04-May-2024

ବଲାଙ୍ଗିର(ପ୍ରେରଣା ଖବର ): ରାଜ୍ୟ ସରକାରଙ୍କ ମାଁ କୁ ସମ୍ମାନ ଗାଁ କୁ କାମର ନାରା ପ୍ରକୃତ କ୍ଷେତ୍ରରେ ରେ ଦେଖିବା ବେଳକୁ ସମ୍ପୂର୍ଣ ଓଲଟା ପ୍ରତିଫଳିତ ହେଉଛି, କାରଣ ଦୀର୍ଘ ବର୍ଷ ର ଶାସନ ରେ ଗାଁ ର ଯୁବକ, ମାଁ ମାନଙ୍କ ର ଆର୍ଥିକ ଵିକାଶ ପାଈଁ ସରକାର କୌଣସି କାମ କରିନାହାନ୍ତି l ବିଶେଷ କରି ଶିକ୍ଷା ସ୍ୱାସ୍ଥ୍ୟଓ ଜଳସେଚନ ର ବିକା ହେଲେ ହିଁ ଗାଁ ଲୋକଙ୍କ ଅର୍ଥନୈତିକ ଵିକାଶ ହୋଇଥାଏ ତେଣୁ ଗତ ଦଶ ବର୍ଷ ରେ ଏ ଅଞ୍ଚଳ ର ଶିକ୍ଷା ସ୍ୱାସ୍ଥ୍ୟ ଓ ଜଳସେଚନ ର ଵିକାଶ ପାଈଁ ମାନ୍ୟବର ବଲାଙ୍ଗୀର ବିଧାୟକ ନରସିଂହ ମିଶ୍ର ପଦକ୍ଷେପ ନେଇସାରିଛନ୍ତି ଓ ଏହି ପ୍ରକ୍ରିୟା ସେ ପର୍ଯ୍ୟନ୍ତ ଜାରି ରହିବ ଯେଉଁ ପର୍ଯ୍ୟନ୍ତ ଗାଁ ଅର୍ଥନୀତିକୁ  ସମ୍ପୂର୍ଣ୍ଣ ସୁଦୃଢ କରିବା ପାଈଁ ଥିବା ଆମ ଲକ୍ଷ ପୂରଣ ହୋଇ ନ ଥିବ ବୋଲି  ଆଜି ଦେଓଗାଁ ଅଞ୍ଚଳର ଡ଼ୁମେରପିଟା, ରାମଚନ୍ଦ୍ରପୁର ଓ ସିଙ୍ଘାମୁଣ୍ଡା ପଂଚାୟତ ରେ କଂଗ୍ରେସ ଦଳ ତରଫରୁ ଆୟୋଜିତ ଜନ ଆଶୀର୍ବାଦ ସଭାରେ କଂଗ୍ରେସ ଦଳର ବିଧାୟକ ପ୍ରାର୍ଥୀ ସମରେନ୍ଦ୍ର ମିଶ୍ର ନିଜ ବକ୍ତବ୍ୟ ରେ କହିଛନ୍ତି l 

ବ୍ଲକ କଂଗ୍ରେସ ସଭାପତି ରାମଜୀ ଚୌଧୁରୀ ଙ୍କ ସଭାପତିତ୍ୱ ରେ ଅନୁଷ୍ଠିତ ଏହି ସଭା ରେ ସମରେନ୍ଦ୍ର ଆହୁରି ମଧ୍ୟ କହିଛନ୍ତି ଯେ ସରକାର ଗାଁ ମାନଙ୍କ ରେ "ପକ୍କା ଘର -ମୋ ଅଧିକାର" ସ୍ଲୋଗାନ ଦେଉଛି, ଏଠାରେ ମୋର ପ୍ରଶ୍ନ ଦୀର୍ଘ ୨୪ବର୍ଷ ପରେ ମଧ୍ୟ ରାଜ୍ୟ ସରକାର କଚ୍ଚା ଘର କୁ ପକ୍କା ଘର କରି ପାରି ନାହିଁ କାହିଁକି? କଂଗ୍ରେସ ସରକାର ଅମଳରେ ଆରମ୍ଭ ହୋଇଥିବା ଇନ୍ଦିରା ଆବାସ ଯୋଜନାକୁ ନାଁ ପରିବର୍ତନ କରି ଲୋକଙ୍କୁ

ଭୁଆଁ ବୁଲାଉଛି କାହିଁକି ବୋଲି ସମରେନ୍ଦ୍ର ପ୍ରଶ୍ନ କରିଥିଲେ lସଭାରେ ମାନ୍ୟବର ବଲାଙ୍ଗୀର ବିଧାୟକ ନାରାସିଂହ ମିଶ୍ର ଉପସ୍ଥିତ ମହିଳା ପୁରୁଷଙ୍କ ଉଦ୍ୱେଶ ରେ କହିଥିଲେ ଆଗାମୀ ନିର୍ବାଚନ ରେ ବିଧାୟକ ଭାବେ ଆପଣ ମାନେ ସମରେନ୍ଦ୍ର ମିଶ୍ର ଙ୍କୁ ହାତ ଚି଼ହ୍ନ ରେ ଭୋଟ ଦିଅନ୍ତୁ, ଦେଖିବେ ବଲାଙ୍ଗୀର ର ଛାତ୍ର ଓ ଯୁବକଙ୍କୁ ନିଶ୍ଚିତ ଭାବେ ଉତ୍ତମ ଶିକ୍ଷା ଓ ରୋଜଗାର ପାଈଁ ଏଠାରେ ଶିଳ୍ପାନୁଷ୍ଠାନ ପ୍ରତିଷ୍ଠା କରିବାରେ ଆମେ ନିଶ୍ଚିତ ସଫଳ ହେବା  l
ଆହୁରି ମଧ୍ୟ ଜଂଗ୍ରେସ ସରକାର ରାଜ୍ୟ ରେ ଆସିଲେ ସ୍ୱୟଂ ସହାୟିକା ଗୋଷ୍ଠୀ ଙ୍କୁ ଋଣ ମାଫ, ବାର୍ଦ୍ଧକ୍ୟ, ବିକଳାଙ୍ଗ, ବିଧବା ଭତ୍ତା କୁ ଦ୍ବିଗୁଣିତ କରାଯିବ l ଧାନ ର ସର୍ବନିମ୍ନ ମୂଲ୍ୟ ୩୦୦୦ବୃଦ୍ଧି କରାଯିବ, ବେକାରୀ ଯୁବକଙ୍କୁ ବେକାରୀ
ଭତ୍ତା ୩୦୦୦ଟଙ୍କା,ସମସ୍ତ ମା ମାନଙ୍କୁ ମାସିକ ୨୦୦୦ଟଙ୍କା ପ୍ରଦାନ କରାଯିବ l
ଅନ୍ୟ ମାନଙ୍କ ମଧ୍ୟ ରେ ଏହି ନିର୍ବାଚନୀ ସଭାରେ ଡ଼ୁମେରପିଟ ସମିତି ସଭ୍ୟ ସଂକୀର୍ତନ ବାଗ ଓ କଂଗ୍ରେସ ନେତା ବିପିନ କୁସୁଲିଆ ମଂଚାସୀନ ଥିଲେ l