17-Jul-2021

ସୋନପୁର(ମନୋରଞ୍ଜନ ତ୍ରିପାଠୀ) :  ଶହେ ଏକ ଥର ରକ୍ତ ଦାନ କରିଥିବା  କ୍ଷୀରୋଦ ବିହାରୀ ଦାସଙ୍କ  ବୟସ ୪୧  ଓ ସମ୍ପ୍ରତି ସୁବର୍ଣ୍ଣପୁର ଜ଼ିଲ୍ଲା  ଜେଲ୍ କର୍ମଚାରୀ  ଭାବେ ସେ କାର୍ଯ୍ୟରତ l ମାତ୍ର 0 ନେଗେଟିଭ ଭଳି ଏକ ବିରଳ ଗ୍ରୁପ ର ପୁଣି ଶହେ ଏକ ଥର ରକ୍ତଦାନ  ଯାହାକି ଏକ ବିରଳ ରେକର୍ଡ ସୃଷ୍ଟି କରି  ସମାଜରେ ରହିଛି ତାଙ୍କର ଏବେ  ଅନନ୍ୟ ପରିଚୟ

l  ବୀରମହାରାଜପୁର ବ୍ଲକର ଏକତାଳ ଗ୍ରାମର ଭଗବାନ ଦାସ ଙ୍କ ପୁତ୍ର ଜଣେ ମଧ୍ୟବିତ୍ତ ପରିବାରରେ  ପରିପୋଷଣ  ହୋଇ ସୁବର୍ଣ୍ଣପୁର ଉପକାରାଗାରରେ ଜଣେ କାରାରକ୍ଷୀ ଭାବରେ ଶୃଙ୍ଖଳିତ ଭାବେ  ନିଜର ଦାୟିତ୍ଵ ବହନ କରୁଛନ୍ତି କ୍ଷିରୋଦ l ପିଲା ବେଳୁ ମାତ୍ର ୧୮  ବର୍ଷ ବୟସରୁ ସେ ପ୍ରଥମ ଥର ରକ୍ତ ଦାନ କରି  ସମାଜସେବା ଓ ରକ୍ତଦାନ ଭଳି ମହତ ସେବା  ପ୍ରତି ଏବେଯାଏ ସେ ପ୍ରବଳ ଆଗ୍ରହ ରଖିଛନ୍ତି l  ଆଜି ସୁବର୍ଣ୍ଣପୁର ଜିଲ୍ଲାର  ମୁଖ୍ୟ ଡାକ୍ତରଖାନାର ଶିଶୁ ଓ ଗର୍ଭବତୀ ମହିଳା ବିଭାଗ ର ୬ ନମ୍ବର  ଶଯ୍ୟା ରେ ଚିକିତ୍ସିତ ହେଉଥିବା ବୌଦ୍ଧ ଜିଲ୍ଲାର ଗୁନ୍ଦୁଳିଆ ଗାଁ ର  କୁମୁଦିନୀ ବଘାରଙ୍କୁ ଜୀବନର ୧୦୧ ଥର ରକ୍ତ ଦାନ କରି ସମାଜ ସକାଶେ ଏକ ଉତ୍ସର୍ଗୀକୃତ ସେବାର ଉଦାହରଣ ସୃଷ୍ଟି କରିଛନ୍ତି କ୍ଷିରୋଦ l ଆଗାମୀ ଯୁବ ପିଢ଼ି ଙ୍କ ପାଇଁ ଏକ ପ୍ରେରଣା ସାଜିଥିବା କ୍ଷିରୋଦଙ୍କୁ  ଜିଲ୍ଲାର ରକ୍ତଦାତା ସଙ୍ଘ ସଭାପତି  ତଥା   ଓଡିଶା ରକ୍ତଦାତା ମହାସଂଘ ସଦସ୍ୟ  ମନୋଜ ପଣ୍ଡା, ସମ୍ପାଦକ ସଞ୍ଜୟ କୁମାର ସାହୁ, ସଂସ୍ଥାପକ ସତ୍ୟବାନ  ମିଶ୍ର, ଜେଲ କର୍ତ୍ତୁପକ୍ଷ  ଓ ଜେଲ ଫାର୍ମାସିଷ୍ଟ ପ୍ରଭାକର ଦଳେଇଙ୍କ ସମେତ ଜ଼ିଲ୍ଲାର ବୁଦ୍ଧିଜୀବୀ, ସଚେତନ ନାଗରିକ ଧନ୍ୟବାଦ ଓ କୃତଜ୍ଞତା ଜଣାଇଛନ୍ତି।  ଚାକିରୀ କାଳରେ ସେ ଏହା ପୂର୍ବରୁ ସୁବର୍ଣ୍ଣପୁର ଡି ଏଚ୍ ଏଚ୍ , ନୂଆପଡ଼ା, ଖରୀଆର , ମିଶନ୍ ହସ୍ପିଟାଲ୍ ଖରୀଆର, କୋରାପୁଟ, ବଲାଙ୍ଗୀର, ବରଗଡ଼, ବୌଦ୍ଧ, ସମ୍ବଲପୁର ଓ ରାଉରକେଲାରେ ଅନେକ ଥର  ରକ୍ତଦାନ କରିଛନ୍ତି  । ସୁନ୍ଦରଗଡ଼ ଜିଲ୍ଲାରେ ରାଜାଗ।ଙ୍ଗପୁର ରୁ ନିଜର ଚାକିରି ଜୀବନ ଆରମ୍ଭ କରି କୋରାପୁଟ, ବଲାଙ୍ଗୀର   ଆଦି ଜେଲ୍ ରେ ନିଷ୍ଟାର ସହିତ କାର୍ଯ୍ୟ  କରି ମଧ୍ୟ  ରକ୍ତଦାନ ଭଳି ମହତ  ସେବାକୁ ଛାଡି ନାହାନ୍ତି ସେ l ଏ ମହତ୍ କାର୍ଯ୍ୟରେ ତାଙ୍କୁ ଖୁବ  ଆତ୍ମସନ୍ତୋଷ ଓ  ମାନସିକ ଶାନ୍ତି ମିଳିଛି  ବୋଲି କୁହନ୍ତି

କ୍ଷୀରୋଦ l ଏ ସେବା,  ସଫଳତା  ଓ ରେକର୍ଡ ପାଇଁ ସେ   ନିଜର ବାପା , ମା  ଓ ସ୍ତ୍ରୀ ସନ୍ତୋଷିନୀ, ଝିଅ ବିଶ୍ଵଭାରତୀ, ପୁଅ ବୌମୋକେଶ୍ ତଥା ନିଜର ବଡ଼ ଭାଇ ବିନୋଦ ବିହାରୀ ସାମନ୍ତରାୟ, ପ୍ରହଲ୍ଲାଦ ଓ ତିନି ଭଉଣୀ ଦେବହୁତି, ଅଲେଖା ରାଣୀ , କମଳିନୀଙ୍କୁ ନିଜର ସମସ୍ତ  ଶ୍ରେୟ ଦେଇଛନ୍ତି  l କ୍ଷିରୋଦ ଏବେ ସୁବର୍ଣ୍ଣପୁର ଜିଲ୍ଲାର ମୁଖ୍ୟ କାରାଗାରରେ କାର୍ଯ୍ୟରତ ଅଛନ୍ତି ।