16-May-2023

ଆଖିରେ ତାଙ୍କର ଥିଲା ଅନେକ ସ୍ୱପ୍ନ । ଜୀବନରେ କିଛି ନିଆରା କାମ କରି ଦେଖେଇବାର ଦୃଢ ଇଚ୍ଛା ଥିଲା ମନରେ। ସ୍କୁଲ ଓ କଲେଜରେ ପଢିବା ବେଳୁ ସେ ଇଚ୍ଛା କରିଥିଲେ ନିଜ ପାଇଁ ଏକ ସ୍ୱତନ୍ତ୍ର ପରିଚୟ ତିଆରି କରିବେ। ଆଉ ଏହି ଆଶାରେ ସେ ଅନ୍ୟ ଯୁବକଙ୍କ ପରି ସରକାରୀ ଚାକିରି ପଛରେ ନ ଦୌଡ଼ି ନିଜସ୍ୱ ଉଦ୍ୟମରେ କିଛି କରିବାକୁ ଚାହିଁଥିଲେ। ନିଜ ଭିତରେ ଥିବା ସୃଜନଶୀଳତାକୁ ଉଦଜୀବିତ କରିଥିଲେ । ଏହାପରେ ତାଙ୍କର ଆରମ୍ଭ ହୋଇଥିଲା ଗାଁରୁ ରାଜଧାନୀ ଭୁବନେଶ୍ୱର ଯାତ୍ରା। ଏହି ଉଦ୍ୟମୀ ଯୁବକ ଜଣଙ୍କ ହେଉଛନ୍ତି ଭରତ ପ୍ରଧାନ। ଆଜି ଜଣେ ଯୁବ ମିଡିଆ ପ୍ଲାନର ଭାବେ ସେ ଓଡିଶା ଗଣମାଧ୍ୟମରେ ଖୁବ୍ ଜଣାଶୁଣା ।
ମେଳାପୀ ମନୋଭାବ,ନିଜ କାମ ପ୍ରତି ନିଷ୍ଠା  ଓ ସମର୍ପିତ ମନୋଭାବ ଭରତଙ୍କୁ ଆଜି ଜଣେ ସଫଳ ଯୁବ ମିଡ଼ିଆ ପ୍ଲାନରର ପରିଚୟ ଦେଇଛି । ୨୫ ବର୍ଷିୟ ଭରତଙ୍କର ନୟାଗଡ଼ ଜିଲ୍ଲା ବୋଦସା ଗ୍ରାମରରେ ଜନ୍ମ। ସେ ନୀଳମାଧବ ମହାବିଦ୍ୟାଳୟ , କଣ୍ଟିଲୋରୁ ସୋସିଓଲୋଜି( ଅନର୍ସ)ରେ ପାଠପଢାପରେ ନିଜର ସ୍ୱପ୍ନକୁ ସାକାର କରିବାକୁ ଗାଁ ଛାଡ଼ିଥିଲେ। ଭୁବନେଶ୍ୱରରେ ଆରମ୍ଭ କରିଥିଲେ ସଂଘର୍ଷର ଜୀବନ। ଟିଭିରେ ଆଙ୍କରିଂ ଦେଖି ପ୍ରଥମେ ସେ ଆଙ୍କରିଂ କରିବାର ନିଶାରେ ପଡ଼ି ଯାଇଥିଲେ । ଘରେ ଦର୍ପଣ ଆଗରେ ଠିଆ ହୋଇ ନିଜେ ଆଙ୍କରିଂ ଅଭ୍ୟାସ କରୁଥିଲେ । ସାଙ୍ଗସାଥିଙ୍କ ଠାରୁ ପ୍ରତିକ୍ରିୟା ନେଉଥିଲେ । ହେଲେ ଭୁଲ ହୋଇଯିବା ଭୟରେ ସେ କେବେ ରହି ଯାଇନଥିଲେ । କାହାର ନେଗେଟିଭ୍ କଥାକୁ ସେ ଶୁଣୁ ନଥିଲେ । କେବଳ ଗୋଟିଏ ଲକ୍ଷ୍ୟ ଥିଲା ଆଗକୁ ଆଗେଇବା ।   
ଭୁବନେଶ୍ୱର ଆସିବା ପରେ ସେ ଏକ ଘରୋଇ ଟିଭି

ନୟାଗଡ଼ : ଚ୍ୟାନେଲରେ ଆଙ୍କରିଂର ସୁଯୋଗ ପାଇଥିଲେ । ଏହାପରେ ସେ ଆରମ୍ଭ କରିଥିଲେ ପେଟିଂ ଇଭେଣ୍ଟ ମ୍ୟାନେଜମେଣ୍ଟ ଓ ସମାଜସେବା । ସେ ଇଭେଣ୍ଟ ମ୍ୟାନେଜମେଣ୍ଟ ଲାଇନ୍ରେ କ୍ରିଏଟିଭ୍ ହେଡ୍ ପ୍ରଣୟ ଜେଠୀଙ୍କୁ ନିଜର ଗୁରୁ ମାନନ୍ତି। ସେ ହିଁ ଭରତଙ୍କୁ ଶିଖାଇଥିଲେ ଇଭେଣ୍ଟ ପରିଚାଳନା ଉପାୟ ଓ କୌଶଳ । ଭରତ ନିଜେ ମଧ୍ୟ ‘ନିର୍ବାଣ ଫାଇଣ୍ଡେସନ ଟ୍ରଷ୍ଟ’ ନାମରେ ଏକ ଟ୍ରଷ୍ଟ ଗଢିଛନ୍ତି । ଏହାସହ ଓଡ଼ିଆ ଫିଲ୍ମର ପ୍ରଚାର ପ୍ରସାର ପାଇଁ ଉଦ୍ୟମ ଜାରି ରଖିଛନ୍ତି ।  
ବର୍ତ୍ତମାନ ୪୫୦ରୁ ଉର୍ଦ୍ଧ୍ୱ ଇଭେଣ୍ଟକୁ ଭରତ ସଫଳତାର ସହ ଆୟୋଜନ କରିବା ସହ ଗଣମାଧ୍ୟମ ଜଗତରେ ପରିଚିତ ହୋଇପାରିଛନ୍ତି। ଭରତ ନିଜର ସଫଳ କାର୍ଯ୍ୟ ପାଇଁ ବହୁ ଅନୁଷ୍ଠାନ ପକ୍ଷରୁ ପୁରସ୍କାର ଓ ସମ୍ମାନ ମଧ୍ୟ ପାଇଛନ୍ତି । ଭରତ ନିଜର ଏକ ମନୋରଞ୍ଜନଧର୍ମୀ ୟୁଟ୍ୟୁବ୍ ଚ୍ୟାନେଲ ଖୋଲି ସେଥିରେ ନୂଆ ନୂଆ ଓଡିଆ ସିନେମା ବିଷୟରେ ସୂଚନା ଦେଉଛନ୍ତି । ଆଗକୁ ଏକ ଷ୍ଟେଟ ବିଜନେସ ଆୱାର୍ଡ ୨୦୨୩ ନାମକ ବଡ଼ ଇଭେଣ୍ଟ କରିବାକୁ ପ୍ରସ୍ତୁତି ଆରମ୍ଭ କରିଦେଇ ଥିବା ଭରତ କୁହନ୍ତି ।

(ଅମୃତ ନନ୍ଦ ଙ୍କ ରିପୋର୍ଟ )