20-Jul-2021

ବିନିକା (ହିମାଂଶୁ ଶେଖର ପୁଟେଲ) ବାପାମାଆ ଛେଉଣ୍ଡ ନିଞ୍ଜନ ପୁଟା (୨୯) ପେଟପାଟଣା ପାଇଁ ତାମିଲନାଡୁ ରାଜ୍ୟ ଵୈମାଟୁରା ଜିଲ୍ଲା କେନାପାଳୀମକୁ କାମ କରିବାକୁ ଯାଇଥିଲେ ହେଁ ଗତ ଜୁଲାଇ ୭ତାରିଖରୁ ଅଦ୍ୟାବଧି ୧୩ଦିନ ହେଲା ରୀତିମତ ଯୋଗାଯୋଗ କରା ଯାଉଥିଲେ ମଧ୍ୟ ତାଙ୍କର କୋୖଣସି ଖୋଜଖବର ମିଳୁନ ଥିବାରୁ ବଡ଼ଭାଇ ଦୁଃଖଭରା କଣ୍ଠରେ ସୋସିଆଲ ମିଡ଼ିଆ ମାଧ୍ୟମରେ ଭାଇ ନିରଞ୍ଜନଙ୍କୁ ଉଦ୍ଧାର ପାଇଁ ସରକାରଙ୍କୁ ନିବେଦନ କରିଛନ୍ତି l ଖବର ନେବାରୁ ଜଣାପଡିଛି ଯେ ସୁବର୍ଣ୍ଣପୁର ଜିଲ୍ଲା ରାମପୁର ତହସିଲ ଅଧିନ ଲିଙ୍ଗମାର୍ଣି ପଞ୍ଚାୟତ ଲୁଡୁକିବେଡା ଗ୍ରାମର ନିରଞ୍ଜନ ପୁଟା ଦୀର୍ଘ ୭ମାସ ହେଲା ପେଟ ପାଇଁ ତାମିଲନାଡୁ ରାଜ୍ୟର କେନପାଲିଁମ ଠାରେ ଏକ ମୋଟରସ ପାଟସ୍ ଦୋକାନରେ କାମ କରୁଥିଲେ l ଗତ ଜୁଲାଇ ୭ତାରିଖ ଦିନ ଗାଧୋଇବାକୁ ଯାଇ ଆଉ ସେ ଫେରି ନଥିବା ଜଣାପଡିଛି l ସେହିଦିନ ଠାରୁ ଆଜି ପର୍ଯ୍ୟନ୍ତ ୧୩ ଦିନ ହେଲା ରୀତିମତ ଯୋଗାଯୋଗ କରାଯାଉଥିଲେ ମଧ୍ୟ ମୋବାଇଲ ସୁଇଚ୍ ଅଫ ଥିବାରୁ ଭାଇକୁ ନେଇ ସନ୍ଦେହ ସୃଷ୍ଟି କରିଛି l ଅନ୍ୟ ପକ୍ଷରେ ଭାଇର ସୁରାକ ପାଇଁ ବିଭିନ୍ନ ଲୋକଙ୍କ ସହ ଚେଷ୍ଟା ଜାରି ରହିଥିଲେ ମଧ୍ୟ କୌଣସି ପତ୍ତା ମିଳୁ ନଥିବାରୁ ପରିବାର ଭାଙ୍ଗି ପଡିଛନ୍ତି l ଏହି ଘଟଣାକୁ ନେଇ ସାଙ୍ଗସାଥୀ ଓ ଗ୍ରାମବାସୀ ମହଲରେ ମଧ୍ୟ ଭାଳେଣି ପଡ଼ିଥିବା ବେଳେ ଭଗବାନ ତାର ସାହା ଭରସା ହୁଅନ୍ତୁ ଏବଂ ସେ ଠିକରେ ଘରକୁ ଫେରୁ ବୋଲି ଲୋକ ମହଲରୁ ଶୁଣିବାକୁ ମିଳୁଛି l ନିରଞ୍ଜନ ପାଇଁ ପରିବାର ସଦସ୍ୟଙ୍କ ଆଖିରୁ ଲୁହ ଝରୁଥିବା ବେଳେ ବଡ଼ଭାଇ ଦାମୋଦର ପୁଟା ସୋସିଆଲ ମିଡ଼ିଆ ମାଧ୍ୟମରେ ଭାଇକୁ ଉଦ୍ଧାର ପାଇଁ ସରକାରଙ୍କୁ ନିବେଦନ କରିଛନ୍ତି l