22-Aug-2021

ବଲାଙ୍ଗିର,(ପ୍ରେରଣା ଖବର)-୧୯୦୯ ମସିହାରେ ଉତ୍କଳମଣି ଗୋପବନ୍ଧୁ ଦାସଙ୍କ ଦ୍ୱାରା ପ୍ରତିଷ୍ଠିତ ମଣିଷ ତିଆରି କାରଖାନା ସତ୍ୟବାଦୀ ବନ ବିଦ୍ୟାଳୟକୁ ଜାତୀୟ ଶିକ୍ଷାନୀତି ୨୦୨୦ ର ପ୍ରୟୋଗଶାଳା କରିବା କେନ୍ଦ୍ର ଶିକ୍ଷାମନ୍ତ୍ରୀଙ୍କର ବୟାନର ପ୍ରତିବାଦରେ ଆଜି ସାରା ଓଡିଶା ସପ୍ତାହ ବ୍ୟାପି ପ୍ରତିବାଦ ଦିବସ ଅବସରରେ ଏଆଇଡିଏସ୍‌ଓ ବଲାଙ୍ଗିର ଜିଲ୍ଲା ମିଟି ତରଫରୁ ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ କୁଶ ପୁତ୍ତଳିକା ପୋଡାଯାଇଥିଲା । ସାମନ୍ତବାଦୀ କୁସଂସ୍କାର, ଧର୍ମୀୟ ରକ୍ଷଣ ଶୀଳତା, ଅନ୍ଧତା ସହିତ ବ୍ରିଟିଶ ସାମ୍ରାଜ୍ୟବାଦ ବିରୁଦ୍ଧରେ ସଂଗ୍ରାମୀ ସ୍ୱାଧିନଚେତା, ମଣିଷ ଗଢିବା ଲାଗି ସତ୍ୟବାଦୀ ବନ ବିଦ୍ୟାଳୟ ଗଢାଯାଇଥିଲା ।  ମାତ୍ର କଂଗ୍ରେସ ନେତୃତ୍ୱାଧୀନ ରାଜୀବ ଗାନ୍ଧୀ ସରକାର ୧୯୬୮ ମସିହା ଜାତୀୟ ଶିକ୍ଷାନିତୀର ଧାରାବହିକତାରେ ବର୍ତମାନର ବିଜେପି ନେତୃତ୍ୱାଧୀନ ମୋଦୀ ସରକାରଙ୍କ ଜାତୀୟ ଶିକ୍ଷାନିତୀ ୨୦୨୦ର ଉଦ୍ଦେଶ୍ୟ ଏହାର ପରିପନ୍ଥୀ । ଏହି ଶିକ୍ଷାର ଘରୋଇକରଣ, ବ୍ୟବସାୟୀକରଣ, ସମ୍ପ୍ରଦାୟୀକରଣ, ଧନ୍ଦାମୁଖୀକରଣ, ବ୍ୟବସାୟୀକରଣ ଓ କେନ୍ଦ୍ରୀକରଣର ନୀଳ ନକ୍ସା, କେନ୍ଦ୍ର ଶିକ୍ଷାମନ୍ତ୍ରୀ ସତ୍ୟବାଦୀ ବନ ବିଦ୍ୟାଳୟକୁ ନବଜାଗରଣର ଏନ୍ତୁଡିଶାଳ ଏବଂ ଗୋପବନ୍ଧୁଙ୍କ ଶିକ୍ଷାପ୍ରତି ଅବଦାନ କଥା କହି ଏହାକୁ ଜାତୀୟ ଶିକ୍ଷାନୀତି ୨୦୨୦ ର ପ୍ରୟୋଗଶାଳା କରିବେ ବୋଲି ଘୋଷଣା କଲା ବେଳକୁ ଜାତୀୟ ଶିକ୍ଷାନୀତି ୨୦୨୦ରେ କିନ୍ତୁ କୌଣସିଠାରେ ମଧ୍ୟ ଭାରତବର୍ଷର ସେହି ଗୌରାବୋଜ୍ଜ୍ୱଳା ନବଜାଗରଣ ବିଷୟରେ କିମ୍ବା ଜନଜାଗରଣର ବାର୍ତ୍ତାବହ ମହାମନୀଷି ରାଜା ରାମମୋହନ ରାୟ, ଇଶ୍ୱର ଚନ୍ଦ୍ର ବିଦ୍ୟାସାଗର, ଜ୍ୟୋତିବରାଓ ଫୁଲେ ଠାରୁ ଆରମ୍ଭ କରି ଫକୀରମୋହନ, ଉତ୍କଳମଣି ଗୋପବନ୍ଧୁ ପର୍ଯ୍ୟନ୍ତ ବିଶିଷ୍ଟ ସାହିତ୍ୱିକ ଶରତ ଚନ୍ଦ୍ର, ନଜରୁଲ, ପ୍ରେମଚାନ୍ଦ ସମେତ ବୈଜ୍ଞାନିକ ସି.ଭି. ରମଣ, ମେଘନାଦ ସାହା, ସତ୍ୟେନ ବୋଷ ଆଦିଙ୍କ ନାମ ଉଲ୍ଲେଖ ନାହିଁ । ତେଣୁ କେନ୍ଦ୍ର ଶିକ୍ଷାମନ୍ତ୍ରୀ ପଞ୍ଚସଖା ତଥା ଓଡିଶାବାସୀଙ୍କୁ ଜିଜର ଭୁଲ ବୟାନ ପାଇଁ କ୍ଷମା ମାଗିବା ଦରକାର । ଶିକ୍ଷାମନ୍ତ୍ରୀଙ୍କ ଏହି ବୟାନ ପ୍ରତିବାଦରେ ସମସ୍ତ ଶିକ୍ଷାପ୍ରେମୀ ଜନସାଧାରଣ ଆଗେଇ ଆସିବାକୁ ସଂଗଠକ ପକ୍ଷରୁ ଆହ୍ୱାନ କରାଯାଇଛି । ଆଜିର ଏହି ପ୍ରତିବାଦ ଶୋଭାରେ ଜିଲ୍ଲା ସଭାପତି ରାଜେନ୍ଦ୍ର ରଣା ସମ୍ପାଦକ ମଧୁସୁଦନ ବାଗ, ରାଜ୍ୟ ସମ୍ପାଦକ ମଣ୍ଡଳି ସଭ୍ୟ, ସୁନିଲ ଭୋଇ, ବିକାଶ ଜେନା, ଅହଲ୍ୟା ସାହୁ, ଗୌରୀ ରାଉତ, ମୁକେଶ ସାହୁ, ଅନନ୍ତ ପାଣ୍ଡେ, ସିଦ୍ଧାନ୍ତ ମହାକୁର ସହ ବହୁ ଛାତ୍ର ଛାତ୍ରୀ ସାମିଲ ଥିଲେ ।