା ଉପରେ ଶୀଘ୍ର କାର୍ଯ୍ୟାନୁଷ୍ଠାନ ଓ ଅଭିଯୋଗର ସମାଧାନ କରାଯିବ ବୋଲି ସଂକଳ୍ପ ନେଇଥିଲେ।
କୋଶଲାଞ୍ଚଲ୍ ରେ ବସବାସ କରୁଥିବା ଲୋକଙ୍କ ଭାଷାଭାଷୀ କୁ ଅଷ୍ଟମ ଅନୁସୂଚୀରେ ସ୍ଥାନିତ କରିବା, କୋଶଳ କଳା ମହୋତ୍ସବ ଆୟୋଜନ କରିବା, କୋଶଳ ସାଂସ୍କୃତିକ କେନ୍ଦ୍ର ସ୍ଥାପନ କରିବା, ସହରରେ ଥିବା ଧାର୍ମିକ ପୀଠ ତଥା ବିଭିନ୍ନ ପର୍ଯ୍ୟଟନ ସ୍ଥଳୀକୁ ନେଇ ଏକ ଟୁରିଜମ ସର୍କିଟ ସ୍ଥାପନ କରିବା, ସ୍ବାସ୍ଥ୍ୟ ସେବାକୁ ଆହୁରି ପ୍ରଶସ୍ତିକରଣ କରିବା, ୨୪ ଘଣ୍ଟା ସହରର ସମସ୍ତ ଘରକୁ ଶୁଦ୍ଧ ପାନୀୟ ଜଳ ସଂଯୋଗ, ପୋଖରୀ ଗୁଡ଼ିକର ପୁନଃରୁଦ୍ଧାର ଓ ସୋନ୍ଦର୍ଯ୍ୟକରଣ କରିବା, ଭିଜନ ଫୋରମ୍ ପ୍ରତିଷ୍ଠା, ପୌର ପରିଷଦକୁ ପୌର କର୍ପୋରେସନ କରିବା, ସହରରେ ମାଷ୍ଟର ଡ୍ରେନେଜ୍ ଯୋଜନା, ସମସ୍ତ ୱାର୍ଡ ରେ ପାର୍କ ନିର୍ମାଣ, ପଟ୍ଟାହିନଙ୍କୁ ପଟ୍ଟା ପ୍ରଦାନ, ମେଧାବୀ ଛାତ୍ରୀ ମାନଙ୍କୁ ବାର୍ଷିକ ଛାତ୍ରବୃତ୍ତି ଯୋଜନାରେ ସାମିଲ କରିବା, ବଲାଙ୍ଗୀର ସହରରେ ମହିଳା ମାନଙ୍କ ମନୋରଂଜନ ପାଇଁ ମହିଳା କ୍ଳବ୍ ପ୍ରତିଷ୍ଠା କରିବା,ରାଜେନ୍ଦ୍ର ବିଶ୍ଵ ବିଦ୍ୟାଳୟ ପାଠ୍ୟକ୍ରମ ବୃଦ୍ଧି, କେନ୍ଦ୍ରୀୟ ଡିଜିଟାଲ ପାଠାଗାର ନିର୍ମାଣ, ପ୍ରତିଯୋଗିତାମୂଳକ ପରୀକ୍ଷା ପ୍ରସ୍ତୁତି କେନ୍ଦ୍ର, ସମନ୍ୱିତ କ୍ରୀଡା ଭିତ୍ତିଭୂମିର ବିକାଶ, ବିମାନ ଯୋଗାଯୋଗ ଓ ବୈମାନିକ ତାଲିମ, ପ୍ରୟାଗରାଜ୍ ଓ ଦିଲ୍ଲୀ ପାଇଁ ସିଧାସଳଖ ରେଳ ସୁବିଧା, ବଲାଙ୍ଗୀର ଖୋର୍ଦ୍ଧା ଲାଇନ୍ ସମ୍ପୂର୍ଣ୍ଣ କରିବା,କୃଷି ଅନୁସନ୍ଧାନ କେନ୍ଦ୍ର ଓ ବିଶ୍ଵବିଦ୍ୟାଳୟ ପ୍ରତିଷ୍ଠା,କୃଷି ପାଇଁ ଦୁଇ ଥର ଜଳ ସେଚନ ବ୍ୟବସ୍ଥା,ସୂତା,କେନ୍ଦୁପତ୍ର ଓ ହସ୍ତତନ୍ତ ର ରପ୍ତାନି ର ସୁବିଧା କରିବା,ସ୍ଥାନୀୟ ଉତ୍ପାଦନ ସାମଗ୍ରୀ ର ବିକ୍ରି ପାଇଁ ବ୍ୟବସାୟ ସହାୟତା କେନ୍ଦ୍ର ର ପ୍ରତିଷ୍ଠା,ବୃତ୍ତିଗତ ତାଲିମ ସହ ସ୍ଥାନୀୟ ଯୁବକ ମାନଙ୍କୁ ସଶକ୍ତ କରି ସ୍ଥାନୀୟ ବ୍ୟବସାୟ କୁ ସହାୟତା ଦିଆଯିବା, ଶିଳ୍ପ ପାର୍କ ସ୍ଥାପନ କରିବା, ଆମ୍ବେଦକର ଭବନ ନିର୍ମାଣ କରିବା, ସମସ୍ତ ସମ୍ପ୍ରଦାୟର ଅନୁଷ୍ଠାନକୁ ସହାୟତା ଦେବା, ଡ୍ରାଇଭର ମାନଙ୍କ ପାଇଁ କାର୍ଯ୍ୟାଳୟ ସହ ଦୁର୍ଘଟଣାଜନିତ କ୍ଷୟକ୍ଷତି ପାଇଁ ବିମା ର ସହାୟତା,ବରିଷ୍ଠ ଲୋକଙ୍କ ପାଇଁ ତୀର୍ଥ ଯାତ୍ରା, ବୁଲା ଗାଈ ଗୋରୁ, କୁକୁରଙ୍କ ପାଇଁ ଆଶ୍ରୟ ଗୃହ ନିର୍ମାଣ ତଥା ବୃକ୍ଷ ରୋପଣ କରାଯାଇ ବଲାଙ୍ଗୀର ସହରକୁ ସବୁଜ ସୁନ୍ଦର ବଲାଙ୍ଗୀର ଭାବରେ ପରିଣତ କରିବାକୁ ଉପସ୍ଥିତ ବଲାଙ୍ଗୀର ସହରବାସୀ ଙ୍କ ସମ୍ମୁଖରେ କଳିକେଶ ନାରାୟଣ ସିଂଦେଓ ଦୃଢ଼ ସଂକଳ୍ପ ନେଇଥିଲେ।