01-Jun-2023

ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ଅଧୀନରେ ଥିବା ଜବାଗୁଡା ଗ୍ରାମ ର ଚନ୍ଦ୍ର ମିର୍ଗାନ (୨୩)ନିଜ ଘରେ ରାତିରେ ନିଜର HF ଡିଲକ୍ସ ଗାଡି ନଂ ଓ ଡି ୨୪ ଏଚ୍ ୫୫୭୪ ରଖିଥିବା ସମୟରେ କିଛି ଦୁର୍ବୁତ୍ତ ଚୋରି କରି ନେଇଯାଇଥିଲେ ।ସକାଳେ ଘରେ ଗାଡି ନ ଥିବା ଦେଖି ଚନ୍ଦ୍ର ମିର୍ଗାନ ସ୍ଥାନୀୟ ଡାବୁଗାଁ ଥାନା ରେ ଏକ ଲିଖିତ ଅଭିଯୋଗ କରିଥିଲେ! ଅଭିଯୋଗକୁ ଭିତ୍ତି କରି ଡାବୁଗାଁ ଥାନା ସବ ଇନିସପେକ୍ଟର ଚନ୍ଦନ ସାହୁ ନିଜର ପୋଲିସ ଟିମ ସାହାଯ୍ୟରେ ଚୋରି ହୋଇଥିବା ଗାଡି ଓ ଚୋର କୁ ଧରିବା ପାଇଁ ଚେଷ୍ଟା କରିଥିଲେ ଏବଂ ୩୧.୦୫.୨୦୨୩  ତାରିଖରେ ସଫଳ ମଧ୍ୟ ହୋଇଥିଲେ! ସେ ଚାରିଜଣ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଥିଲେ !ସେମାନେ ହେଲେ ରାମଚନ୍ଦ୍ର ଜାନି ଗ୍ରାମ ଜୟନ୍ତୀନଗର (ଡାବୁଗାଁ ), ଡ଼ୁମର ହରିଜନ ଗ୍ରାମ ବଡ଼ଭିମାଗୁଡା (ଧୋଡ୍ରା), ସୁଧୀର ହରିଜନ ଗ୍ରାମ ବଡ଼ ଭିମାଗୁଡା (ଧୋଡ୍ରା), ଚନ୍ଦନ ହରିଜନ ଗ୍ରାମ ଜାମଦୋରା ରାଇଘର ବ୍ଲକ!ସେମାନଙ୍କ ପାଖରୁ ୧୭ ଟି ମୋଟରସାଇକେଲ ଜବତ କରିଛି ଡାବୁଗାଁ ପୋଲିସ । ଏହି ଚୋରି ରେ ଯଦି ଅନ୍ୟ

କେହି ସମ୍ପୃକ୍ତ ଥିବେ ତେବେ ସେମାନଙ୍କୁ ମଧ୍ୟ ଗିରଫ କରାଯିବ ଏବଂ ଜବତ ହୋଇଥିବା ଗାଡିର କାଗଜପତ୍ର ଯାଞ୍ଚ କଲାପରେ ମାଲିକ ମାନଙ୍କୁ ହସ୍ତାନ୍ତର କରାଯିବ ବୋଲି ଏସ ପି ଏସ ସୁଶ୍ରୀ  ପ୍ରେସ ମିଟ୍ ମାଧ୍ୟମରେ ରେ ପ୍ରକାଶ କରିଛନ୍ତି! ଏହି ଚରି ରକେଟ୍ ଧରିବା ପାଇଁ ଡାବୁଗାଁ ସବ୍ ଇନ୍ସପେକ୍ଟର ଚନ୍ଦନ ସାହୁ,ଏ ଏସ ଆଇ ଶିଶିର କାନ୍ତ ଗୋଷ,ଏ ଏସ ଆଇ ବିଜୟ କୁମାର ସାହୁ, ଓ ଥାନା କର୍ମଚାରୀମାନେ ସହଯୋଗ କରିଥିଲେ। ଏହି  ବାଇକ୍ ଚରି କରିଥିବା ଅଭିଯୁକ୍ତ ଚାରି ଜଣଙ୍କୁ କେସ ନଂ ୧୧୦/୨୩ରେ ମାମଲା ରୁଜୁ କରି ଆଇ ପି ସି ଧାରା ୩୭୯ ରେ କୋର୍ଟ ଚାଲାଣ କରିଛି ଡାବୁଗାଁ ପୋଲିସ |(ରିପୋର୍ଟ : ମିହିର ଶଙ୍କର ପାତ୍ର,ନବରଙ୍ଗପୁର)