18-Aug-2021

ବଲାଙ୍ଗିର, ବଲାଙ୍ଗିର ର ପୂବର୍ତନ ସାଂସଦ ତଥା ବିଜୁ ଜନତା ଦଳର ରାଜ୍ଯ ବରିଷ୍ଟ ସାଧାରଣ ସଂପାଦକ କଳିକେଶ ନାରାୟଣ ସିଂହଦେଓ ଆଜି ମାରାଥନ ଭିଜିଟ କରି ବଲାଙ୍ଗିର ବିଭିନ୍ନ ସମସ୍ୟା ବୁଝିବା ସହ ପ୍ରକଳ୍ପ ଗୁଡିକର ଅଗ୍ରଗତି ଅନୁଧ୍ୟାନ କରିଛନ୍ତି । ସକାଳୁ ପ୍ରଥମେ ରାଜେନ୍ଦ୍ର ବିଶ୍ବ ବିଦ୍ୟାଳୟ , କଲେଜଛକ ସିଏନ୍‌ଆଇ ଚର୍ଚ୍ଚ, ଜଗର୍ସ ପାର୍କ ଓ ପରେ ପରେ ନିର୍ମାଣାଧୀନ ବସ ଟର୍ମିନାଲ ପରିଦର୍ଶନ କରିଥିଲେ । ସେହିପରି ଉପର ବେଳା ଭୀମ ଭୋଇ ମେଡିକାଲରେ କର୍ତ୍ତୁପକ୍ଷଙ୍କୁ ମେଡିକାଲ ଉପକରଣ ପ୍ରଦାନ କରିବା ସହ , ଅକ୍ସିଜେନ ପ୍ଲାନ୍ଟ ଓ ଶେଷରେ ନିର୍ମାଣାଧିନ ଘଣ୍ଟାଘର ପରିଦର୍ଶନ କରି ଏହାର ଅଗ୍ରଗତି ସମ୍ବନ୍ଧରେ ସବିଶେଷ ସୁଚନା ନେଇଥିଲେ । 

ରାଜେନ୍ଦ୍ର ବିଶ୍ୱବିଦ୍ୟାଳୟର ସଂପୁର୍ଣ୍ଣତା ପାଇଁ ଏବେ ମଧ୍ୟ ଗୁଡାଏ ସମସ୍ୟା ରହିଛି । ବିଗତ ଦିନରେ ୟୁଜିସି ମାନ୍ୟତା କୁ ନେଇ ହୋଇଥିବା ସମସ୍ୟା ବିରୁଦ୍ଦରେ କଳିକେଶ ସମେତ ଅନ୍ୟମାନଙ୍କ ଚିଠି ଦେବା ପରେ ସମସ୍ୟାର ସମାଧାନ ହୋଇ ରାଜେନ୍ଦ୍ର ବିଶ୍ୱ ବିଦ୍ୟାଳୟ ୟୁଜିସି ମାନ୍ୟତା ପାଇଥିଲା । ଆଜି ସକାଳୁ କଳିକେଶ ରାଜେନ୍ଦ୍ର କଲେଜ ପରିସରକୁ ପହଞ୍ଚୁ ପହଞ୍ଚୁ  କଲେଜ ଛାତ୍ରଛାତ୍ରୀମାନେ ତାଙ୍କୁ ଭବ୍ୟ ସ୍ୱାଗତ କରି କୁଳପତିଙ୍କ କାର୍ଯ୍ୟାଳୟକୁ ପାଛୋଟି ନେଇଥିଲେ ।   ୟୁଜିସି ର ୧୨(ଖ) ପୁରଣ ପାଇଁ ବିଶ୍ୱ ବିଦ୍ୟାଳୟର ଜମି ଅଧିଗ୍ରହଣ ଏବେ ମଧ୍ୟ  ମୂଖ୍ୟ ସମସ୍ୟା ହୋଇଥିବାବେଳେ ଜମିର ପୁରୁଣା ରିକର୍ଡ ଓ ଜମି ଅଧିଗ୍ରହଣ ବିଭିନ୍ନ ତରିକା ଉପରେ କଳିକେଶ ବିଶ୍ୱ ବିଦ୍ୟାଳୟ କୁଳପତି ଓ ରେଜିଷ୍ଟାରଙ୍କ ସହିତ ସବିଶେଷ ଆଲୋଚନା କରିଥିଲେ । ଏହି ଅବସରରେ ବିଶ୍ୱ ବିଦ୍ୟାଳୟ କର୍ତ୍ତୁପକ୍ଷ ମଧ୍ୟ ବିଭିନ୍ନ ସମସ୍ୟା କଳିକେଶଙ୍କ ସମ୍ମୁଖରେ ଉପସ୍ଥାପନ କରିଥିଲେ । ତାହାର ଯଥା ଶିଘ୍ର ସମାଧାନ ପାଇଁ ଚେଷ୍ଟା କରାଯିବ ବୋଲି କଳିକେଶ ପ୍ରତିଶୃତି ଦେଇଥିଲେ ।  