01-Jul-2023

ପାଟଣାଗଟ/ବେଳପଡା(ଦିଲୀପ ପଣ୍ଡା ): ବଲାଙ୍ଗୀର ଜିଲ୍ଲା ବେଲପଡା ଥାନା ଖଲିଆପାଲି ଗାଁ ନିକଟରେ ଥିବା ଲାନ୍ଥ ନଦୀ କୂଳରୁ ଜଣେ ଯୁବକର ଗଳିତ ମୃତ ଦେହ ଗଛରୁ ଝୁଲନ୍ତା ଅବସ୍ଥାରେ ପୁଲିସ  ଉଦ୍ଧାର କରିଛି l ଯୁବକ ଜଣକଙ୍କ ବୟସ ପାଖାପାଖି ୨୫ ବର୍ଷ ହଇଥିବା ଅନୁମାନ କରାଯାଉଥିବା ବେଲେ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରିରଖିଥିବା ଏସଡିପିଓ ଜ୍ୟୋତିର୍ମୟ ଭୁକ୍ତା ଙ୍କ ଠାରୁ ଜଣାପଡିଛି । ପରିବାର ବର୍ଗଙ୍କ ଚିହ୍ନଟ ପାଇଁ ଗଳିତ ମୃତ ଦେହକୁ ବଲାଙ୍ଗୀର ଭୀମଭୋଇ ଡାକ୍ତରଖାନାରେ ଥିବା ଫ୍ରିଜରରେ ରଖା ଯାଇଥିବା ଥାନା ଅଧିକାରୀ ରାଜେନ୍ଦ୍ର ବେହେରାଙ୍କ ଠାରୁ ଜଣାପଡିଛି । ପ୍ରକାଶ ଯେ ଗାଁର ପାଖାପାଖି ୨ କିଲୋମିଟର ଦୁରତାରେ ଥିବା ଲାନ୍ଦନଦୀ ନିକଟସ୍ଥ ଜଙ୍ଗଲକୁ ଗାଁ କିଛି ଗାଈ ଓ ଛେଲି ଚରାଲି ସେମାନଙ୍କୁ ଚରେଇବା ପାଇଁ ନେଇଥିଲେ । ଠିକ ଏହି ସମୟରେ ଜଣେ ଛେଲି ଚରାଲି ଉକ୍ତ ଯୁବକଙ୍କ ମୃତଦେହ ଗଛରେ ଝୁଲୁଥିବା ଦେଖି ତାସାଙ୍ଗରେ ଥିବା ଅନ୍ୟାନ୍ୟ ଗାଈ ଓ ଛେଲି ଚରାଲି ମାନଙ୍କୁ ଚିତ୍କାର କରି ଡାକିଥିଲା । ପରେ ବେଲପଡା ପୁଲିସକୁ ଘଟଣା ସମ୍ପର୍କରେ ଅବଗତ ପରେ ଥାନା ଅଧିକାରୀଙ୍କ ନେତୃତ୍ବରେ ଘଟଣାସ୍ଥଳରେ ପୁଲିସର ଏକ ଟିମ୍ ପହଂଚି ଗଛରୁ ଯୁବକଙ୍କ ଗଳିତ ମୃତ ଦେହ ଉଦ୍ଧାର କରି ପରିବାର ବର୍ଗଙ୍କ ଚିହ୍ନଟ ପାଇଁ ବଲାଙ୍ଗୀର ଡ଼ାକ୍ତରଖାନାକୁ ପଠାଯାଇଥିବା ବେଳେ ମୃତ୍ୟୁର କାରଣ ଅସ୍ପଷ୍ଟ ଥିବା ଜଣାପଡିଛି ।