16-Jun-2023

ବଲାଙ୍ଗିର, ଗତ ମେ ୩୧ ତାରିଖ ଦିନ +୨ ବିଜ୍ଞାନ ପରିକ୍ଷାଫଳ ପ୍ରକାଶିତ ହୋଇଛି ।  ଏଥିରେ ବଲାଙ୍ଗୀରର ଅଗ୍ରଣୀ ଘରୋଇ ଶିକ୍ଷାନୁଷ୍ଠାନ ଡିଏନ୍‌ଏର ଛାତ୍ରଛାତ୍ରୀ ମାନେ ଉଲ୍ଲେଖନୀୟ ସଫଳତା ହାସଲ କରି ଜିଲ୍ଲାର ଗୌରବ ବୃଦ୍ଧି କରିଛନ୍ତି । ଅନୁଷ୍ଠାନର ଛାତ୍ର ପିଣ୍ଟୁ ବାରିକ ମୋଟ ୬ଠଠ ରୁ ୪୮୧ ମାର୍କ ଆଣି ଡିଏନ୍‌ଏ ଇନ୍‌ଷ୍ଟିଚ୍ୟୁଟର ଟପ୍ପର ଛାତ୍ର ମାନ୍ୟତା ପାଇଛନ୍ତି ।  ଠିକ ସେହିପରି +୨ କଳା ପରୀକ୍ଷାରେ ଅନୁଷ୍ଠାନର ଆଉ ଜଣେ ମେଧାବୀ ଛାତ୍ର  ଶୁଭମ୍ ସାହୁ ମୋଟ ୬ଠଠରୁ ୫୨୧ ମାର୍କ ଆଣି ଡିଏନ୍‌ଏ ଟପ୍ପର ହେବାର ଗୌରବ ହାସଲ କରିଛନ୍ତି । ଶୁଭମ୍ ତର୍କଶାସ୍ତ୍ରରେ ମୋଟ ୧ଠଠ ମାର୍କ ରୁ ୯୯ ମାର୍କ ଆଣି ଶତପ୍ରତିଶତ ସଫଳତା ହାସଲ କରିଛନ୍ତି । ପରୀକ୍ଷାରେ ସଫଳତା ହାସଲ କରିଥିବା ଛାତ୍ରଛାତ୍ରୀ ମାନଙ୍କୁ ଡିଏନ୍ଏ ଇନ୍‌ଷ୍ଟିଚ୍ୟୁଟର ନିର୍ଦ୍ଦେଶକ ବିନୀତ ଅଗ୍ରୱାଲ ଶୁଭେଚ୍ଛା ଜଣାଇଛନ୍ତି ।  ସୂଚନାଯୋଗ୍ୟ ଯେ, ଦୀର୍ଘ ୧୧ ବର୍ଷ ଧରି   ବଲାଙ୍ଗୀର ଜିଲ୍ଲାରେ +୨ ବିଜ୍ଞାନ, କଳା ଓ ବାଣିଜ୍ୟରେ ଅଧ୍ୟୟନ କରୁଥିବା ଛାତ୍ରଛାତ୍ରୀଙ୍କ ପାଇଁ ଏକ ବିଶ୍ୱାସଯୋଗ୍ୟ ଶିକ୍ଷାନୁଷ୍ଠାନ ଡିଏନ୍‌ଏ ତାର ସଫଳତାର ଜୟଯାତ୍ରା ଜାରି ରଖିଛି ।