-+91-9937148622 |
prerana_bgr@rediffmail.com |
Sunday 19th May 2024 |
R.N.I. Regd No. ODIODI/2010/46693
Breaking News
01-May-2024
ବଲାଙ୍ଗିର(ପ୍ରେରଣା ଖବର): ଆଜି ବିଜେଡି ଦଳର ବଲାଙ୍ଗୀର ଲୋକସଭା ପ୍ରାର୍ଥି ସୁରେନ୍ଦ୍ର ସିଂଭୋଇ ଓ ବଲାଙ୍ଗୀର ସଦର ଆସନର ବିଧାୟକ ପ୍ରାର୍ଥି କଳିକେଶନାରାୟଣ ସିଂଦେଓ ତାଙ୍କର ନାମାଙ୍କନପତ୍ର ଦାଖଲ କରିଛନ୍ତି। ସାଂସଦ ପ୍ରାର୍ଥି ସୁରେନ୍ଦ୍ର ସିଂଭୋଇ ବଲାଙ୍ଗୀର ଲୋକସଭା କ୍ଷେତ୍ର(୧୦)ର ରିୁଟର୍ଣ୍ଣି ଅଫିସର ତଥା ଜିଲ୍ଲାପାଳ ଗୌରବ ଶିବାଜୀ ଇସୱାଲଙ୍କ ପାଖରେ ନାମାଙ୍କପତ୍ର ଦାଖଲ କରିଥିବା ବେଳେ ବିଧାୟକ ପ୍ରାର୍ଥି କଲିକେଶ ନାରାୟଣ
ସିଂଦେଓ ଉପଜିଲ୍ଲାପାଳ ଆଲୋକ କୁମାର ପଧାନଙ୍କଠାରେ ନାମାଙ୍କନପତ୍ର ଦାଖଲ କରିଛନ୍ତି । କଳିକେଶ ମୋଟ ୪ସେଟ ନାମାଙ୍କନ ଦାଖଲ କରିଛନ୍ତି । ତେବେ ଚଳିତଥର ବିଜେଡି ସୁପ୍ରିମୋ ନବୀନ ପଟ୍ଟନାୟକ ବଲାଙ୍ଗୀର ଜିଲ୍ଲାର କଣ୍ଟାବାଞ୍ଜିରେ ପ୍ରାର୍ଥି ହୋଇଛନ୍ତି । ବିଜେଡି ଫୋକସରେ ବଲାଙ୍ଗୀର ଜିଲ୍ଲା ରହିଛି । ନବୀନ ସରକାର ଅମଳରେ ହୋଇଥିବା ବିକାଶମୂଳକ କାମ ଓ ଆଗକୁ କଣ ସବୁ କରାଯିବ ସେହି ମୁଦ୍ଦାନେଇ ଆମେ ଭୋଟରଙ୍କ ପାଖକୁ ଯାଉଛୁ ବୋଲି କଳିକେଶ ନାରାୟଣ ସିଂଦେଓ ଗଣମାଧ୍ୟମକୁ କହିଛନ୍ତି ।
ଆଜିର ନାମାଙ୍କନ ପାଇଁ ବିଜେଡି ଦଳ ପକ୍ଷରୁ ବଲାଙ୍ଗୀର ବିଧାନସଭାକ୍ଷେତ୍ର ସମେତ ଅନ୍ୟାନ୍ୟ ଅଞ୍ଚଳରୁ ପ୍ରାୟ ୧୫ହଜାର କର୍ମିଙ୍କୁ ନେଇ ଏକ ବିଶାଳ ଶୋଭାଯାତ୍ରା କରି ସହର ପରିକ୍ରମା କରି ନିଜର ଶକ୍ତିପ୍ରଦର୍ଶନ କରିଛନ୍ତି । ସ୍ଥାନୀୟ ପୃଥ୍ୱୀରାଜ ହାଇସ୍କୁଲ ପଡିଆଠାରୁ ବାଜାଗଜା ଓ ଆଦିବାସୀଙ୍କ ପାରଂମ୍ପରିକ ଧନୁତୀର ଧରି ହଜାର ହଜାର ପୁରୁଷ ମହିଳା ଶୋଭାଯାତ୍ରା କରି ମହାଦେବ ମନ୍ଦିରଛକ, ଦୁର୍ଗା ମନ୍ଦିର, ପାଟଣାଛକ, ସରକାରୀ ବସଷ୍ଟାଣ୍ଡ ଦେଇ ଜିଲ୍ଲାପାଳ କାର୍ଯ୍ୟାଳୟ ପହଞ୍ଚିଥିଲେ । ଏଠାରେ ସାଂସଦ ପ୍ରାର୍ଥି ଜିଲ୍ଲାପାଳଙ୍କ କାର୍ଯ୍ୟାଳୟକୁ ଯାଇଥିବା ବେଳେ ବିଧାୟକ ପ୍ରାର୍ଥି ତାଙ୍କ ସମର୍ଥକଙ୍କ ସହ ଉପଜିଲ୍ଲାପାଳଙ୍କ କାର୍ଯ୍ୟାଳୟକୁ ଶୋଭାଯାତ୍ରାରେ ଯାଇଥିଲେ । କଳିକେଶଙ୍କ ସହ ରାଜ୍ୟସଭା ସାଂସଦ ନିରଂଜନ ବିଶି, ବିଜେଡିର ବରିଷ୍ଠ ନେତା ଅନଙ୍ଗଉଦୟ ସିଂଦେଓ, କଳିକେଶଙ୍କ ତାଙ୍କ ପତ୍ନୀ ମେଘନା ରାଣା ସିଂଦେଓ, ମନ୍ମଥବିଜୟ ସିଂଦେଓ, ଅର୍କେଶ ନାରାୟଣ ସିଂଦେଓ,ବିଜେଡିର ରାଜ୍ୟ ସଂପାଦକ ଲକ୍ଷ୍ମଣ କୁମାର ମେହେର, ରାଜ୍ୟ ସଂପାଦକ ପ୍ରଭାସ ପାଣିଗ୍ରାହୀ, ଜିଲ୍ଲା କାର୍ଯ୍ୟକାରୀ ସଭାପତି ଅଶୋକ ମହାନ୍ତି, ଜିଲ୍ଲାପରିଷଦ ଅଧ୍ୟକ୍ଷା ଦେବକୀ ସାହୁ,ପୌରାଧ୍ୟକ୍ଷା ଲିକା ସାହୁ,ସଦରବ୍ଲକ ଅଧ୍ୟକ୍ଷା ସରିତା ବାଗ,
ଦେଓଗାଁ ବ୍ଲକ ଅଧ୍ୟକ୍ଷ ଦୟାନିଧି ଖମାରୀ, ଜିଲ୍ଲାପରିଷଦ ସଭ୍ୟା ମମତା କୁମୁରା,ସୁମତୀ ସେଠ,ଜିଲ୍ଲା ମହିଳା ସଭାନେତ୍ରୀ ଦମୟନ୍ତି ବାଗ,ସାଗରିକା ଗୁରୁ, ପୂର୍ବତନ ପୌରାଧ୍ୟକ୍ଷା ସନ୍ତୋଷିନୀ ବେହେରା, ଛାତ୍ରନେତା ସୁମନ ନନ୍ଦ, ଯୁବ ସଭାପତି ରାଜେନ୍ଦ୍ର ହୋତା,ଏଡଭୋକେଟ ଜୟରାମ ମିଶ୍ର, କୈଳାଶ ମହାନ୍ତି, ଉମାଶଙ୍କର ସିଂ ପ୍ରମୁଖଙ୍କ ସହ ଶତାଧିକ କାର୍ଯ୍ୟକର୍ତ୍ତା ଉପଜିଲ୍ଲାପାଳ କାର୍ଯ୍ୟାଳୟରେ ଉପସ୍ଥିତ ଥିଲେ । ସେହିପରି ସାଂସଦ ପ୍ରାର୍ଥି ସୁରେନ୍ଦ୍ର ସିଂଭୋଇଙ୍କ ସହିତ ଡ.ବାସୁଦେବ ପତି, ଯୁବନେତା ଆକାଶ ମିଶ୍ର, ଅସୀମ ପଟ୍ଟନାୟକ, ଭଗତବାନ ବଗର୍ତ୍ତି, ବିଧୁଭୂଷଣ ତ୍ରୀପାଠୀ, ସୁବ୍ରତ ବେହେରା,ବୀରମହାରାଜପୁରର ନାରାୟଣ ଲୁହା,ସୁରେନ୍ଦ୍ର ସାହୁ, ବ୍ଲକସଭାପତି ଟୁନୁ ରାଜପଲିଆ ପ୍ରମୁଖ ଉପସ୍ଥିତ ରହିଥିଲେ । ହଜାର ହଜାର ବିଜେଡିକର୍ମିଙ୍କ ନାଚଗୀତ ସହ ଶୋଭାଯାତ୍ରାରେ ବଲାଙ୍ଗୀର ସହର କମ୍ପିଉଠିଥିଲା l ଆଜି ଚାରିଆଡେ ବିଜେଡି ପତାକା ଲଗାଯାଇ ସହରକୁ ସବୁଜମୟ କରିଦିଆଯାଇଥିଲା ।