08-Jul-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) ଆଜି ଜିଲ୍ଲା ମୁଖ୍ୟଚିକିତ୍ସାଳୟ  ସୁବର୍ଣ୍ଣପୁର ପରିସରରୁ ବିଶ୍ଵ ଜନ ସଂଖ୍ୟା  ସଚେତନତା ପକ୍ଷ ପାଳନ ଅବସରରେ ବ୍ୟାପକ ସଚେତନତା ପାଇଁ ଏକ ସଚେତନତା ରଥ ର ଶୁଭାରମ୍ଭ ହୋଇଯାଇଛି । ଭାରପ୍ରାପ୍ତ ଜିଲ୍ଲା ମୁଖ୍ୟ ଚିକିତ୍ସା ଓ ଜନ ସ୍ବାସ୍ଥ୍ୟ ଅଧିକାରୀ ଡା. ମାନସ ରଞ୍ଜନ ଦଣ୍ଡପାଟ ସବୁଜ ପତାକା ପ୍ରଦର୍ଶନ ପୂର୍ବକ ଏହି ରଥ ର ଶୁଭାରମ୍ଭ କରିଥିଲେ । ଶୁଭାରମ୍ଭ ଉତ୍ସବ ଅତିରିକ୍ତ ଜିଲ୍ଲା ଜନସ୍ବାସ୍ଥ ଅଧିକାରୀ ଡା. ନବ କିଶୋର ବେହେରା ଙ୍କ ପ୍ରତକ୍ଷ୍ଯତତ୍ବାବଧାନ ରେ ଅନୁଷ୍ଠିତ ହୋଇଥିବାବେଳେ ଜିଲ୍ଲା ମୁଖ୍ୟ ଚିକିତ୍ସାଳୟ ର ଭାରପ୍ରାପ୍ତ ଅତିରିକ୍ତ ଜିଲ୍ଲା ଜନସ୍ବାସ୍ଥ୍ୟ ଅଧିକାରୀ (ମେଡିକାଲ) ଡ. ତ୍ରିବିକ୍ରମ ପାଣ୍ଡିଆ ଙ୍କ ସମେତ ସମସ୍ତ ଉପବିଭାଗ ର ଅଧିକାରୀ ଉପସ୍ଥିତ ଥିଲେ । ଏହି ଅବସରରେ ଜିଲ୍ଲା ମୁଖ୍ୟ ଚିକିତ୍ସାଲୟ ରୁ ଶୁଭାରମ୍ଭ କରାଯାଇଥିବା ସଚେତନତା ରଥ ଜିଲ୍ଲା ମ୍ୟୁନିସିପାଲିଟି  ଅଂଚଳର ସମସ୍ତ ୱାର୍ଡ ରେ ବ୍ୟାପକ ସଚେତନତା ସୃଷ୍ଟି କରାଇବ । ଏଥି ସହ  ଜିଲ୍ଲା ର ସମସ୍ତ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଗୁଡିକରେ ମଧ୍ୟ  ସମାନ ଢଙ୍ଗର କାର୍ଯ୍ୟକ୍ରମ ବିଭାଗ ତରଫରୁ ଅନୁଷ୍ଠିତ କରାଯିବ l 

ଅତିରିକ୍ତ ଜିଲ୍ଲା ଜନ ସ୍ୱାସ୍ଥ୍ୟଅଧିକାରୀ ଡା. ନବ କିଶୋର ବେହେରା ଙ୍କ ସୂଚନା  ଅନୁସାରେ ବିଶ୍ବ ଜନସଂଖ୍ୟା ପକ୍ଷ ପ୍ରତି ବର୍ଷ ଜୁନ ୨୭ ତାରିଖ ରୁ ଜୁଲାଇ ୨୪ ତାରିଖ ପର୍ଯ୍ୟନ୍ତ ୨ ଟି ପର୍ଯ୍ୟାୟ ରେ ପାଳିତ ହୋଇଥାଏ ଯଥା: ଜୁନ ୨୭ ତାରିଖ ରୁ ଜୁଲାଇ ୧୦ ତାରିଖ ପର୍ଯ୍ୟନ୍ତ ବିଶ୍ବ ଜନ ସଂଖ୍ୟା ସଚେତନତା ପକ୍ଷ ଓ ଜୁଲାଇ  ୧୧ ତାରିଖରୁ ଜୁଲାଇ ୨୪ ତାରିଖ ପର୍ଯ୍ୟନ୍ତ  ବିଶ୍ଵ ଜନସଂଖ୍ୟା ସ୍ଥିରତା ପକ୍ଷ l ବିଶ୍ୱ ଜନସଂଖ୍ୟା  ସଚେତନତା ପକ୍ଷ ରେ ବିଭିନ୍ନ ମାଧ୍ୟମ ଅବଲଂବନ କରି ଜନ ସଂଖ୍ୟା ସ୍ଥିରତା ଉପରେ ବ୍ୟାପକ ସଚେତନାତା ସୃଷ୍ଟି କରାଯାଉ ଥିବା ବେଳେ ସ୍ଥିରତା ପକ୍ଷରେ ଜନସଂଖ୍ୟା ନିୟନ୍ତ୍ରଣ ପାଇଁ ଉପଲବ୍ଧ ବିଭିନ୍ନ ପରିବାର ନିୟୋଜନ ପଦ୍ଧତି (ବାସ୍କେଟ ଚଏସ )ମଧ୍ୟରୁ ଯଥା:ଗର୍ଭ ନିରୋଧକ ବଟିକା ଓ କଣ୍ଡମ, ଅନ୍ତରା ଇଞ୍ଜେକ୍ସନ, ପ୍ରସବ ପରବର୍ତ୍ତି ଆ.ୟୁ ସି ଡି, ଆ. ୟୁ.ସି. ଡି., ମହିଳା ବନ୍ଧ୍ୟା କରଣ, ପୁରୁଷ ବନ୍ଧ୍ୟା କରଣ ଇତ୍ୟାଦି ସେବା ସବୁ ମଧ୍ୟରୁ ସନ୍ତାନ ଜନ୍ମକ୍ଷମ ଦମ୍ପତ୍ତିଙ୍କ ମନ ପସନ୍ଦର ଗୋଟିଏ ପଦ୍ଧତି ଆପଣେଇବାର ସେବା ପ୍ରଦାନ କରାଯାଇଥାଏ।