01-Mar-2024

 ସିନ୍ଧେକେଲା(ପ୍ରେରଣା ଖବର ): କଣ୍ଟାବାଞ୍ଜି ନିର୍ବାଚନ ମଣ୍ଡଳୀର ବରିଷ୍ଠ ବିଜେଡି ନେତା ତଥା ବିଜେଡି ବିଧାୟକ ଆଶାୟୀ ପ୍ରାର୍ଥୀ ଅଜୟ ଦାସଙ୍କ ନେତୃତ୍ବରେ ସିନ୍ଧେକେଲା ଜୋନର ୧୨ ଟି ପଞ୍ଚାୟତର ବିଭିନ ଗ୍ରାମର ପୁରୁଷ ଓ ମହିଳା ଙ୍କୁ ନେଇ ସ୍ଥାନୀୟ ହାଟପଦା ନିକଟ ନୂତନ ଭବ୍ୟ ଦୁର୍ଗା ମଣ୍ଡପ ସମ୍ମୁଖରେ ଏକ ବିଶାଳ ଜନ ସମାବେଶ ଅନୁଷ୍ଠିତ ହୋଇଯାଇଛି । ଉକ୍ତ ସମାବେଶରେ ସିନ୍ଧେକେଲା ଅଞ୍ଚଳର ବରିଷ୍ଠ ବିଜେଡି ନେତା ମୁନିରାମ ଜୈନ , ବଙ୍ଗୋମୁଣ୍ଡା ସରପଞ୍ଚ ଅଜିତ ଯୋଶୀ , ଯୁବ ବିଜେଡି ବ୍ଲକ ସଭାପତି ବୁଲୁ ସିଂଦେଓ , କଣ୍ଟାବାଞ୍ଜିର ବରିଷ୍ଠ ଆଇନଜୀବୀ ରାଜେଶ ଶର୍ମା , ଅଭି ନାଗ , ବଡ଼ ନାଗ , ଚୁଡାମଣି ରଣା , କୌଶିକ ରଣା , ଗୌରାଙ୍ଗ ମହାନନ୍ଦ , ପ୍ରକାଶ କୁମ୍ଭାର , ଭିକାରୀ ଚରଣ ବେହେରା , ଗଣେଶ ସାହୁ , ଟୁନୁ ସାହୁ , ଜଳୀନ ରଣା , ପ୍ରଦୀପ ସାହୁ , ବିରଞ୍ଚି ଜାଳ , ନରେନ୍ଦ୍ର ତାଣ୍ଡି , ବିନୟ ବିଭାର , ଧନଞ୍ଜୟ ମଚଖଣ୍ଡ , ଵିଷ୍ଣୁ ବେହେରା , ମଣ୍ଟୁ ଗଡୁଆ , ଅଗ୍ରୱାଲ ସଭା ପୂର୍ଵତନ ସଭାପତି ଫୁଲଚନ୍ଦ ଜୈନ ପ୍ରମୁଖ ଯୋଗଦେଇ ଅଞ୍ଚଳର ବିକାଶ ପାଇଁ ନବୀନ ପଟ୍ଟନାୟକଙ୍କ ସରକାର ହିଁ ଏକମାତ୍ର ସରକାର ଯାହା ଦ୍ୱାରା ଗରିବ ଚାଷୀ ଠାରୁ ଆରମ୍ବ କରି ମହିଳା ଓ ସମସ୍ତଙ୍କ ପାଇଁ ବିଭିନ୍ନ ପ୍ରକାର ଯୋଜନା ମାଧ୍ୟମରେ ସୁବିଧା ସୁଯୋଗ ଯୋଗାଇ ଦିଆଯାଇଛି । କଣ୍ଟାବାଞ୍ଜି ନିର୍ବାଚନ ମଣ୍ଡଳୀର ବିଧାୟକ ଆଶାୟୀ ପ୍ରାର୍ଥୀ ଅଜୟ ଦାସ ବିଧାୟକ ନଥିବା ସତ୍ତ୍ୱେ ଗ୍ରାମ ଗ୍ରାମ ଘର ଘର ବୁଲି ଲୋକଙ୍କ ଦୁଃଖ ସୁଖରେ ସାମିଲ ହେଉଛନ୍ତି ସେହିଭଳି ନେତାଙ୍କୁ ବିଧାୟକ ଭାବରେ ବିଜୟୀ କଲେ ଅଞ୍ଚଳ ର ଆହୁରି

ବିକାଶ ହୋଇପାରିବ ବୋଲି ମତ ପ୍ରକାଶ କରିଥିଲେ । ସମାବେଶ ପରେ ଏକ ବିରାଟ ଶୋଭାଯାତ୍ରା  ବାହାର କରାଯାଇ ଗ୍ରାମ ପରିକ୍ରମା କରାଯାଇଥିଲା । ବିଜେଡ଼ି ବରିଷ୍ଠ କାର୍ଯ୍ୟକର୍ତ୍ତା କଳାକାର ସୁଧାକର ସାହୁ ମଞ୍ଚ ପରିଚାଳନା କରିଥିବାବେଳେ ବିଶ୍ୱନାଥ ସାହୁ , ଦେବରାଜ ଦଣ୍ଡସେନା , ଚନ୍ଦନ ମହାନନ୍ଦ , ହେମନ୍ତ ବିଶ୍ୱାଳ , ସୁଶାନ୍ତ ଥନାପତି , ଭଗବାନ ଜୈନ , ବିଭୁ ଗହୀର , ଇନ୍ଦ୍ର ସାହୁ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ । ଉକ୍ତ ସମାବେଶରେ ୧୨ ଟି ପଞ୍ଚାୟତ ର ପୁରୁଷ ମହିଳା ହଜାର ହଜାର ସଂଖ୍ୟାରେ ସାମିଲ ହୋଇଥିଲେ ।