20-Dec-2022

ବିନିକା(ହିମାଂଶୁ ଶେଖର ପୁଟେଲ) ୨୨୦କେଭି ବିଦ୍ୟୁତ ଟାୱାର ହତାଓ ବିନିକା ବଞ୍ଚାଅ ନାରାରେ ଆଜି ତହସିଲ କାର୍ଯ୍ୟାଳୟ କମ୍ପି ଉଠିଛି ।ସ୍ୱାଭିମାନ ମଞ୍ଚ ତରଫରୁ ଦଳମତ ନିର୍ବିଶେଷରେ ସମସ୍ତ ନେତା,ଅଞ୍ଚଳର ଚାଷୀ ଓ ଜନସାଧାରଣ ଏକତ୍ରିତ ହୋଇ ସ୍ଥାନୀୟ ବିନିକା ତହସିଲ କାର୍ଯ୍ୟାଳୟ ଫାଟକରେ ତାଲା ପକାଇ ବିନିକା ବଞ୍ଚାଅ ନାରା ଦେଇ ବିକ୍ଷୋଭ ପ୍ରଦର୍ଶନ ଜାରି ରଖିଛନ୍ତି ।ଯଦି ପ୍ରଶାସନ ଲିଖିତ ପ୍ରତିଶ୍ରୁତି ନ ଦିଏ ତାହାହେଲେ ଆସନ୍ତାକାଲି ବୁଧବାର ସକାଳ ୬ଘଣ୍ଟାରୁ ସନ୍ଧ୍ୟା ୬ଘଣ୍ଟା ପର୍ଯ୍ୟନ୍ତ ବିନିକା ବନ୍ଦ ପାଳନ କରାଯିବ ବୋଲି ଆନ୍ଦୋଳନକାରୀ ଚେତାବନୀ ଦେଇଛନ୍ତି ।ପ୍ରକାଶ ଯୋଗ୍ୟ ଯେ ବିନିକା ସହରାଞ୍ଚଳ ଭିତର ଦେଇ ବରଗଡ଼ ଜିଲ୍ଲାର କଟାପାଲି ରୁ ଅନୁଗୁଳ ଜିଲ୍ଲା କିଆକଟା ମଧ୍ୟରେ ନିର୍ମାଣ ହେବାକୁ ଯାଉଥିବା ୨୨୦କେଭି ବିଦ୍ୟୁତ ଟାୱାର କୁ ସମ୍ପୁର୍ଣ୍ଣ ଭାବେ ବିରୋଧ କରାଯାଇଛି ।ଗତକାଲି ଟାୱାର ନିର୍ମାଣ କାରି ସଂସ୍ଥା ଓପିଟିସିଏଲ ପୋଲିସ ଫୋର୍ସ ମୁତୟନ ସହ ମେରୀ ରାୟ ନୀତି ଅବଲମ୍ବନ କରି ସହରାଞ୍ଚଳ ଚାଷ ଜମି ମାନଙ୍କରେ ଟାୱାର ନିର୍ମାଣ କାର୍ଯ୍ୟ ଆରମ୍ଭ କରିଥିଲା ଅଞ୍ଚଳର ଚାଷୀ ଓ ଜନସାଧାରଣ ଜାଣିବା ପରେ ତୁରନ୍ତ କାର୍ଯ୍ୟ ସ୍ଥଳକୁ ଯାଇ ଜୋରଦାର ପ୍ରତିବାଦ କରି ବନ୍ଦ କରିଦେଇଥିଲେ ।ପରେ ସନ୍ଧ୍ୟାରେ ଅନୁଷ୍ଠିତ ସର୍ବଦଳୀୟ ବୈଠକରେ ଉକ୍ତ ଟାୱାର କୁ ସମ୍ପୂର୍ଣ୍ଣ ଭାବେ ସହର ଭିତର ଦେଇ ବାରଣ କରାଯିବ ଦରକାର ପଡିଲେ ଗୋଟିଏ ଇଞ୍ଚ ମାଟି ଛଡାଯିବ ନାହିଁ ବୋଲି ମତ ପ୍ରକାଶ ପାଇବା ସହ ଦାବି ହାସଲ ଯାଏ ଆନ୍ଦୋଳନ କରାଯିବ ବୋଲି ନିଷ୍ପତି ହୋଇଥିଲା ।ଟାୱାର ନିର୍ମାଣ ହେଲେ ବିନିକା ଅଞ୍ଚଳର ବ୍ୟାପକ କ୍ଷୟକ୍ଷତି ହେବ, ସରକାରଙ୍କ ପ୍ରସ୍ତାବଧୀନ ବିନିକା ସବ ଡିଭିଜନ ହେବାରେ ଅନ୍ତରାୟ ସୃଷ୍ଟି କରିବ,ସହରର ସୌନ୍ଦର୍ଯ୍ୟ ଛାରଖାର ହୋଇଯିବ,ଯେଉଁ ପଟରେ ବଡୁଛି ସହର ତାହା ବଡ଼ି ପାରିବ ନାହିଁ,ପ୍ରାୟ ୪ଶହରୁ ୫ସହ ଲୋକ ପ୍ରଭାବିତ ହେବେ,ସରକାରୀ/ବେସରକାରୀ, ଶିକ୍ଷାନୁଷ୍ଠାନ,କୋଠାବାଡ଼ି କ୍ଷୟକ୍ଷତି ହେବ,ଦୁନିଆକୁ ଆହାର ଯୋଗାଉଥିବା ଚାଷୀ ଜମି ହରାଇ ତଳିତଳାନ୍ତ ହେବ, ଉଚ୍ଚ ଶକ୍ତି ସମ୍ପନ୍ନ ବିଦ୍ୟୁତ ଲାଇନ ଯୋଗୁଁ ଅଘଟଣ ଘଟିବାର ମଧ୍ୟ ଆଶଙ୍କା ରହିଛି ।ତେଣୁ ବିନିକା ସହରକୁ ବଞ୍ଚାଇବା ପାଇଁ ସ୍ୱାଭିମାନ ମଞ୍ଚ ତରଫରୁ ସ୍ଥାନୀୟ ତହସିଲ କାର୍ଯ୍ୟାଳୟ କୁ ତାଲା ପକାଇ ଆନ୍ଦୋଳନ ଜାରି ରହିଛି ।