ପରେ ପରେ କଳିକେଶ କଲେଜଛକ ସିଏନଆଇ ଚର୍ଚ୍ଚ ପ୍ରାୟ ଏକ କୋଟି ଟଙ୍କର ନିର୍ମାଣାଧିଣ ପ୍ରକଳ୍ପର ପରିଦର୍ଶନ କରିବା ସହ ଏହାର ଅଗ୍ରଗତି ସଂପର୍କରେ ଚର୍ଚ୍ଚ କମିଟି ସଭ୍ୟଙ୍କୁ ପଚାରି ବୁଝିଥିଲେ । ଏହା ପରେ ଟିଟଲାଗଡ ରୋଡ ସ୍ଥିତ ୪୦ଲକ୍ଷରେ ନିର୍ମାଣାଧିନ ଜଗର୍ସ ପାର୍କ ପ୍ରକଳ୍ପ  ପରିଦର୍ଶନ କରି ପୌରବିଭାଗର କନିଷ୍ଟ ଯନ୍ତ୍ରୀ ରୋଜାଲିନ ରାଉତଙ୍କୁ ପ୍ରକଳ୍ପର ଅଗ୍ରଗତି ସମ୍ବନ୍ଧରେ ପଚାରି ଥିଲେ । ପରେ ପରେ ୮କୋଟି ୩୫ ଲକ୍ଷ ଟଙ୍କାର ନିର୍ମାଣାଧୀନ ବସ ଟର୍ମିନାଲ ପରିଦର୍ଶନ କରି ଏସଡିଓ,ଏପିଏମ ଓ ଡିଟିଏମ ଙ୍କ ସହ ସବିଶେଷ ଅଲୋଚନା କରିଥିଲେ । ଜନସାଧାରଣଙ୍କ ଦାବୀ ମୁତାବକ ସେଠାରେ ଏକ ପୋଲିସ ଫାଣ୍ଡି ଓ ବିକଳାଙ୍ଗଙ୍କ ପାଇଁ ଏସ୍କେଲେଟର ର ପ୍ରସ୍ତାବ ଦେଇଥିଲେ । ସଂନ୍ଧ୍ୟା ୪ଟାରେ ନିରତାର ସେଣ୍ଟର ପରିଦର୍ଶନ ପରେ କଳିକେଶ ସିଧା ଭୀମଭୋଇ ମେଡିକାଲ କୁ ପହଞ୍ଚି ମେଡିକାଲ କର୍ତ୍ତୁପକ୍ଷଙ୍କୁ ୫ଟି ଆସିୟୁ ବ୍ୟାଡ ଓ ୨ ଗୋଟି ଅକ୍ସିଜେନ କନସନଟ୍ରେଟର ପ୍ରଦାନ କରିଥିଲେ । ଆଶଙ୍କ କରାଯାଉଥିବା କରୋନାର ତୃତୀୟ ଲହର ପାଇଁ ବଲାଙ୍ଗିର ଭୀମ ଭୋଇ ମେଡିକାଲ କେତେ ପ୍ରସ୍ତୁତ ସେ ବିଷୟରେ କର୍ତ୍ତୁପର୍କ୍ଷଙ୍କ ସହ ସବିଶେଷ ଆଲୋଚନା କରିଥିଲେ । ସିଡିଏମଓ ଭୀମ ସାହୁ , ମେଡିକାଲ ସୁପରିଷ୍ଟେଣ୍ଡେଣ୍ଟ ଡା. ନାୟକ, ଡା ରଥ, ଡା ବାରା କଳିକେଶଙ୍କୁ ପ୍ରସ୍ତୁତି ବିଷୟରେ ସୁଚନା ଦେଇଥିଲେ ।  ପରେପରେ ନିର୍ମାଣାଧିନ ଅମ୍ଳଜାନ ପ୍ରକଳ୍ପ ପରିଦର୍ଶନ କରିବା ସହ କଳିକେଶ ପାଟଣା ହୋଟେଲ ଛକ ସ୍ଥିତ ନିର୍ମାଣାଧିନ ଘଣ୍ଟା ଘର ର ପରିଦର୍ଶନ କରିଥିଲେ । ତେବେ ଆସନ୍ତା ଚାରି ମାସ ଭୀତରେ ଘଣ୍ଟା ଘର ନିର୍ମାଣ ସଂପୂର୍ଣ୍ଣ ହେବ ବୋଲି ପରିଦର୍ଶନରୁ ଜଣା ପଡିଥିଲା । କଳୀକେଶ ଙ୍କ ଆଜିର ଏହି ତୁଫାନି ଗସ୍ତ ସମୟରେ ଦଳର ସମସ୍ତ ବିଶିଷ୍ଟ କାଯ୍ୟକର୍ତ୍ତା ଉପସ୍ଥିତ ଥିଲେ ।