30-Dec-2022

ବେଲପଡା(ପୂର୍ଣ୍ଣ ଶଶୀ ଶେଖର ରାଓ)ୱାଇ. ସି. ଡ଼ି. ଏ., ବେଲପଡାର ଆୟୋଜନରେ ତଥା ଏସ୍. କେ. ଏନ୍., ନେଦରଲାଣ୍ଡର ସହୋଯୋଗରେ ଶିଶୁ ସଂଘର ପ୍ରମୁଖ ମାନଙ୍କ ପାଇଁ ତାଲିମ ପ୍ରଦାନ କରାଯାଇଛି। ଦୁଇ ଦିନ ଯଥା ତା. ୨୮.୧୨.୨୦୨୨ ଓ ୨୯.୧୨.୨୦୨୨ ରିଖ ବେଲପଡାର  ବେହେରାମୁଣ୍ଡା ଅନୁସୂଚିତ ଜାତି ଓ ଜନଜାତି ଛାତ୍ରାବାସ ଏବଂ ବ୍ଲକ୍ ସମ୍ମିଳନୀ କକ୍ଷ ରେ ୫ ଟି ପଞ୍ଚାୟତର ୩୦ ଟି ଶିଶୁ ସଂଘର ୯୪ ଜଣ ଶିଶୁ ପ୍ରମୁଖଙ୍କୁ ତାଲିମ ପ୍ରଦାନ କରାଯାଇଛି। ନେତୃତ୍ୱ ଓ ଅଂଶଗ୍ରହଣ ବୃଦ୍ଧି, ବ୍ୟକ୍ତିଗତ ବିକାଶ କୁ ନେଇକି ଏହି କର୍ମଶାଳା ଅନୁଷ୍ଠିତ ହୋଇଥିଲା। ଶିଶୁ ସଂଘର ପ୍ରମୁଖ ମାନଙ୍କର ବିଭିନ୍ନ ଉପାୟରେର ଦକ୍ଷତା ବୃଦ୍ଧି କରାଯିବା

ସହ ଆଗାମୀ ଦିନରେ କିପରି ଶିଶୁ ସଂଘର ତଥା ଶିଶୁ ମାନଙ୍କର ବିକାଶ ପାଇଁ ନେତୃତ୍ବ ନେବେ କାର୍ଯ ଯୋଜନା ପ୍ରସ୍ତୁତ କରାଯାଇଥିଲା । ହିରାଲାଲ ମିଶ୍ର,  ଅନାଘା ଆନ୍ ଥୋମାସ ଓ ସୁଭଦ୍ରା ପାଣଗ୍ରାହୀ ଶିଶୁ ମାନଙ୍କୁ ତାଲିମ୍ ପ୍ରଦାନ କରିଥିଲେ। 

କାର୍ଯ୍ୟକ୍ରମକୁ ୱାଇ. ସି. ଡ଼ି. ଏ., ବେଲପଡା ର ବ୍ଲକ୍ ସଂଯୋଜକ, ଯୋଗେଶ୍ୱର ପ୍ରଧାନ ପରିଚାଳନା କରିଥିବା ବେଳେ ରୁଦ୍ର ବଗର୍ତ୍ତି, ତୋଫାନ ପରିଡ଼ା, ଉର୍ବଶୀ ପଧାନ, ବିନୋଦିନୀ କାଲସାଇ ଓ ଅପରାଜିତା ଗୋସ୍ୱାମୀ ପ୍ରମୁଖ ସହୋଯୋଗ କରିଥିଲେ ।