25-May-2023

ଡୁଙ୍ଗୁରିପାଲ(ଅରବିନ୍ଦ ମିଶ୍ର)- ସୁବର୍ଣ୍ଣପୁର ଜିଲ୍ଲା ଜୁନିଅର ରେଡକ୍ରସର ଆହ୍ୱାନକ୍ରମେ ଡୁଙ୍ଗୁରିପାଲି ବ୍ଲକ ର ଜୁନିୟର ରେଡକ୍ରସ ୟୁନିଟ ତରଫରୁ ସ୍ଥାନୀୟ ଆରଏମସି ସାପ୍ତାହିକ ବଜାର ପରିସରରେ ଜଳଛତ୍ର ତଥା ଅଁଶୁଘାତ ସଚେତନତା କାର୍ଯ୍ୟକ୍ରମ ଉଦ୍‌ଯାପିତ ହୋଇଯାଇଛି । ଜନସାଧାରଣଙ୍କୁ ଗ୍ରୀଷ୍ମରୁ ସୁରକ୍ଷା ଦେବା ଉଦ୍ଦେଶ୍ୟରେ ପାନୀୟ ଜଳ, ଦହି ସରବତ, ଜଲଜିରା ପାଣି, ବେଲପଣା ବଂଟନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ୨୭ ଆପ୍ରିଲ ଗୁରୁବାର ଦିନରୁ ଆରମ୍ଭ ହୋଇଇଥିବା ଏହି ଜଳଛତ୍ର କାର୍ଯ୍ୟକ୍ରମ ୫ ଗୋଟି ଗୁରୁବାର ପରେ ଆଜି ଗୁରୁବାର ସାପ୍ତହିକ ବଜାର ଦିନରେ ଉଦଯାପିତ ହୋଇଯାଇଛି ।

ଅଂଚଳର କିଛି ସ୍ୱେଚ୍ଛାସେବୀ ଏବଂ ବଦାନ୍ୟ ଅନୁଷ୍ଠାନ ସ୍ୱେଚ୍ଛାରେ ଏହି କାର୍ଯ୍ୟକ୍ରମରେ      ସହଯୋଗ କରିଥିଲେ । କାର୍ଯ୍ୟକ୍ରମରେ ଜୁନିଅର ରେଡକ୍ରସ ଅଫିସିର ରବିଚନ୍ଦ୍ର ପଶାୟତ ଅଧ୍ୟକ୍ଷତା କରିଥିଲେ । ସ୍ଥାନୀୟ ଗୋଷ୍ଠୀ ଶିକ୍ଷା ଅଧିକାରୀ ଗଣେଷ କିସାନ ମୁଖ୍ୟଅତିଥି ଭାବରେ ଯୋଗଦେଇ ଜୁନିୟର ରେଡକ୍ରସ ର ମାନବୀୟ ସେବାର ପ୍ରସଂଶା କରିଅଛନ୍ତି । ସମ୍ମାନୀତ ଅତିଥି ଭାବରେ ଡୁଙ୍ଗୁରିପାଲି ଥାନା ଅଧିକାରୀ ସତ୍ୟନାରାୟଣ ପଧାନ,  ଡୁଙ୍ଗୁରିପାଲି ଦିବ୍ୟ ଜୀବନ ସଂଘର ସଭାପତି ଲକ୍ଷ୍ମୀଧର ନାଏକ, ଡୁଙ୍ଗୁରିପାଲି ହାଇସ୍କୁଲର ପ୍ରଧାନଶିକ୍ଷକ ବୈଶାଖୁ ପଧାନ,

ଦିଗସିରା ହାଇସ୍କୁଲର ପ୍ରଧାନଶିକ୍ଷକ ଚତୁର୍ଭୁଜ ସାହୁ, କରଲାଜୁରୀ ହାଇସ୍କୁଲର ପ୍ରଧାନଶିକ୍ଷକ ମେଘନାଦ ବେହେରା,ଚେରୁପାଲି ହାଇସ୍କୁଲର ଡୋଲାମଣି ଭୁକ୍ତା ପ୍ରମୁଖ ଯୋଗଦେଇ ମତବ୍ୟକ୍ତ କରିଥିଲେ । ସାଧନକର୍ମି ତପସ୍ୱିନୀ ଦାଶ ସ୍ୱାଗତ ଅଭିଭାଷଣ ଦେଇଥିବା ବେଳେ ବିସିସି ନିମାଇ ଚରଣ ମଲ୍ଲୀକ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ଜୁନିୟର ରେଡକ୍ରସ ସାଧନକର୍ମି ଚନ୍ଦ୍ରମଣି ବାଘ, ହୃଷିକେଶ ଡାଙ୍ଗ, ପରାମର୍ଶଦାତା ଦୌଲତ ସା, ଧ୍ରୁବ ଚରଣ ବାରିକ, କୁମୁଦ କୁମାର ମଟାରୀ, ଦେବକୀ ବାଘ, ଅମ୍ଲାନ ପଣ୍ଡିଆ, ଶୋଭାଚନ୍ଦ୍ର ବାରିକ, ଆକୁନ୍ଦ ସାହୁ ପ୍ରମୁଖ ସହଯୋଗ କରିଥିଲେ । ସମଗ୍ର କାର୍ଯ୍ୟକ୍ରମକୁ ବ୍ଲକ ସଂଯୋଜକ ନିମାଇ ଚରଣ ମଲ୍ଲୀକ ପରିଚାଳନା କରିଥିଲେ ।