20-Apr-2023

ଖପ୍ରାଖୋଲ(ପୂର୍ଣ ଶଶୀ ଶେଖର ରାଓ ): ସମାଜ ପାଇଁ କିଛି ତ୍ୟାଗ ଓ ସେବା ହେଉଛି ପ୍ରକୃତ ମଣିଷ ପଣିଆ । ଏହି ଉକ୍ତିକୁ ବାସ୍ତବ ରୂପ ଦେଇଛନ୍ତି ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଖପ୍ରାଖୋଲ ପଞ୍ଚାୟତ ଅନ୍ତର୍ଗତ ମହୁରୁଣ୍ଡି ଗ୍ରାମର ରୁପେନ୍ଦ୍ର ମୁଣ୍ଡା(୨୭) । ମହୁରୁଣ୍ଡି ଗ୍ରାମର କୁମାରୀ ମୁଣ୍ଡା ଓ ମଦନ ମୁଣ୍ଡାଙ୍କ ରୁପେନ୍ଦ୍ର । ସେ ଗ୍ରାଜୁଏଶନ ଓ ଯୌର୍ଣ୍ଣାଲିଷ୍ମ କରିସାରିବା ପରେ ସମାଜସେବା ରେ କାର୍ଯ୍ୟରତା । କଲେଜ ପଢ଼ିବା ଦିନଠୁ ସେ ବାଛି ନେଇଥିଲେ କୌଣସି ପ୍ରକାରେ ହେଉ ସମାଜର କିଛି ସେବା କରିବା ପାଇଁ । ରାତି ପାହିଲେ ଖବରକାଗଜରୁ ଖୋଜି ପକାନ୍ତି ସମସ୍ୟା ଏବଂ ସେହି ସମସ୍ୟାକୁ ଟୁଇଟ ମଧ୍ୟମରେ ବିଭାଗୀୟ ଅଧିକାରୀଙ୍କୁ ଜାଣନ୍ତି । କେବଳ ବଲାଙ୍ଗୀର କାହିଁକି ନୂଆପଡା , ସୋନପୁର , ବୌଦ୍ଧ , ବରଗଡ଼ , କନ୍ଧମାଲ , କଳାହାଣ୍ଡି , ଭବାନୀପାଟଣା ଆଦି ପଡୋଶୀ ଜିଲ୍ଲା ଓ ବ୍ଲକ ମାନଙ୍କର ଅନେକ ସମସ୍ୟାକୁ ମଧ୍ୟ ସେ ଟୁଇଟ ମଧ୍ୟମରେ ସମାଧାନ କରିସାରିଲେଣି । ବିଶେଷ କରି ପାନୀୟ ଜଳ , ବାଧକ୍ୟ ଭତ୍ତା , ଗମନାଗମନ , ଶିକ୍ଷକ ନିଯୁକ୍ତି , ବିଦ୍ୟୁତ , ରାସ୍ତା ଘାଟ , ରାସନ କାର୍ଡ ଭଳି ମୋୖଲିକ ସୁବିଧା ସହ ଚିକିତ୍ସା ଅଭାବରୁ ପଡ଼ି ରହିଥିବା ରୋଗୀ ସମସ୍ୟାକୁ ସେ ଗୁରୁତ୍ୱ ଦେଇଥାନ୍ତି । ଇତି ମଧ୍ୟରେ ସେ ୧ ହଜାରରୁ ଉର୍ଦ୍ଧ୍ୱ ସମସ୍ୟା ଟୁଇଟ କରି ସମାଧାନ କରିଛନ୍ତି ବୋଲି କହିଛନ୍ତି । ତାଙ୍କର ଟୁଇଟ ଦ୍ୱାରା ସମସ୍ୟା ର ସମାଧାନ ହୋଇ ପାରୁଥିବାରୁ ସେ ଟୁଇଟର ବଏ ଭାବେ ପରିଚିତ ହୋଇଛନ୍ତି । ଆଜିର ବିଜ୍ଞାନ ଯୁଗରେ ଯୁବ ପିଢ଼ି ମୋବାଇଲ ଓ ସୋସିଆଲ ମିଡ଼ିଆକୁ ମନୋରଞ୍ଜନ ର ମାଧ୍ୟମ ଭାବେ ବାଛି ନେଇଥିବା ବେଳେ ରୁପେନ୍ଦ୍ର ଏହାକୁ ସମାଜ ମଙ୍ଗଳରେ ବ୍ୟବହାର କରୁଛନ୍ତି । ସେ ଜଣେ ସମାଜସେବୀ ତଥା ୧୦ ବର୍ଷ ହେଲା ସାମ୍ବାଦିକତା କରି ଆସୁଥିବା ରୁପେନ୍ଦ୍ର ଆଜି ପର୍ଯ୍ୟନ୍ତ ଅନେକ ସମସ୍ୟା ର ସମାଧାନ ସାଙ୍ଗ କୁ ୧୦୦ ରୁ ଉର୍ଦ୍ଧ ଶିଶୁ ଙ୍କ ଜନ୍ମ ସାର୍ଟିଫିକେଟ କରିଦେଇଥିବା ଜଣା ପଡିଛି ।  ଅଞ୍ଚଳ ରେ ଟ୍ୱିଟର ବଏ ଭାବରେ ପରିଚିତ ରୁପେନ୍ଦ୍ର ଜଣେ ମେଳାପୀ, ଦରଦୀ ହୃଦୟ ର ଲୋକ । ସେ ସବୁ ବେଳେ ଖବର କାଗଜ ହେଉ ବା ଟ୍ୱିଟର ମାଧ୍ୟମ ରେ ହେଉ ଲୋକଙ୍କ ପାଖ କୁ ପହଞ୍ଚି ସମସ୍ୟା ବୁଝି ସମାଧାନ ପାଇଁ ସର୍ବଦା ଚେଷ୍ଟିତ କରନ୍ତି । ୨୦୨୩ ଫେବୃଆରୀ ୧୭ ତାରିଖ ରେ ନୂଆପଡା ଜିଲ୍ଲା ବୋଡେ଼ନ ଗ୍ରାମର ଜଣେ ପୁରୁଷ ପକ୍ଷାଘାତ ରୋଗ ପୀଡିତ ଥିବା ରୋଗୀଙ୍କ ବିଷୟରେ ଖବରକାଗଜରେ ପଢ଼ି ଜାଣିବା ପରେ ରୁପେନ୍ଦ୍ର ଜିଲ୍ଲା ମୁଖ୍ୟ ଚିକିତ୍ସାଧିକାରୀ , ବିଭାଗୀୟ ସଚିବ ଓ ସ୍ୱାସ୍ଥ୍ୟମନ୍ତ୍ରୀଙ୍କୁ ଟୁଇଟ କରି ଜଣାଇଥିଲେ । ଏହା ପରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ତୁରନ୍ତ ଚିକିତ୍ସା ବ୍ୟବସ୍ଥା କରିବାକୁ ନିର୍ଦ୍ଧେଶ ଦେଇଥିଲେ । ସେହି ଦିନ ଠାରୁ ଏହି ଟୁଇଟ ମଧ୍ୟରେ ସମାଜସେବା ତାଙ୍କ ପାଇଁ ବ୍ରତ ପାଲଟିଥିବା ରୁପେନ୍ଦ୍ର କହିଛନ୍ତି ।